Colosenses 1:23 - Nuevo Testamento Toba Maskoy

²³ Nkaimelhkek eliennakteksek meliaskeiam anak, metka apkelieniekha m'a alel·halhnekama apvalho'ok elvetak hata aktaqmanma aniem'o ania'a aktaqmanma apkellengai'a lhta, nema aleltennaskamo mota lhmankek ham. Ko'o nhan askeleltennaskama ania'a nak aniem'o lhta heiapaskama Eniapom Neten.

Colosenses 1:23 ပူးပေါင်းရင်းမြစ်များ

Marcos 16:15

Netamen lhna aptemak Jesús apkellanemo apkeltamesaikamok: —Enmamok hata ketlhengkap lhmankek ham, eleltennasamok hata ania'a aktaqmanma m'a.

Lucas 22:32

Ko'o koka askenmalhneskasak Eniapom Neten kakpota mankomaskengvomek mei'askeiam lheiap. Netamen hato ka m'a eiennekhok hata mokhom ma'a, kakpota mokhom elpasmekhak na apketlhelhma'ak anak eliennekhok hata nhan ma'a —lhna aptemak Jesús apkanemo Pedro.

Lucas 6:48

lhema enenlhet la apkelanai'a apnemakha m'a. Emetmok sekhek ma'a akvakmo apvetangvakmo konne metaimong kakpota elanak avhok takhalhet apnemakha m'a. Netamen akvo'o la iemmen akiengeiam ma'a nkotiengvomok akiennaktema m'a pa'at lhek, koka mangkoiaqnenek ma'a aniem'o nietnek akiennakteskama avhok takhalhet metaimong ma'a.

Hechos 1:17

Koka apto lhta niekhe netlhelhma'ak Judas ma'a, nenmakmekamo lheme lhta nhan.

Hechos 1:25

kakpota etneskesek apkapasammap apiaqmongkeskama Judas alhta apieniekha, apmaiangko m'a akietemelha emhangkok aniem'o meihamolhma' m'a —lhna aptaiangkok apkelelmalhnongkoma m'a.

Hechos 1:8

Koka etlhevangkok hata aknema akmovana aliennakteskama ketlhengkap apvo'o ta Espíritu Santo takhaplhet'ok ma'a. Enmankok hata lhma nkek ham Jerusalen, Judea, Samaria, akvakmo aktakha mokhek ankek avhok lhepop mo'ok apkellavakha. Eleltennasama ta aplhamakho enenlhet'avok aktemakha apkelvetaiangko lhamakho qaselha askelanai'a lhta —lhna aptemak Jesús ma'a.

Hechos 11:23

Bernabe lhnoka apto enenlhet apiamolhma', aklanei'o lhnak na apvalhok Espíritu Santo m'a kakpota nhan mei'askeiam ma'a. Apvekhek nak Bernabe m'a akieto Antioquia, apvetangvekho lhnak Eniapom Neten apkeltakmelkeskama enenlhet'avok ma'a, avanhek ankek nak na akpaihekha apvalhok ma'a. Ka apkeliatekho lhnak ma'a enenlhet'avok kakpota melvatesankek apkelleliehekho Apveske. Aplhaniek nak enenlhet apkellailhemo Bernabe, ka aptaiangko nhan meliaskeiam Apveske m'a.

Hechos 14:22

Ka apkeleltemo lhnak amaika'a apkellelto nema altamesaikamok ma'a, apkeliateikokho lhnak na etlhengkesek meliaskeiam Jesús ma'a, lhnak aptaiangkok ma'a: —Annengangkok hata akiavai'a akientalhnema nenmak'o la antalhnengvomok akieto nak ma'a aptemakha apveske Eniapom Neten —lhna aptaiangkok ma'a.

Hechos 2:5

Apkakhaiangkek nak na m'a akieto Jerusalen judios apankavek apkellamelaiam Eniapom Neten apkelleniem'o m'a lhamakho apkellavakha lhmankek ham, apkelpaqmeteiangka lhnak mo'ok aktemakha apkelpaqmeiasma

Hechos 20:24

Koka mamma aptaikama evalhok angvetsepok kelhaha, askeltavek ko'o asavhok asmakmekama malha askelpaivasemmalhka aptakha lhta apaivoma Apveske Jesús heiano akieplomo akpaihekha evalhok, apkeltemo lhta apaiaksek ania'a aktaqmanma aplhenammap hengellamelaiam Eniapom Neten.

Hechos 26:16

¡Etnemekha neten kolhvave nak! Asteiapva'ak ko'o napaqte lheiap kakpota atneskesek askasennaikama lheiap, askeltavek epaiaksek ania'a aktakha nak apvetai'a lhkaiek, netamen epaiaksek hata nhan ania'a aktemakha ta asvetaskeskama lheiap.

Hechos 4:12

Vanlha koka apvankek hengelvongkesek tep ma'a ngkanek apvesai'a nak akto neten ankek ma'a, mangkolhnok po'ok enenlhet takhalhet lhepop anak —lhna aptemak Pedro apkellanemo m'a.

Romanos 10:18

¿Ma nlho ellengai'a niekhe ania'a, he? Mma', apkellengai'a niekhe have niapak ankek aplhamakho apankavek ania'a, ka aktemo nak aktalhesammalhka Vakkahak Eniapom Neten apaivoma hengke'e: «Ka apkelpaqmetekama nak apkelleltennasemmap ania'a ntepkek lhamakho eiempek, kanhan aktakha nnelha nkek lhepop ngvakmek ania'a m'a»

Romanos 15:16

kakpota atnek heiasennaikama Cristo Jesús. Apaiaksek na ania'a aktaqmanma apieseksek ma'a metnangko nak judios kakpota nhan eltangkok apkelpokkanma Eniapom Neten, malha qaselha nengaikamok anak apiaspongkomakha la Eniapom Neten, aniem'o Espíritu Santo.

Romanos 2:7

Ellangkok hata nhan ma'a aliennaktema apnenio'ok apkellelto apkelvaskapma apkellanekamok la aktaqmelo, apteniaikamok na nkolekkasama apvalhok Eniapom Neten, apteniaikamok na ngkolhek allangko aliennaktema apnenio'ok, kakpota nhan ngkolhek altemeskesangko apkelientalhnemo.

1 Corintios 15:58

Ka nkanek na ntasek ketlhengkap elialheng'a askellamelaiam, elienna ta metka apkelvatesaikamok na apkenmakmesaikama Apveske engankok anak, have aqhemo nhan apkenmakmesaikama ketlhengkap ma'a.

1 Corintios 3:5

Koka Apolos kanhan ko'o Pablo nengelelto vanlha mota hengellasennaikama Eniapom Neten kakpota angetlhekmosangkok ketlhengkap meliaskamek Cristo. Moklhem'a lhta ennengko'o nellan'ak nenmakmekama apkeltakha la Apveske engankok.

2 Corintios 10:1

Moklhem'a ketlhengkap apnaqtevaskangkek asvesai'a, apketlheianmo lhnak ngkolatsekama astemakha, lhnak asno la ham apieseksek anak ketlhengkap askeliatekama lhnak nkoiennaktema aspaioma, koka lhnak askapaso la astalheskeskama vakkahak ketlhengkap ham, nkoihek nak aspaioma astalheskama. Hata apketlhengkaso la apkellentepkasekama asvesai'a ham, metka asiekaskama ta aknem alammelhek ma'a apkellelto nak mok apatno'ok. Askelasnema askeltema elvatesangkok apkelentepkasekama asvesai'a, askeltavek na akieplomo apvesai'a Jesús, apto apiamolhma, hengellamelaiam nahan.

2 Corintios 11:23

Apketlhenakpavek na apankavek apkellelto apkenmakmesaikama Eniapom Neten, ko'o koka tep ankek asmakmesaikama Eniapom Neten. Niekhe malha anema askeliatekama, nkaqhok koka alhenkesek hata askeliatekama, tep ankek ko asmakmekama m'a enenlhet'avok anak, nlhaniek askaklhengkasemmalhka nenmammalhkelha, nlhanie lhta nhan nema heliaqpelhketaikama, nlhaniek na atlhengkeskama amatong.

2 Corintios 3:6

Hengellangke lhta nhan Eniapom Neten nenmopvanka'a angelpaiaksek hata ania'a aktemakha alhnankok annemo mo'ok apvalho'ok apkenmahai'akha etnangkok ma'a aniem'o nhan Espíritu apto nhan hengaikamok akiennaktema enneniek, koka have aniem'o m'a ley henlheianma nak ammatong hata.

2 Corintios 4:1

Eniapom Neten apto apiamolhma hengellanei'o ennengko'o, hengellaiangko nhan nenmakmekama nenlheianma ania'a aktaqmanma. Ka nkeniemai'ak mamma nhan manghengeliaqvaiam la angelpaiaksek ania'a aktaqmanma.

2 Corintios 6:1

Nenmakmesama ennengko'o Eniapom Neten, nellasnema nhan meltemeskesekhek koneng aktaqmanma nke nak apkellanei'o Eniapom Neten.

Galatas 4:11

¡Ntaikama evalhok malha aqhemo ntemak akientalhnema alhta asketlhekmosekamok ham!

Galatas 5:5

Ennengko'o koka alel·halhnekama engelvalho'ok aniem'o Espíritu ngkolhek hata hengeltemeskaso nengelpeivomo aniem'o mongiaskeiam, have niapak ma'a.

Galatas 5:7

Apkelieplavke lhta ketlhengkap malha amai aktaqmanma ¿Se lhta aliaseiangko lhma m'a kakpota elvatesangkok, he?

Galatas 6:9

Ka ngkanek na ketlhengkap mel·halhiengvomek apkellanekamok qaselha altaqmelo netamen hata m'a akieto la aktaqmelakha aknem avanhek hata ngkotnek apnaklhekamok akielhna altakmanma metko la alvannammalhka apvalho'ok.

Efesios 1:18

Askelelmalhneskeskangkek na Eniapom Neten kakpota etnek malha apkelapommatkeskeskama alketansema apvalho'ok kakpota nkovak apkeliangveiakmo ketlhengkap apkellelto nak nema aliekieskama kakpota etlhevangkok altakmanma apkellangiemhaikama m'a, elel·halhnek na metka apkeliaskeiam ma'a. Hai, qaselha altaqmanma nkek, akmennave nkek ma'a apneskamo lhta Eniapom Neten kakpota ellangkok hata apkellelto apkelpokkanma m'a.

Efesios 2:21

Malha aklheikamok neten nema akhesekamok qaselha pa'at la'a aniem'o apkelpasmoma Cristo akvakmo ta akto akpenesalhko alanemmalhka kanhan nkolhek akpokkenkaso Apveske.

Efesios 3:17

Askenmalhneskaskek na eltehek meliaskeiam ketlhengkap Cristo kakpota elhek apvalho'ok ketlhengkap ma'a, kakpota eltemeskesek apkeliennaktema aniem'o apkellasekhammakpo.

Efesios 4:16

Alietetakha nak alpasmekha apiokha nak aniem'o Cristo, moklhem'a nak ma'a nietnek anmakmekama nkek mo'ok aktemakha, alpasmommalhko koka kakpota nkolvanamok ma'a, nkoliennak nahan aniem'o allasekhammalhko.

Colosenses 1:25

Hetneskaskek Eniapom Neten hellasennaikama apkennemolhema apanke nak, heiangkek asmakmekama kakpota altakmelkeskesek apkellangiemhaikama aniem'o aspaieskama ania'a aktaqmanma apankok kakpota eliekpelkok aplhamakho enenlhet'avok lhmankek ham.

Colosenses 2:7

Etnamok hata apkeliennaktema aniem'o Cristo, malha aktonak pa'at aliennakteskama avhok anak, eliennaktes hata nhan meliaskeiam anak ka aktemakha lhta mota nema atlhekmoskama, etnamo ta nha mota gracias Eniapom Neten.

1 Tesalonicenses 3:3

neksa akvai'a akientalhnema kakpota mankoltemeskesantaniek na koneng ketlhengkap ham. Apkeliavek na akientalhnema nak mankavankek hengieka'.

1 Tesalonicenses 3:5

Nlhenaikama evalhok nketlhengkaske lhta mankolianmolhkek asleng'o ania'a apkellengaiangko akientalhnema ketlhengkap ham, ka nkeniemai'ak askapaskamo lhta Timoteo kakpota hesantengkesek ania'a, asmahai'a aihok ania'a aktemakha meliaskeiam ketlhengkap ham. Avanhe lhta ko askai'a hengel·hanmo ngken anak nkolpalesemma ketlhengkap ham, lhta akto la m'a, akhemo lhta ngkotnek nengetlhekmosekamok ketlhengkap ham.

1 Tesalonicenses 5:8

ennengko'o koka nelloka mota aknem anko ie ka ngkanek ntasek montangkek malha hengelieihamalhma la'a, ntasek angelapkesek malha nelapkeskama la ennenio'ok alvesai'a m'a nengasekhai'o kanhan mongiaskeiam, angelletsavek hata nhan malha casco la'a akvesai'a nengel·halhanma angelvongkasalhkak hata tep.

2 Tesalonicenses 2:16

Jesucristo apto apveske engankok, Eniapom Neten apto eniapma'ak apto nhan hengellamelaiam, apkelpaieskaiam amota engelvalho'ok, hengellaiangko nhan aktaqmanma nkoie' alel·halhnekama engelvalho'ok qaselha nkovak hata.

1 Timoteo 1:12

Gracias ko'o astemak Cristo Jesús apveske engankok aklheianmo apvalhok angvapvanak hata ko'o altennama ania'a aktaqmanma, heiaiangko nhan asiennaktema m'a.

1 Timoteo 2:7

Ko'o lhta nhan nemo hetneskeskamo askeltennaikama ania'a kanhan nema heiapaskamo kakpota atlhekmoksek aktemakha mongiaskeiam akto have niapak ankek apieseksek anak metnangko nak judios. Have niapak ankek astakha nak alheianma, have asmopvana ania'a.

1 Timoteo 3:16

Have niapak, qaselha akiemaskama engvalhok anak, nientelhek ankek aniangvomhok ma'a mongiaskeiam anak, ka aktonak ma'a Cristo nemo apaskamo nalhepop anak aptaiekho enenlhet apanke, netamen aplheianmo aktaqmanma aptemakha m'a Espíritu, apkelvetai'o nhan ángeles, nemo aleltennaseiangka nhan apvesai'a apieseksek metnangko nak judios, meliaskeiakmo nhan enenlhet'avok lhmankek ham, netamen na m'a apmammakpo takha neten akieplomo nemo ai'o kanhan nema aktaqmelkeskamo apvai'a.

Tito 3:7

hengeltemeskeskamo lhta nhan nengelpeivomo aniem'o aktaqmanma nke nak hengellanei'o. Kolhva nnankek alel·halhnekama engelvalho'ok angetlhevangkok hata aliennaktema ennenio'ok nkotnengvaianlha nnelha m'a.

Hebreos 10:38

Enenlhet apto la apeivomo eloka ta mota aniem'o mei'askeiam, mankolkek hato ka m'a evalhok aptaqho la neptamen», ntemak ma'a.

Hebreos 3:14

Ampakhasekha nke lhta mongeliaskeiam ennengko'o Cristo m'a, ka nelvaskapo la nhan akiennaktema mongeliaskeiam akvakmo aktakha nnelha aknem, netamen angelpasmekhak hata ma'a nenlhamakho qaselha apankok Cristo m'a.

Hebreos 3:6

Cristo koka apto Apketka, apiamolhma apkeltakmelkeskamo mota pa'at apanko'ok Eniapom Neten, ennengko'o m'a malha pa'at netlhengkaso la mota nentaikamok mongeliaskeiam metka nengelvateskaiam, kanhan nkolel·halhnama engelvalho'ok qaselha altaqmelo nkolvak hata.

Hebreos 4:14

Apnek ennengko'o apiav'akha sacerdote engankok apiekai'o lhta m'a neten, apvesai'a Jesús apto nhan Eniapom Neten apketka. Ka ngkanek ma'a ntasek angetlhengkesek nentaikamok mongeliaskeiam akieplomo nenteniaikamok eniempeiok.

Hebreos 6:19

Ka al·halhnekama engvalhok anak hentemeskaskek metka aktaikama engvalhok, malha aktonak tava apak akmaskeskama nak akievhekama loma nemmen la'a. Koka al·halhnekama engvalhok anak hengelentalhneksek hata m'a Eniapom Neten apnemakha akieto neten, tep ma'a ietamopai'a aphalhtemommap.

1 Pedro 1:3

Angeliavenkaskesama ta apvesai'a Eniapom Neten apto apiapom apveske engankok Jesucristo ngkanek apietnai'avek nengaqta'a ennengko'o m'a, hengeltemeskesekho nhan malha la nempalleiam alhnankok aniem'o nhan aplhatekhangveiam Jesucristo. Kolhva nhan nnaiangkok ennengko'o alel·halhnekama engelvalho'ok have niapak anke

1 Pedro 1:5

Meliaskeiakmok ketlhengkap Eniapom Neten ka nkeniemai'ak apkeltakmelkeskamo m'a akieplomo apmopvana kakpota etlhevangkok hata lhema qaselha apeneskamo akietnaikama apaqtek ellangkok hata akvakmo ta aktakha nnelha aknem, akvesai'a nak ma'a nenvongkasemmalhka tep.

1 Juan 2:27

Koka mankaimommalhkak etlhekmoskak ma'a ngkanek Jesucristo malha apkeltemeskeskama apkeliangkanma apietsekso'ok ketlhengkap Espíritu Santo m'a, apkelloka nhan lhemek ketlhengkap ma'a. Hata etlhekmosangkok lhamakho aktemakha qaselha m'a, akto haveniapak ankek, metka akmovana ania'a nhan, apketlhekmoskamo lhta nhan ma'a etlhengkesek na apkelpasmekha Cristo.

Apocalipsis 2:10

Koka meniaga nkek akmak'o ta nkovak aplengaiangko lheiap. Moklhem'a ta apieseksek anak ketlhengkap ngkolhek hata allaklhengkaso nemmammalhkelha aniem'o aveske keliaqhameio' kakpota nhan ngkolhek aliepkono m'a, ellengangkok hata akvakmo 10 aknem. Ka apvaskapo ta lheiap m'a akvakmo apketsepo niekhe, ko'o ta angvangkok akianmoma apnaksepma akvesai'a akiennaktema apneniek mokhom".