Colosenses 1:22 - Nuevo Testamento Toba Maskoy

²² Kolhva koka apkeliepetkangvakhek mokhom ma'a Eniapom Neten aniem'o Cristo aptaiekho lhta nhan enenlhet apankek ma'a, apketsepmo lhta nhan apkeliaqmoiekha ketlhengkap, apkeltemeskeskamo nhan apkelpokkenammap ma'a, metka alpaieseiam apvalho'ok, metka apketlhenammap na meliamolhma.

Colosenses 1:22 ပူးပေါင်းရင်းမြစ်များ

Lucas 1:75

Angellanangkok na lhta nhan qaselha altaqmelo, akpeivomo nhan lhamakho aknem.

Romanos 7:4

Nnavek na ketlhengkap ma'a elialheng'a, mamma akmovana ley takhaplhet'ok ngkanek malha apkeletsepmo lheme lhta Cristo, apto nhan nema aklhatekhaskeiam apieseksek apkenmaskengvaiakmo. Kolhva koka aptangkokhak apkelpasmekhak Cristo, apvanka'ak na ellanangkok qaselha akleklemelha la apvalhok Eniapom Neten.

2 Corintios 11:2

Have astema ehenkek askeliatekama nak, Eniapom Neten koka heiaikamok akiavai'a nkek askenmasmo mota altakmelkesek ketlhengkap kakpota meltemengvakhe lhma apankavek ham kakpota elpasmekhak na Cristo, malha kto nak ngkelvana atkok la metka nema akmangveiam alienlhaneiakmo nak akvakmo aliemhapo atava la aktema.

2 Corintios 4:14

Neliavek na ennengko'o m'a apto aplhatekhaskeiam neksa apketsepma Jesús, hata nha ngkotnek ennengko'o m'a annaklhatekhangvomok hata m'a, ketlhengkap nahan, netamen angelvakhak hata nhan napaqtek ma'a.

2 Corintios 5:18

aniem'o Eniapom Neten, apkapaskamo nhan apketka kakpota ellasekhaskesekhok mokhom ma'a. Netamen na hengellapaskama ennengko'o kakpota angellasekhaskesekhok enenlhet'avok kanhan Eniapom Neten.

Efesios 1:4

Amanie lhnak nanek apkelanai'a lhamakho qaselha lhma nkek ham, hengeliekieskangkek nak nanek na Eniapom Neten ennengko'o aniem'o nhan Cristo kakpota hengeltemeskesek na hengelpokkanma, angelloka metka neltemengveiakmo lhma' napaqtek ma'a. Avanhek ankek hengellamelaiam Eniapom Neten,

Efesios 5:27

Netamen hata nhan ma'a nkolhek hata akiantengkasakho napaqtek ma'a, alhnai'o nkek ma'a, apommatma nhan, metka ngkolatsekama, aktaqmanma nkoie, metka akpaiseiam.

Colosenses 1:28

Ennengko'o nelpaieskek ania'a aplhenammap Cristo, nellaskek na qaselha, netlhekmosenke mota akieplomo akiavai'a nkek neliangveiakmo kakpota etnangkok aliennaktema nkek apvalho'ok ketlhengkap apkanemakha nhan etnangkok Cristo m'a.

1 Tesalonicenses 4:7

Hengellavema ennengko'o Eniapom Neten kakpota angellanak qaselha altaqmelo, have qaselha alpaiseiam anak.

Tito 2:14

apkaiangkave lhta nhan apmatnamo m'a kakpota hengel·hatsoskakhak ennengko'o neksa hengenmaikama mangeliamolhma, hengellalhneskeskamo nhan engelvalho'ok ma'a, hengeltemeskeskamo nhan apkennemolhema apanke', anteniangko angellanangkok aktaqmanma.

Hebreos 10:10

Hai, apmahai'a etnek hengelpokkanma Eniapom Neten kakpota antangkok apkennemolhema m'a aniem'o Jesucristo apkaiangko lhta apankek apiokha kakpota ematong lhema aktema koka m'a.

Hebreos 10:20

Apmatnangke lhta nhan ma'a, ka apmaihekho lhta aphalhtemommap ietamopai'a m'a aktaiekho alhnankok amai akmaiangko akiennaktemakha enneniek.

Hebreos 13:21

Askeltavek ko'o Eniapom Neten elentepkeskesek apvalho'ok ketlhengkap lhamakho aktemakha altaqmanma akleklemelha la mota apvalhok ma'a, aniem'o nhan Jesucristo, apto akietemo nkek neniavenkeskamo apvesai'a m'a metka akvaiam annelha aliekaikamok iantelhkapa.

1 Pedro 3:18

Ka ktemo lhta nhan Cristo aplengaiangko aniem'o nellanekamok ngkollatsekama, apmesemmakpo lhta apankek ma'a lhema aktema nhan ma'a, mankaimelhkak mokhom enietsepok ma'a. Mamma lhta niekhe nhan aptemengveiakmo la lhma Cristo, koka aplengaiangke lhta m'a aniem'o hengelpasmoma nengelelto nak nellanekamok ngkollatsekama, apmahai'a nhan henlaqlakhak napaqtek Eniapom Neten ma'a. Apketsepme lhta nhan aptemo nak enenlhet enietsepok hengke'e, koka netamen nnengke lhta aklhatekhaskeiakmo m'a, ka aniemhaiangka lhta nhan apiempek ma'a.

2 Pedro 3:14

Ketlhengkap elialheng'a askellamelaiam, neksa apkelel·halhanma nkovak aknem anak ma'a, eteniamok hata apiempeiok elloka metka akmaska, kanhan metka apkeltemengveiakmo lhma kakpota elvetangvetak Eniapom Neten apvaktamo ta m'a.

Judas 1:24

Apvankek Eniapom Neten elpasmok ketlhengkap kakpota mellanankek qaselha ngkollatsekama, elalhnaskesek na apvalho'ok neksa apkeliamolhma. Eliantemakhek na akieto napaqtek aktaqmelakha nkek ma'a akieplomo akiavai'a alpaihekha apvalho'ok.