Apocalipsis 8:13 - Nuevo Testamento Toba Maskoy

¹³ Netamen ma'a asvet'o neten, asleng'o lhta nhan lhema meivoma apiavai'a apkempangka m'a neten, lhta aptak apiennakteso apaivoma hengke'e: —¡Ai enenlhet'avok la ie' apkelloma nak nalhepop, nkovak hata akientalhnema ham akvakmo ta apkelpaivaskama trompetas apkanetolhem'a ángeles! —lhta aptak ma'a meivoma.

Apocalipsis 8:13 ပူးပေါင်းရင်းမြစ်များ

Hebreos 1:14

Nkanek ángeles apkellelto malha eniempehek apkellasennaikama Eniapom Neten kakpota ellapaksek elpasmok apkellelto nak apkelvonkasemmap tep.

Apocalipsis 11:14

Nkelieka lhta m'a segunda akientalhnema, kolhvavek hata nhan nkovak ma'a tercera.

Apocalipsis 12:12

¡Kopaihekha ta av'alhok neten kanhan apkellelto apkelloma m'a neten! ¡koka ketlhengkap la ie' apkelloma nak takhalhet lhepop kanhan apkelloma nak alvata! Ngkanek ngvaivantaniek aveske keliaqhameiok apkelammelhma ta ketlhengkap ham, mangkasak aknatheskama m'a ngkanek niavek na ketsek nkaimelhka aknem nkotvasalhkak hata m'a —lhta ntak nema aliatekama m'a.

Apocalipsis 14:3

Apkennekmasengke lhta nhan alhnankok nennekmaskama naqtek aptanema apveske, naqtavek na 4 kaselha allaniemhaiangka m'a kakpota nhan napaqtavek metno apketko'ok. Mamma lhta enenlhet eniapvanak nennekmaskama nak ma'a, vanlha lhtoka apkellapvanko 144.000 alhta enenlhet'avok apkellelto nema alvongkeskama tep apieseksek enenlhet takhalhet lhepop.

Apocalipsis 14:6

Asvet'o lhta mokhom apkempangka aiseksek neten po'ok ángel, apsekama lhtoka ania'a aktaqmanma mangkotnengvaiam annelha kakpota eleltennasama takhalhet lhepop lhmankek ham. Lhamakho aktemakha apkellavakha, aknema apkelpasmekha apketkak neptamen, lhamakho aptemakha apkelpaqmeiasma kakpota nhan natemma apketkok.

Apocalipsis 19:17

Netamen asvet'o lhema ángel apkenmangka neten aknem, apiennakteso lhta apaivoma apkelpaqmetkeso anata aktekamok anak enghapak allelto aliaihekama netne kanke, lhta aptak: —Konmeiakha m'a aknangkelha nak aktekamok, apkelpeneskaskek Eniapom Neten aktekamok ketlhengka,

Apocalipsis 3:10

Aptaqmelkaskek na aspaioma askanemakha etnek lheiap metka apkelvateskaiam heieplekama, ka ngkanek ataqmelkesek hata akvo'o ta aplengaiangko akientalhnema takhalhet lhmankek ham.

Apocalipsis 8:2

Asvet'o lhta nhan mokhom 7 ángeles apkelaknangka m'a akieto napaqtek Eniapom Neten, akno lhta nhan allangko 7 trompetas moklhem'a m'a.

Apocalipsis 9:1

Netamen apaivaso mokhom trompeta quinto ángel, asvet'o lhta lhema iav'a apteiam alhta nalhepop, nne lhta angko lhema llave ankok malhek konne kankek.

Apocalipsis 9:12

Nieka'a lhta m'a amanie nkek akiavai'a akientalhnema, nkaimelhkek koka mokhom hanet akientalhnema.