2 Timoteo 4:3 - Nuevo Testamento Toba Maskoy

³ Nkanek nkovak hatelha aknem mankonmahai'a ellailhok hengetlhekmoskama akto have niapak anke, eliavenkasangkok hatelha nhan apkenmahai'akha la eteniangkok apanko'ok apankavek, elteniangkok hata nhan hengetlhekmoskama apketlhekmosekamok la'a aleklemelha la apvalho'ok ellailhok ma'a.

2 Timoteo 4:3 ပူးပေါင်းရင်းမြစ်များ

Lucas 20:19

Apkeliekpelkangveiakmek nak apketlhenammap sacerdotes kakpota nhan escribas aktemakha apietkeskama Jesús ma'a, ka apkenmahai'o lhnak niekhe elpathetek ma'a, nkelvannammalhkek noka apvalho'ok ma'a, apkellai'ak nak ello'ok enenlhet'avok ma'a.

Lucas 6:26

¡Aii, ketlhengkap laie' nema aleltaikamok anak neten pankavek, lhnak nanek na aptaiangkok apkelieihengka apkeltemeskeskamo nhan neten apankavek ma'a apkeleltennasemmap ania'a apkenmopvanka'a ania'a!

Juan 8:45

Ko'o koka alheianma akto have niapak ankek, heliaskakmek koka ketlhengkap.

Hechos 17:21

Lhna ngkanek enenlhet'avok ko Atenas kakpota nhan po'ok enenlhet apkellelto apkellomakha nhan ma'a, vanlha lhna mota apkeltemakha apkelelpengkamekho qaselha akvaiam la m'a, apkelteniai'a nhan ania'a alhnankok la'a.

1 Corintios 2:1

Elialheng'a, neksa asvaiam alhta apieseksek anak ketlhengkap ham askeltennama lhta ania'a aplhenammap Eniapom Neten, moteniaikama nhan aktalhnemo nkek la alpelapkeskama apkellengai'a asiangveiakmo, nlho ka la nhan asmopvana aliatama.

1 Corintios 2:4

Astenia lhtoka nkoliakvomok apankavek aniem'o Espíritu apmopvana, have aniem'o asiangveiakmo ehenkok ehenke nak.

Galatas 4:16

Malha kelha astaiekhak ko'o nkotno emmo'ok ngkanek askelpaqmetkeskama mota napaqtavek aktemakha hengetlhekmoskama akto have niapak anke.

1 Timoteo 1:10

Apkellelto nhan apkenmensangveiam alhma, kanhan apkenmensavekha aptemo lheme', kanhan apkelhaikamok nema akianmoma enenlhet kakpota etnangkok apkenmakmesaikama, apkenmopvanka'a ania'a nak kanha aptaikamok juramento apkenmopvanka ania'a. Hai, ka akvai'o lhta henganemakha kakpota nkonnavaksek ma'a apkellelto apkellanekamok qaselha ngkollatsekama nak, ammelhmakha nhan ma'a akto hengetlhekmoskama aktaqmanma nke nak,

2 Timoteo 1:13

Elhengkes hata nhan aktemakha lhta asketlhekmoskama lheiap, eloka ta nhan lhemek ma'a mangiaskeiam anak, nengasekhai'o nhan alleniemai'o m'a apasmekha songkek Cristo Jesús.

Judas 1:18

Neksa akmahai'a lhna lhta nkovak ma'a aptemongvanlha ta nnelha aknem, elvak hata enenlhet'avok apkeliematkesaikama mota, nkonmama ta nhan aliaspongkomakha nak apvalho'ok ma'a.