Colosenses 1:10 - Nuevo Testamento Toba Maskoy

¹⁰ Netamen hata m'a nkovak akietemo nkek aptaiangkolha apkanemakha nhan etnangkok Apveske, kakpota nhan ellanangkok metka nnelha qaselha akleklemelha la apvalhok ma'a, ngkeskama qaselha altaqmelo, akvakmo akvanemo lhamakho aknem apkeliekpelkangveiam Eniapom Neten.

Colosenses 1:10 ပူးပေါင်းရင်းမြစ်များ

Juan 15:16

Ma lhta heliekiesangkok ketlhengkap, ko'o koka nkeniemai'ak askeliekiesaiangko ehenke, ka askellapaso lhma nkek ham kakpota nkolhnangkok ngkeskama akielhna metka aktemongvaiam annelha. Netamen hata nhan ellangkok hata Tata apkelelmalhnengka la'a qaselha, akieplomo koka asvesai'a nak.

Juan 15:8

Akietno la ketlhengkap ngkeskama akielhna, etnangkok hata have niapak ankek askeltamesaikamok, elvetak hata enenlhet'avok apmopvana ko'o Tata.

Juan 17:3

Etlhevangkok hata aliennaktema apnenio'ok aniem'o apkeliekpelkangveiam lheiap apto lhema aphapak aknema apmopvana, apkeliekpelkangveiam na Jesucristo apto lhta apkapaskama lheiap.

Romanos 1:13

Ketlhengkap elialheng'a ko Roma, avanhe lhta niekhe askeltemo atnentak amaika'a ham, koka heliasakha lhma lhta nnak ma'a. Asmak'a alhta niekhe apaiaksek ania'a aktaqmanma kakpota meliaskamek enenlhet'avok ma'a, ka stemakha lhta nhan ma'a mo'ok iokhalhma apkellomakha nak metnangko judios.

Romanos 4:12

Abraham na apkeliapom apkellelto nak nema aliaqtemanma nekhatko'ok apkellammelhakha, meliaskeiam anak, kakpota nhan apkelleliehekho nak Eniapom Neten, ka aptemo lhnak nanek na Abraham ma'a amanie apmahai'a ngkolhek aktemeskeso akiaqtemenammalhka nekhatkok apkammelhakha m'a.

Romanos 6:4

Neksa lhta nema hengellavkesaikamok konne iemmen, malha lhta nha ntemak nelkatonnammalhka lheme Cristo m'a, malha lhta nhan neletsepma lheme. Koka akmaskemakha lhta nhan hengenmaikama mongeliamolhma m'a, kolhva koka envanka'a mota angellanangkok qaselha altaqmelo, nnavek ma'a Cristo aplhatekhangveiakmo lhta apieseksek apkenmaskengvaiakmo aniem'o akiavai'a apmopvana Eniapom Neten.

2 Corintios 2:14

Hai, gracias stak ko Eniapom Neten ngkanek hengeltemeskeskama hengeliephongveskaiakmo mota aniem'o nhan nelpasmekha Cristo, hengenmaiangka nhan kakpota angelpaiaksek ania'a aktaqmanma aplhenammap Cristo lhmankek ham. Ennengko'o nengelelto napaqtek Eniapom Neten malha aktonak akmases aimes la nentekhanma, akpaihekha lhmankek ham apieseksek apkellelto ta apkelvonkasemmap tep, apieseksek na apkellelto melvongkasemmap hata tep.

2 Corintios 4:6

Aptepkeskangkek nak nanek Eniapom Neten apommatema neksa ienaqtesakha lhma, aptepkeskangkek na apommatema engelvalho'ok anak kakpota nkoltetkesek enenlhet'avok netlheno la'a ania'a aktemakha aplhenammap Cristo, netamen hata nkotlhene ta apvalho'ok Eniapom Neten apto akietnema akiavai'a apmopvana m'a.

2 Corintios 5:9

Ka nkeniemai'ak ma'a angelienlhanmangko mota anlekkeskasama mota apvalhok Apveske neksa mokhom nellaniemhaikama hengke'e neniokha nak, hata nhan angelienlhanmangkok angellekkeskasama apvalho'ok Apveske m'a nengaqhengvakmo ta m'a napaqtek ma'a.

2 Corintios 9:8

Apvankek Eniapom Neten ellangkok ngkeskama nkek qaselha aktaqmanma kakpota mankaimalhke mota qaselha apanko'ok, nkoliekangvomok hata kakpota nhan elpasmok po'ok.

Efesios 1:17

Askelmalhneskaskek Eniapom Neten apto Apveske Jesucristo Apveske engankok, ellanesangkok apvalho'ok nenianveiakmo kakpota m'a nkoveskak aktemongveiam iokhalhmek ankek apkeliangveiakmo aptemakha m'a.

Efesios 2:10

Nkanek hengellanai'a ennengko'o Eniapom Neten kakpota angellanangkok qaselha altaqmelo hengelpeneskeskamo Eniapom Neten aktemakha akietnaikama apaqtek hentemeskesangkok ma'a, ka songkek nelpasmekho m'a Cristo Jesús.

Efesios 4:1

Ka nkeniemai'ak ko'o m'a, askaklhengkasemmalhko nak aniem'o heiasennaikama Apveske, askeltavek eltaqmelkasakpok akietemo nkoie ngkanek Eniapom Neten apkellavekama ketlhengkap.

Efesios 4:13

akvakmo nenlhamakho nelvanengkaso kakpota angelpasmekhak ma'a aniem'o mongeliaskeiam kakpota nhan neliangveiakmo Eniapom Neten Apketka, akvakmo nhan nentangko aliennaktema nkek engvalho'ok malha Cristo la'a.

Efesios 5:10

Ellanama ta sekhek aptangkolha la enenlhet, qaselha akleklemelha apvalhok Eniapom Neten kelhaha, nlho ka la mma'.

Efesios 5:15

Ka nkeniemai'ak na m'a eltaqmelkasakpok neksa apkellangiemhaikama ketlhengkap ma'a, metnamo nkek aptaiangkelha enenlhet anak metka apqatko'ok, etnamok koka nema apkeliamoho.

Efesios 5:2

Ellasekho nhan po'ok ka aptemakha nak Cristo hengellasekhai'avek ennengko'o, apkaiangkave panke lhta nhan kakpota hengeltaqmelkeskesek nellaniemhaikama m'a, malha aptemak ma'a qaselha nengaikamok anak Eniapom Neten, kanhan malha nentoskama nak akvanlhemmalhka aktapeiam anak aimes akleklemelha apvalhok Eniapom Neten.

Filipenses 1:11

Hai, ellanangkok hata ngkeskama qaselha altaqmelo ketlhengkap ham aniem'o apkelpasmoma Jesucristo. Netamen hata nhan eltakneskasangkok, ellahok hata nhan Eniapom Neten apvesai'a apkellelto la apkelvetai'a enenlhet'avok ham.

Filipenses 1:27

Vanlha askeltavek allangkok lhema aspaioma askellanemakha etnangkok ketlhengkap, ellanamo mota qaselha akpeivomo nkoie aktemakha nak hengetlhekmoskama ania'a aktaqmanma aniem'o Cristo, nkaqhok moniakhe' nlho ka la aniakhak ham askeltavek koka aiho ehenke nheklhek kelha aliennaktema meliaskeiam, aknemo nhan mo'ok apvalho'ok apkellammelhma la nhan akientalhnema akvai'a la'a aniem'o m'a meliaskeiam ania'a aktaqmanma.

Filipenses 4:18

Alhevangvaktek qaselha hellapaskeskama ketlhengkap apsenta koka Epafrodito hengke'e, heiekangvakme', nlekama nhan evalhok malha nta kto nak akmases la aimes nema akmeskama nak Eniapom Neten kakpota nkolkama nhan apvalhok ma'a.

Colosenses 2:19

Ka enenlhet'avok anak ma'a have apkellelto apkelpasmekha Cristo apto nak malha apqatek, apkellaikamok na aptekamok apiokha apkelvanengkeskama la'a, apkelelto nak apkennemolhema. Cristo apkelpasmekho nhan ma'a apkennemolhema apanke, malha aktonak apiokha nak lhema enenlhet nnankek alpasmekha alietetakha kanhan ahak kakpota nkovanamok ma'a apkeltemakha nhan ngkotnek Eniapom Neten.

Colosenses 2:6

Apkenmaiangke lhta takha ketlhengkap kakpota etnangkok apveske apanko'ok Jesucristo, ntasek na eltaqmelkasakpoho apkellanemakha nak etnangkok ma'a.

Colosenses 3:20

Ketlhengkap nahan apketko'ok eleliehekho ta ngkana'ak ngkanek akto apiaspongkomakha antehek Apveske m'a.

Colosenses 4:5

Etnamok hata nema apkeliamo napaqtavek ma'a enenlhet'avok anak metnangko Jesucristo apkennemolhema, elelientemap neksa aklhengama aknem.

1 Tesalonicenses 4:1

Ketlhengkap elialheng'a, neleltennaskek lhema nempaivoma akieplomo apvesai'a apveske engankok Jesús, eltaqmelkasakpo ta lhamakho aknem ngkanek apiaspongkomakha Eniapom Neten ma'a, ka nentaiangkolha lhta nhan nengetlhekmoseiangko ketlhengkap ma'a, kolhva apkelleliahakhavek na ketlhengkap ma'a.

2 Timoteo 2:4

Ka soldado la'a meteniak apankok apankek la apkaniemhaikama, vanlha koka aptenia mota akleklemelha la apvalhok apveske apankok.

Tito 3:1

Eleltennasamo ta nhan ellaho mota, eleliehekhok na gobernadores kanhan apkelveskai'e, eteniangko mota ellanangkok qaselha altaqmelo m'a.

Tito 3:14

Lhamakho Jesucristo apkennemolhema la'a ntasek eltaqmelkeskesek apkellangiemhaikama po'ok, eliangvomhok na ellanangkok qaselha altaqmelo, elpasmok na po'ok alaimommalhka nak qaselha apanko'ok.

Hebreos 11:5

Mei'askeiam nak nanek na Enoc, akleklemo nhan apvalhok Eniapom Neten, apkeliamavek nak nanek na apkennemolhema aptemakha m'a, ka ngkanek apiasekho neten Eniapom Neten ma'a kakpota menietsepek ma'a, mang nak nanek na elvetekhak apkennemolhema m'a.

Hebreos 13:16

Melvatesamo nkek na apkellanekamo mota qaselha altaqmelo, apkelpasmoma nhan po'ok, ngkanek qaselha nak ma'a akleklemelha apvalhok Eniapom Neten, malha nengaqhema la nentoskama nengaikamok anak ma'a.

Hebreos 13:21

Askeltavek ko'o Eniapom Neten elentepkeskesek apvalho'ok ketlhengkap lhamakho aktemakha altaqmanma akleklemelha la mota apvalhok ma'a, aniem'o nhan Jesucristo, apto akietemo nkek neniavenkeskamo apvesai'a m'a metka akvaiam annelha aliekaikamok iantelhkapa.

2 Pedro 1:8

Nkaimelhkek angellanesangkok akiekangveiakmo engelvalho'ok anak qaselha altaqmelo nak kakpota ngkotnekhak malha allentepekha m'a nkollanangkok qaselha altaqmelo. Koka mantangko la m'a, malha aqhemo ta ngkotnek neliangveiakmoho apveske engankok Jesucristo.

2 Pedro 3:18

Ntasek koka elvanengkesek lhamakho aknem nengamelaiam anak kanhan nenianveiakmo apkellaikamo lhta apveske engankok kanhan apto henvonkeskama tep Jesucristo. ¡Angeltakneskasangko toka apvesai'a m'a nenvanlha nak kanhan emanie nak metka nnelha! Amen.

1 Juan 3:22

Hengellangkok hata nhan ma'a qaselha nenmalhnengkolha la m'a ngkanek neleliehekhave mota m'a apkanemakha antangkok, nellaneiangkek na akleklemelha la apvalhok ma'a.

1 Juan 5:20

Nengeliavek na apvai'o lhta Eniapom Neten Apketka, hengellangkongvai'o lhta nhan aknema nengeliamo kakpota angeliekpelkangvomok ma'a apto have niapak anke nak niapom, nelpasmekhek na ennengko'o m'a aniem'o apketka Jesucristo. Koka apto Eniapom Neten, apto nha niapom have niapak anke, hengaikamok na akiennaktema enneniek nkotnengvaianlha nnelha.

3 Juan 1:6

Ka enenlhet'avok anak apkeleltennangvakhe lhta napaqtavek iglesia akiavai'a apkelpasmoma lheiap ma'a aniem'o apkellasekhai'o. Ntasek ellangkok alaimelhkelha la m'a kakpota ellempekhok kelha mokhom apketlhengama, ngkanek apkellelto Jesucristo apkellasennaikama m'a.