Colosenses 1:13 - Nuevo Testamento Toba Maskoy

¹³ Hai, Eniapom Neten hengel·hatsoskekhek ma'a neksa akmovana lhta ienaqtesakha lhma, hengeltemeskeskamo lhta nhan apkennemolhema m'a tekhenlhet'ok apveske apketka apkamelaiam ma'a,

Colosenses 1:13 ပူးပေါင်းရင်းမြစ်များ

Lucas 13:24

—Elienlhanmamok ketlhengkap elentalhnengvom atong atkok, mang hata nte niekhe enenlhet'avok apkenmahai'a niekhe elentalhnengvomok ma'a, koka mankollapvankek hata m'a.

Lucas 22:53

Lhamakho aknem alhta niekhe asketlhekmoskama Eniapom Neten apnemakha napaqtavek ketlhengkap, mang koka helpathetmak ma'a. Kolhva koka helpathetak ketlhengkap ngkanek ngva'ak aknem ankok akmovana ienaqtesa lhma —lhna aptemak apkellanemo Jesús ma'a.

Juan 17:24

Eniapom, lheiap alhta hellaikamok kakpota altakmelkesek helieplekama nak, askeltavek na eniakhengvomok asnakhelha ta ko'o kakpota elvetak asmopvana heiaiangko lhta tep nak nanek lheiap, metkelha qaselha lhma nkek ham, heiaiangkek nak nanek lheiap ma'a aniem'o heiamelaiam.

Juan 3:35

Ka Eniapom anak ma'a apkamelaiam Apketka, apkankek apmopvana takhalhet'ok qaselha lhmankek ham.

Juan 5:24

Apto la enenlhet aptaqmelkeskamo apkailhemo astakha alheianma, mei'askakmo la nhan apto heiapaskama, have niapak ankek enenlhet anak ngkoitek hata akiennaktema apneniek nkotnengvaianlha nnelha, meselhnanakpe hata nhan. Malha apketsepma lhta aptemak, kolhva koka aptakhak aphalhnankok.

Hechos 26:18

Kakpota nkotlheianvomok apvalho'ok elvatesangkok na apkelloma ienaqtesakha lhma m'a aniem'o nak anmaikama Satanas. Kakpota ellasekhekhok Eniapom Neten, elloka nhan atsak'elha lhma elieploma nhan Eniapom Neten, meliaskamek na asvesai'a ko'o. Netamen Eniapom Neten etneskesama ta apankek meleliehekho apkellaskamakha m'a, etneskesangkok na apkelpokkanma", lhta aptak heiano Jesús ma'a.

Romanos 14:17

Koka akieto nak aptemakha apveske Eniapom Neten, mamma nema hengaskama m'a aktemakha anto'ok, kanhan neniama. Koka m'a akto neten ankek akiaspommalhka anteniangkok nentaikamok nelpeivomo, altaqmelaikama engvalho'ok kakpota nhan akpaihekha engvalho'ok aniem'o Espíritu Santo.

2 Corintios 11:14

Aptaiangke mota m'a, nnavek na Satanas anak nkelietkesalhkek malha ángel aknema apkapommatema nak.

2 Corintios 4:4

apkeliaskakmek na m'a aniem'o aveske hengke'e nalhepop anak nkeltemeskaskek malha ienaqtesa lhma apaqto'ok. Mankonmak'ak elvetak apommatema akto neten anko ie aniem'o m'a ania'a aktaqmanma nak aplhenammap Cristo apto aknema apmopvana, apnemo nhan Eniapom Neten ma'a.

Efesios 1:6

Kakpota angeltakneskasangko mota apvesai'a m'a aniem'o aktaqmanma nkek hengellanei'o, altakmelkeskamo nhan nellaniemhaikama aniem'o nhan Apketka apkamelaiam.

Efesios 4:18

Malha alpaiseiam na alketamekama apvalho'ok ma'a, taiepek na Eniapom Neten aniem'o meliangveiakmo, aniem'o nhan aliennaktema apvalho'ok.

Efesios 5:5

Koka apkellelto nak apkenmensangveiam alhma, apkelanai'a qaselha malha akpaiseiam, apvannaikamok na qaselha apanko'ok apteniai'a, apkeltakneskasekamok na qaselha akiokha allanemmalhka', metnangkek hata m'a apkennemolhema akieto nak aptaiangkelha apkelveskai'e Cristo kakpota nhan Eniapom Neten, have niapak anek astakha nak alheianma.

Efesios 5:8

Lhennenga lhta nhan ketlhengkap apkellomaka ienaqtesakha lhma, kolhva koka apkelloka malha atsak'elha lhma aniem'o apkelpasmekha Apveske. ¡Etnamok hata malha atkak apommatema nak!

Efesios 6:12

Mongennapelhkak ennengko'o enenlhet lheme nak, koka nengennapelhkak ma'a kasekapok av'alho'ok alleniem'o neten, akietno akmovana, akientalhnemo nhan takhalhet'ok ienaqtesakha lhma neniava alhma nkek ham.

Hebreos 2:14

Ka Eniapom Neten apketkak anak enenlhet apankavek ma'a, nietnek aphapetek kanhan ema apanko'ok ka nkeniemai'ak na aptaiekho lhta enenlhet apankek Jesús ma'a, ka apketsepmo nhan ma'a, aptemeskesekho lhta nhan koneng aveske netsepma akvesai'a nak aveske keliaqhameio'.

1 Pedro 2:9

Ketlhengkap koka apkeliekiesaiangkek Eniapom Neten kakpota etnangkok apkennemolhema, apkellelto nhan sacerdotes apkellasennaikama apiav'akha apveske, apkellelto nhan lhema apkavakha apkelpokkenammap aniem'o apkenmama apianmongkeskama Eniapom Neten, apkeleltemo nhan eleltennasangkok lhamakho qaselha hempelapkeskama apkelanai'a m'a, aplaqlosengvekho m'a ienaqtesakha lhma ketlhengkap, aplaqlekho m'a akieto malha apommatmakha atsaskamo nke lhma

2 Pedro 1:11

Ka nkeniem'ak ma'a ntasek ankek hata ngkotnek apvaiam ma'a iokhalhma akieto nak aptemengvekhelha metka aktemongvaiam annelha Apveske engankok Jesucristo, apto nhan Henvonkeskama tep.

1 Juan 2:8

kolhva koka asnaktalheskaskek kakpota atneskesangkok malha alhnankok la'a. Apkeliehekhave lhta nhan Cristo henganemakha nak ma'a, apkelleliehekhavek na ketlhengkap nenvanlha nak ma'a, ntaqmelkasavek na akmak'o nkomaskengvomok malha ienaqteskama lhma lhta akvakmo akiavengko atsai'a lhma aktema have niapak ankek la'a.

1 Juan 3:14

Ennengko'o lhennenga nellomaka lhta malha neletsepma, kolhva koka neliavek nentaikokhok mokhom enhalhnanko'ok ngkanek nellasekhavek engelialheng'a. Enenlhet meniasekhai'o la po'ok, malha apketsepma ntak m'a.

1 Juan 3:8

Koka apto la enenlhet apkelanai'a mota ngkolatsekama, aniem'o nhan aveske keliaqhameio m'a, vanlha mota alanai'a ngkolatsekama m'a ampai'o lhnak nanek tep nak nanek alanemmalhko sekha lhmankek ham. Ka nkeniemai'ak apvai'o nhan Eniapom Neten Apketka kakpota etvaskesek na aktemakha alanai'a mota lhamakho qaselha ngkolatsekama m'a.