2 Timoteo 4:2 - Nuevo Testamento Toba Maskoy

² askeltavek na ko'o eltennaksek ania'a metka apkelvateskaiam lheiap ma'a, niekhe apvetai'a ngkolatsekama, aktaqmanma, nheklhek hato ka etnek aplhengkeskama m'a. Etneskes hata nhan malha apkeliangveskeskekho meliamolhma m'a, ennaves hata nhan, eleliatekho ta nhan etlhekmosangkok metka apkelpekheskama lheiap ma'a.

2 Timoteo 4:2 ပူးပေါင်းရင်းမြစ်များ

Lucas 7:23

Aktaqmelakho nkek enenlhet mankotlapongkeskama asketlhekmoskama ko'o —lhna aptemak Jesús.

Lucas 7:4

Apkelvekho lhnak apnakha Jesús ma'a, apkellapioseiangka lhnak apkelpaqmetkeskaiakmo m'a, lhna aptaiangkok: —Epasengvakha lhnak lhek lheiap capitan romano. Nietavek epasmok lheiap ma'a ngkanek

Lucas 9:60

Ka apkatemmoiangka lhnak Jesús ma'a: —Ellangko apkeletsepma elkatonnek apkeletsepmo lheme nak, koka lheiap emhamok ma'a epaieskam hata ania'a aktemakha aptema apveske Eniapom Neten —lhna aptemak.

Hechos 13:5

Ka apkelvaiakmo m'a nekha iemmen aknaktetemmalhkelha loma nemmen akieto Salamina, apketlheianveiakmo m'a ania'a aplhenammap Eniapom Neten akieto lhamakho apkaqnekhelha judios ma'a. Juan nak na apketlhelhma'ak ma'a apkelpasmoma mota.

Hechos 16:13

Ka kto lhta sabado nennekhelha nenmeiakho neiava alvata akieto tep temma, lhta nellanemak apkaqnekhelha judios ma'a apkelelmalhnongkomakha la mota nhan. Ka nelvakho lhta m'a, nengakhengvakho neleltennasengka ania'a aktaqmanma moklhem'a ngkelvana'ak ma'a.

Hechos 20:7

Ampakhasekha nke knem semana alhta ntak nengaqnakho m'a akieto mo'ok av'alhok neten pa'at kakpota angellanangkok nentoma aktaqmanma m'a. Nlhanie lhta nhan talha alhankok nema alapommatkeskama m'a, aholhe lhta apketlhekmoskama Pablo m'a meliaskeiam ma'a akvakmo neplhet pelhasep alhta m'a, lhta ngkanek apmak'o elhong mokhom sosekhek ankek ma'a.

Hechos 28:16

Koka apkellelto lhta apkelemhama apmaniaie ko Roma, ma lhta ellaqlhengkeskamak nengaqlhengkasemmalhkelha Pablo m'a, apkellangke lhta lhema pa'at Pablo kakpota elhek ma'a, lhema kempokhakme lhta apkelanekama m'a.

Romanos 10:15

Mamma ta nhan enenlhet emhangkok ma'a eleltennasama ania'a metko la nema apaskama. Ka ntemak na aktalhesammalhka Eniapom Neten apaivoma: «Ntasek anke ngkotnek ma'a apkelvo'o la apketsekama ania'a aktaqmanma», ka ntemak.

Romanos 12:12

Kolpaihekha ta mota apvalho'ok aniem'o alel·halhnekama apvalho'ok elvetak hata aktaqmanma. Neksa apkelvetai'a la akientalhnema, elel·halhen hata metka apkelpekheskama apkeleltemo elpasmok Eniapom Neten, elelmalhna ta mota metka nnelha m'a.

Galatas 6:6

Enenlhet apto la nema atlhekmoskama ania'a aktaqmanma, ntasek epasmekhak lhamakho qaselha aimelhkelha la m'a apto apketlhekmoskama m'a.

Colosenses 1:25

Hetneskaskek Eniapom Neten hellasennaikama apkennemolhema apanke nak, heiangkek asmakmekama kakpota altakmelkeskesek apkellangiemhaikama aniem'o aspaieskama ania'a aktaqmanma apankok kakpota eliekpelkok aplhamakho enenlhet'avok lhmankek ham.

Colosenses 4:3

Elelmalhnama ta nhan Apveske kakpota hengellangkok ngkeskama nempaieskama ania'a aktaqmanma kakpota angeliekpelkeskeskamhok qaselha akielhammalhka aniem'o Cristo, asnek ko'o kolhvave nak hengke'e nengaqlhengkasemmalhkelha nak aniem'o aspaieskama ania'a aktaqmanma nak.

1 Tesalonicenses 1:6

Apketlhengkeskangkek ketlhengkap hengelvanekamo nentaiangkolha ennengko'o kakpota nhan aptemakha lhta Apveske, avanhe lhta niekhe apkellengaiangko akientalhnema ketlhengkap ham, nkaqho lhtoka apkenmaiangkek takha ania'a aktaqmanma akieplomo alpaihekha apvalho'ok aniem'o Espíritu Santo m'a.

1 Tesalonicenses 5:14

Elialheng'a, nengellapiosavek ennengko'o ketlhengkap neleltemo ennavaksek apkellelto la menmakmekama ham, eliatekho ta nhan ma'a apkellelto nak anmaiosak'a apvalho'ok, elpasem hata nhan meliennaktema nak, kakpota nhan etnangkok metka apkelpekhesammap apieseksek anak ham.

1 Tesalonicenses 5:20

meltaqneva nhan ania'a aniem'o Eniapom Neten aklhenammalhka nak,

1 Timoteo 4:13

Neksa hel·halhanma ko'o lheiap ham ntasek elietsete mota napaqtavek Jesucristo apkennemolhema Vakkahak Eniapom Neten Apaivoma, eliatekho ta mota nhan ma'a, etlhekmosamo ta nhan.

1 Timoteo 5:20

Koka eliennaho ta ellanhok lheiap ma'a apkellelto nak melvatesaikamok apkellanekamok ngkollatsekama napaqtavek aplhamakho enenlhet'avok la'a kakpota elagak apkellelto apkellengai'a m'a.

2 Timoteo 2:21

Ka apmak'o la etnek lheiap malha nema anmaikama aktaqmelo qaselha nak, aktaqmanma nkek, apokkanma koka Apveske m'a kakpota nkolanak altaqmelo qaselha m'a, mevhanengvom na ngkolatsekama nak hengetlhekmoskama ngkanek nkopaisengkese ta apvalhok lheiap ma'a.

2 Timoteo 2:25

etnek na meientalhnemo ennavaksek apkellelto nak apkellammelhma la apketlhekmoskama, koka Eniapom Neten hatelha enianak eliaqmongkasekhak mo'ok apvalho'ok ma'a kanhan eliangveskeskamhok akvesai'a nak akto have niapak,

2 Timoteo 3:10

Koka lheiap Timoteo, have aptonak lheiap ma'a ngkanek apieplavkeskangke asketlhekmoskama lhta, heieplongkek na amai, apiavek na lheiap asmak'akha la atnehek, apiavek na moi'askeiam, metka aspekheskama, askasekhai'o, kakpota nhan asiennaktema asvaskapma neksa asvetai'a mota akientalhnema.

Tito 1:13

Have niapak ankek ma'a aktemakha aplheianma m'a, ka ngkanek ntasek eliennahok lheiap aplhamakho apkellelto la apkelvanengvaiam ma'a kakpota eltaqmelkasekhok aptaikamok meliaskeiam ma'a,

Tito 2:15

Hai', ka hengke'e ntase mota etlhekmoksek lheiap. ¡Eliatekhok, ennaves nahan akieplomo apientalhnemo, meniangko nhan lheiap ngkolhek aktemeskesantamo koneng!

Hebreos 13:22

Elialheng'a, ntasek eltaqmelkaso apkellailhemo akiakvatema nke niekhe askeliatekho nak asnaktalheskeskama ketlhengkap.

Apocalipsis 3:19

Hai, nkoihek ehetong askellan'o kanhan askennaveske' aplhamakho apkellelto la askellamelaiam. ¡Eiaqmongkasekha ta mo'ok apvalhok, etenio ta apiempek heieplekama!