2 Timoteo 4:17 - Nuevo Testamento Toba Maskoy

¹⁷ Apveske lhtoka hepasmoma, heiaiangko nhan asiennaktema kakpota apaiaksek aklhamakho nkek ania'a aktaqmanma napaqtavek na aplhamakho metnangko nak judios, hevongkeskanke lhta nhan tep malha lhta ntemak iama akmeiva nak akmahai'a heiaqhek ma'a.

2 Timoteo 4:17 ပူးပေါင်းရင်းမြစ်များ

Lucas 1:1

Askeltavek altennaksek ania'a lheiap aktemakha lhta hengellanei'o Eniapom Neten nenieseksa ennengko'o. Mantek na enenlhet apnaktalhesaikamok aktemakha ania'a nak ma'a,

Lucas 21:15

Ko'o ta allangkok ngkeskama apkeliangveiakmo apkellasennammap la ankok kakpota nkollapvanak apkellatemmoikama, mangkolhek hata alieko'o ketlhengkap ma'a.

Hechos 23:11

Po'ok pelhasep na lhta aptemak ma'a, apteiapvei'o lhna lhta Apveske napaqtek Pablo ma'a, lhna lhta aptemak apkanemo: —Eiennekho Pablo, ntasek helheianmo lheiap asvesai'a hengke'e aktemakha lhta nhan hetai'a Jerusalen anak, hata nhan emhangkok ma'a akieto Roma, elheianvomok na asvesai'a m'a —lhna lhta aptemak.

Hechos 9:15

Koka lhnak aptemak mokhom Apveske apkanemo: —Eniakha ta panke, ko'o askeliekieskama m'a enenlhet anak kakpota elhenek asvesai'a apieseksek metnangko nak judios, kakpota nhan apieseksek apkeliav'akha apkelveskaie apanko'ok, kakpota nhan apieseksek israelitas.

Romanos 15:31

hengio'ok kakpota manghenaqtevaksek apkellelto nak apkeliaskeiam apkakhangko m'a Judea, kakpota nkolpaihekhak apvalho'ok apketlhevangko ta qaselha nak metka akianmoma apkelpokkenammap ma'a ko Jerusalen.

2 Corintios 12:9

koka heiatemmoma lhta Apveske, lhta aptak: —¡Nietnek askameliam lheiap, vanlha ham! Nkanek asmopvana niennakteskek lheiap neksa meiennaktema la'a —lhta aptak Apveske heiano m'a. Ka nkanek anmalhko mota evalhok neksa moiennaktema nkanek Cristo heiangkok apmopvana kakpota aiephongvomhok neksa akvai'a la akientalhnema.

Efesios 3:8

Hai, nalhepek anke niekhe ko'o, moientalhnemo nhan apieseksek anak apkelpokkenammap, nkaqhok koka heiaiangkek aktaqmanma nkek asmakmekama apieseksek anak metnangko nak judios, askeltennaikama ania'a aktaqmanma aktemakha akiavai'a nkek qaselha altaqmelo apmahai'a hengellangkok ma'a Cristo.

1 Timoteo 1:12

Gracias ko'o astemak Cristo Jesús apveske engankok aklheianmo apvalhok angvapvanak hata ko'o altennama ania'a aktaqmanma, heiaiangko nhan asiennaktema m'a.

2 Timoteo 2:1

Lheiap malha eietka, elhengkes hata mota apteniai'o apiempek koka aniemai'o nhan ma'a nengamelaiam anak aniem'o nhan lheiap apasmekha Cristo.

2 Timoteo 2:9

asvet'ak nahan akientalhnema akvakmo nhan akno henakteto cadenas akieto nengaqlhengkasemmalhkelha malha aktonak enenlhet la meihamolhma, koka Eniapom Neten apaivoma nak mankaqlhengkasemmalhkak ma'a.

2 Timoteo 3:11

Apiavek na lheiap aslengaiangko akientalhnema aniem'o nema heiaqmasekama lhta metka nnelha, ka aktemo lhta asvetai'a m'a apiav'akha temma Antioquia, Iconio kanhan Listra, koka Apveske lhtoka hevongkeskama mota tep ma'a.

2 Timoteo 4:5

Koka lheiap etne ta apmopvana emankok apvalhok apvet'o la lhamakho qaselha ngkolatsekama, evaskap hata nhan neksa akvai'a akientalhnema, etne ta mota aptema evangelista lheiap, elana ta mota nhan aktaqmelo apkasennaikama Eniapom Neten.

Tito 1:3

Nietemavek nenvanlha nak heiapaskamo Eniapom Neten apto hengelvongkeskama tep kakpota aliangveskeskamhok ania'a apankok askeltennaiangka nak.

Hebreos 11:33

Apkel·hatsoskasekhe lhnak nanek lhepop apanko'ok po'ok enenlhet ma'a aniem'o meliaskeiam ma'a, apkellanei'o nhan aptaikamok apkelpeivomo. Apkelienlhanmeiangko mota apteniaiangko apiempeiok akvakmo apkelvetangvakmo qaselha aplheianmo lhnak nanek Eniapom Neten ellangkok hata m'a. Apkennaveskamo lhnak nanek na iama kmeiva kakpota mankotavankek ma'a aniem'o lhnak nanek na meliaskeiam ma'a.

1 Pedro 5:8

Amanie la apkenmahai'a ellanangkok qaselhaha, nkaimelhkek nkolketmok apvalho'ok sekhe, elketnamok hata nhan ngkanek mankotno emmo'ok aveske keliaqhameio' nloka motaha malha aktonak akmeiva la'a akielhaivekamaha akteniai'a mota akmak'akha la nkotvok akiokho nkoie.

2 Pedro 2:9

Hai, apvankek Apveske elvongkesek tep neksa aliepkonma apkellelto la apkellanekamok qaselha altaqmelo, apvankek na elpokkenek apkellelto la meliamolhma kakpota eliaqmongkaskesekhak hata apkeltemakha ngkollatsekama akvo'o ta aknem neniekpelkammalhkelha m'a,