2 Timoteo 3:2 - Nuevo Testamento Toba Maskoy

² Moklhem'a ta etnangkok apkenmeiavkesammakpo apankavek qaselha apanko'ok, vanlha ta nhan etnangkok nkeskama apteniaikamok patakkom apanko'ok, etnangkok hata nhan apkelammakpo, etlhenakpok hata nhan apankavek aptaikamok neten apankavek melhno po'ok. Eltaknevak hata nhan Eniapom Neten apvesai'a, mellahek hata nhan ngkana'ak, metnangkek hata nhan gracias ellanhok ma'a, eltaknevak hata nhan lhamakho qaselha alleniem'o Eniapom Neten.

2 Timoteo 3:2 ပူးပေါင်းရင်းမြစ်များ

Lucas 12:15

Ka apkellan'o lhnak Jesús enenlhet'avok ma'a, lhna aptemak: —Ellaho ta m'a, meteniamo nke mota ngkeskama apkelletsekama ketlhengkap ngkanek nenganiemhaikama nak have akteiapmakha m'a aiseksek anak ngkeskama nak netsekama —lhnak aptemak Jesús ma'a.

Lucas 16:14

Apkelvannaikama lhnak fariseos apkellengai'o m'a aptemakha apketlhekmoskama Jesús ngkanek apteniaiangkek na mota ngkeskama patakkom apanko'ok ma'a.

Lucas 6:35

Nkaimelhkek na ketlhengkap ellasekhok apkellammelhmakha la'a, eleltaqmelkes kakpota nhan ellangkok apkeliaqmoma metka apkellailhema apkeltakheskamo qaselha apkeliaqmoikamok la'a. Netamen ngkolhek hata allangko akiavai'a nkek akianmoma m'a, etnangkok hata nhan apketkak ma'a Apto Apnema m'a netne kankoie. Apkeltaqmelkeskamo nhan apkellangiemhaikama apkellelto nak metnaikamok gracias ma'a kanhan apkellanekamo qaselha ngkollatsekama.

Hechos 5:36

Kotlheianvakho no apvalho'ok lhema enenlhet nak lhennenga tep apvesai'a Teudas, apmahai'a etnek apveske neten apankek, apvaiakmek nak 400 enenlhet apkankesaikama kakpota etnangkok apkelieplekama m'a. Koka apmatnamo lhnak Teudas ma'a, apkelhpanmo nhan apkelieplekama, mmaskengvaiakmek na apmopvana Teudas ma'a.

Romanos 11:18

Koka melakponkoie', melvannama nhan ketlhengkap aktengok alhta aliaqtemenammalhka, ngkanek ketlhengkap have apkeliennaktema apankavo ie', koka aniem'o m'a aikapmen'ok lhek ma'a.

2 Corintios 5:15

Apketsepme lhta Cristo apkeliaqmoiekha aplhamakho enenlhet'avok, kolhva apkellava nak mokhom nenvanlha nak ntasek metenia nkek allekkasekama la apvalho'ok apanko'ok apankave, koka ellekkeskasama apvalhok ma'a apto lhta apketsepma, aplhatekhangveiakmo lhta nhan kakpota eltaqmelkeskesek apkellangiemhaikama aplhamakho enenlhet.

Filipenses 2:21

koka napokha enenlhet'avok anak apteniangke mota apanko'ok apankavek qaselhaha, moka ellanengkok apkellanemakha nak etnangkok Jesucristo.

Colosenses 3:5

Ennapekha' ngkollatsekama anmahai'o apvalho'ok, elvatesamok apkenmensangveiam alhma, mellanamok qaselha malha alpaisengkeskama nak apvalho'ok, mellanko nkek nkoliatangkok apvalho'ok allapelhkasekama apnenio'ok ellanangkok qaselha ngkollatsekama, meleliehekho nkek na aliaspongkomakha nak apvalho'ok, metnamo nkek na apkenmeiavkesammakpo qaselhaha ngkanek malha apkeltakneskasekamok qaselha akiokha la alanemmalhka m'a.

2 Tesalonicenses 2:4

Koka apto m'a apkammelhaikama Eniapom Neten, eniammelhek hata nhan lhamakho qaselha akietemo apkellai'o alleniem'o m'a Eniapom Neten. Avanhek hata ngkotnek ngkolatsekama, epekkanvomok hata aptanema akieto Eniapom Neten apnemakha, elhenakpok hata apankek na apto Eniapom Neten ma'a.

1 Timoteo 1:20

Ka aktonak ma'a apieseksek anak Himeneo kakpota nhan Alejandro, askangkongvakme lhta m'a Satanas kakpota melammelhek mokhom Eniapom Neten apvesai'a.

1 Timoteo 1:9

have akvai'a nkoliavak nkonnaveskak apkelpeivomo nak, koka ma'a meleliehekho nak, apkeliekai'a nak ley, meliamolhma nak kanhan apkellanekamo nak qaselha ngkollatsekama, apkellelto nak mellai'o Eniapom Neten kakpota nhan hengetlhekmoskama aktemakha apvesai'a, apkellelto nak apkennapma' apiapma'ak, ngkana'ak, apkellelto nhan ntekioma niapma'ak.

1 Timoteo 3:3

Have apto nak anmen ato', apkennapommap anak, ntasek koka etnek apiamolhma apanko ie, etenia mota metka akmaska, ntasek na etnek metka apiaspekamok apteniai'a patakkom.

1 Timoteo 6:10

Hai', lhamakho qaselha ngkolatsekama aniem'o m'a nkeskama nenteniai'a patakkom, aplhaniek na apkelieniekha aptaikamo lhta meliaskeiam, apketselhnanemmakpo nhan akiavai'a nkek ma'a.

1 Timoteo 6:4

koka apto m'a apkammakpo enenlhet anak, meihangveiakmo nhan, vanlha aptenia mota apkeliamenammap po'ok, netamen ma'a alvo'o neniasepkeskama, nennapommalhka, nentaknongkoma emmo'ok, mantemeskeskama iokhalhmek emmo'ok,

2 Timoteo 3:4

Eliennengkasekhak hata nhan apketlhelhma'ak apankave', ellanangkok hata nhan qaselha ngkollatsekama aniem'o aliatekamok apvalho'ok koka metka atlhenaikama apvalho'ok akiaqmoiekha nkovak hata. Nkoliephesama ta nhan apkellammakpo, ellanangkok hata nhan qaselha atlheianmakha la apvalho'ok, meteniankek hata nhan ellanangkok apmahai'akha nak Eniapom Neten.

Santiago 2:8

Ntasek apkelleliahakho la'a ketlhengkap ley akto neten anke akiaspommalhka akietno nak ma'a vakkahak Eniapom Neten apaivoma, ka ntemak hengke'e: «Eniasekho po'ok ka kto nak apkasekhammakpo panke nak lheiap».

Santiago 4:16

Koka apkelammakpo songkek ketlhengkap aptaiangko na mota apkelpakmeiasma m'a apkenmak'akha la etlhenek etnangkok apmaniaie, koka mangkolatsema niekhe etnangkok apkelpakmeiasma m'a.

Santiago 4:6

Avanhek ankek na hengelpasmoma aniem'o apiamolhma' panke', ka aktemo nak vakkahak Eniapom Neten apaivoma hengke'e: «Apkammelhmakha Eniapom Neten ma'a ammalhko engvalhok anak, koka apkeltakmelkeskaskek apkellangiemhaikama apkellelto nak nalhep'avek apvalho'ok».

1 Pedro 5:5

Ketlhengkap apketko'ok eleliehekho ta metno apketko'ok anak, etnamok hata nhan nalhep'avek apvalho'ok apieseksek anak ham, ka aktemo nak na aktalhesammalhka vakkahak Eniapom Neten apaivoma hengke'e: «Apkellammelhkek Eniapom Neten enenlhet'avok anak apkellammakpoho, apkeltakmelkaskaskek koka apkellangiemhaikama apkellelto nak nalhep'avek apvalho'ok».

2 Pedro 2:10

avanhek hata ngkotnek na nema aliaqmongkaskesekha apkellelto la apkeliaspongkoma apkellanekamok aliaspongkomakha apvalho'ok, apkeltaknongkoma nhan etnangkok apveske apanko'ok Eniapom Neten. Aliennaktema apvalho'ok ma'a, apkellatemmoktemo apkelveskai'e apanko'ok, mellai'o nhan nkoltaqneva qaselha alientalhnemo m'a neten,

2 Pedro 2:12

Koka enenlhet'avok anak meliamolhma mankollapvanka'ak nkolketmok apvalho'ok, mankolatsema nhan apkelpakmeiasma apkellan'o neksa meliamo qaselhaha, ka ngkanek nkonnapekhok hata nkavek meliamolhma apankavek ma'a, malha kaselha nevhak la'a akieploma nak aktekhanekamok akmangkolha la'a ngvakmek ma'a al·hanemmalhkelha, mmatnek na m'a.

2 Pedro 2:18

Etlhenakpo apankavek apkelammakpo, koka aqhemo m'a, apkenmopvanka'a ania'a, apkeliennengkaskek ma'a atlhenkeskama nak apkelvatesaikamok meliamolhma kakpota etnokhak mokhom alleniem'o nak ma'a aliaspongkomakha nak apvalho'ok.

2 Pedro 2:3

Ka apketsekama ania'a nak avanhek ankek hata nha ngkotnek apteniaikamok patakkom, elvetak hata m'a aniem'o aptaikamok apkenmopvanka'a ania'a, koka nkovak hato ka nhan iokhalhmek ankek nema aliaqmongkaskesekha' apkeltemakha ngkollatsekama, lhennenga nhan nema akpeneskeskamo ngkolhek hata aliaqmongkaskesakho apkeltemakha m'a.

Judas 1:16

Ka enenlhet'avok anak apkellelto m'a apkeliematkesaikama po'ok, apkeltaqnevaikama, kanhan aptengiaikamo mota qaselha aleklemelha la apvalho'ok. Apkellammakpo pankavek, altakmanma niekhe apkelpaqmeiasma ellanhok po'ok napaqtek la'a, koka akhemo malha apkenmopvanka ania'a, vanlha koka mota nhan apteniaikamok qaselha apanko'ok apankavek.

Apocalipsis 13:1

Asvet'o lhta aktepo nemmen lhema kaselha nevhak nengai'o nkek, 7 lhta apqatko'ok, moklhem'a lhta nhan nnangkok apqatko'ok anak alelqasemmalhka m'a altaqnonkoma Eniapom Neten. 10 alhta nhan nkapet'ok, 10 alhta nhan aknaktetemmalhka nko'ok ma'a.

Apocalipsis 16:11

Apkeltaknevakke lhta nhan apvesai'a Eniapom neten aniem'o akiavai'a apkellengaiangko akientalhnema m'a, avanhek anke lhta nhan anmaska al'ok apanko'ok. Nheklhe lhtoka meliaqmongkasekhak mo'ok apvalho'ok aniem'o qaselha ngkollatsekama apkellanekamok ma'a.

Apocalipsis 16:21

Akpallakmo lhta nhan ahekho'ok alleniem'o neten takhaplhet'ok enenlhet'avok lhmankek ham. Aliavai'a nkek ma'a, malha 40 kilo lhta lhema akiaqiema. Netamen enenlhet'avok apkeltaknevangka lhta apvesai'a Eniapom Neten aniem'o akiavai'a akientalhnema qaselha akmovana hentevaksek apiaqmongkasekha apkeltemakha meliamolhma m'a.

Apocalipsis 16:9

Avanhek anke lhta apkenmeiasma aplhamakho enenlhet'avok aniem'o akmate nkoie. Nheklhe lhtoka meliaqmongkasekhak mo'ok apvalho'ok ma'a, ma lhta nhan eliavenkaskesaikama apvesai'a Eniapom Neten apto akietnema apmopvana takhalhet'ok qaselha akmovana nak hentevaksek, apkeltaqnevakke lhtoka mota apvesai'a m'a.