2 Timoteo 3:15 - Nuevo Testamento Toba Maskoy

¹⁵ Ampai'o lhta aptemakha nematka apiangveiakmo lheiap ma'a Vakkahak anak aktaqmanma Eniapom Neten Apaivoma, akmovana nhan nkotlhekmoksek lheiap ma'a aktemakha apvongkasemmap tep aniem'o nhan mei'askeiam Cristo Jesús.

2 Timoteo 3:15 ပူးပေါင်းရင်းမြစ်များ

Lucas 1:15

Neten ankek hata ngkotnek apiaspommap napaqtek Eniapom Neten, meinek hata vino m'a kakpota nhan iavhan anmen. Elanok hato ka apvalhok Espíritu Santo neksa apietnema konne av'alhok angken ma'a.

Lucas 2:40

Apvanekaniek nak Jesús apketkok, niennaqtenkek nak apiempek ma'a, apiangveiakmo nhan, apasmongkek na mota Eniapom Neten ma'a.

Lucas 24:27

Ka apkelpeiveskasekho lhnak Jesús aktemakha aktalhesammalhka Vakkahak Eniapom Neten Apaivoma aplhenammap Cristo, ampai'o lhnak nanek aktalhesammalhka ley Moises, ka amhaiangko nhan vakkahak apnaktalheskama lhnak nanek apkeleltennasemmap ania'a annenga.

Lucas 24:32

Koka lhnak aptaiangkok apkelpaqmetkesammakpo mok apankave' ma'a: —Have na niapak Jesús ha'e enenlhet lhek, nkellekkasema lhkek engelvalhok neksa hengelpeiveskasekha lhkek aktemakha aktalhesammalhka Vakkahak Eniapom Neten Apaivoma nalhet amai lhek —lhna aptaiangkok.

Lucas 24:45

Ka apkelpeiveskasekho lhnak ma'a kakpota eliangvomhok aktemakha aktalhesammalhka Vakkahak Eniapom neten Apaivoma,

Hechos 10:43

Apketlheianmek nak nanek na apkeleltennasemmap ania'a Eniapom Neten etneskesama lhna lhta apankek meleliehekho apkellaskamakha apkellelto la meliaskeiam apvesai'a Jesús ma'a —lhna aptemak apkellanemo Pedro enenlhet'avok ma'a.

Hechos 13:29

Ka apkellaqhemo lhta nhan ma'a, ngvai'ak aknem aktemakha lhnak nanek apnaktalheskama apkeleltennasemmap ania'a. Netamen ma'a nemo nhan aklekvekho aphapak neten iamet aktenneskama, nemo nhan aklhengkeskaiakmo aphapak nemakha aklhengkeskaianlha enghapak.

Hechos 16:1

Apvekhek nak Pablo m'a akieto iokhalhma Derbe kakpota nhan Listra, aplomaka lhnak na m'a lhema apketkok nema altameskama apvesai'a Timoteo, ngken noka akto judia mankoiaskeiam nak na m'a, apiapom noka apto griego.

Hechos 17:2

Ka apmaiangko lhnak Pablo m'a aptemakha apankek na mota m'a, hanetolhem'a sabado aknem nennekhelha lhna ntemak apkellatemommap ma'a.

Hechos 26:24

Koka lhna aptemak Festo apiennakteskamo apaivoma m'a, lhna aptemak: —Pablo, malha anema lheiap aniem'o lhamakho apiangveiakmo —lhna aptemak.

Romanos 1:2

Apkeleltennaskangkek nak nanek lhema apaivoma apkeleltennaskama ania'a apankok have niapak ankek nkovak hata ania'a aktaqmanma nak, nietnengkek ma'a aktalhesammalhka Vakkahak aktaqmanma nke' Eniapom Neten Apaivoma.

Romanos 16:26

Kolhva koka aplekvakhe', hengelvetaskaskek nahan, nlheianmek nak nane mota Vakkahak apkeleltennasemmap ania'a annenga apanko'ok ma'a. ¡Hai! Eniapom Neten apto menietsepmak aplekvakhek kolhva hengelvetaskaske alhnakho nkoie apmahai'akha lhta etnehek kakpota eleliehekhok, meliaskamek nahan enenlhet'avok lhmankek ham.

Romanos 2:27

Enenlhet metka nak nema akiaqtemenkeskama nak nekhatkok apkammelhakha apkeliahakho la ley, etlhenek hata apselhnanemmap judios apkellelto nak aknaikamok nema aliaqtemenkeskama nekhatkok apkellammelhakha, akietnema nhan ley apanko'ok, melieplavkeskama nhan.

1 Corintios 1:21

Mankollapvankek enenlhet'avok eliekpelkok Eniapom Neten aniem'o apanko'ok apankave nak apkeliangveiakmo, koka apiangveiakmo nak Eniapom Neten nkeltavek nkolvongkesek tep aniem'o nhan ania'a apanko nak, apkeleltaiangko nak enenlhet'avok taikama nkek ma'a.

Efesios 6:4

Ketlhengkap apiapma'ak, mellavkesangkek apketkak, ntasek koka etlhekmosangkok neksa aklhengama apvanekamok, eleltennasamok na apkeltemelha etnangkok Apveske m'a.

1 Timoteo 4:13

Neksa hel·halhanma ko'o lheiap ham ntasek elietsete mota napaqtavek Jesucristo apkennemolhema Vakkahak Eniapom Neten Apaivoma, eliatekho ta mota nhan ma'a, etlhekmosamo ta nhan.

2 Timoteo 1:1

Ko'o Pablo asto heiapaskama apankok Cristo aniem'o apkeltema Eniapom Neten, kakpota apaiaksek ania'a aktemakha aplheianmo lhnak nanek Eniapom Neten have niapak ankek hengellangkok hata aliennaktema ennenio'ok mankotnengvaianlha nnelha aniem'o nelpasmekha Cristo Jesús,

2 Timoteo 1:5

Nlheianvakhek na evalhok iokhalhme lhta mei'askeiam lheiap, amanie lhtoka lheiap apiama' Loida kanha ngken akvesai'a Eunice mankoliaskeiam alhta m'a, asiavek na ko'o lheiap nietnek mei'askeiam aktaiangkolha nak ma'a.

2 Pedro 3:16

Lhamakho lhta mota vakkahak aptalheskama Pablo aktemakha mota m'a aklheianma m'a, nientelhe lhta niekhe aniangvomhok ma'a moklhem'a aptalheskama, koka apkelietnokhaskeiakme mota m'a enenlhet'avok anak malha metka apqatko'ok anak, kanhan apkellelto nak nkoliennaktema nak meliaskeiam, apkelietnokhaskeiakme mota nhan lhamakho aktemakha aklheianma nak Vakkahak Eniapom Neten Apaivoma, ka ngkanek elvetak hato ka akiaqmoiekha aniem'o meliamolhma apankavek ma'a.

Apocalipsis 19:10

Ka askelteklheio lhta etapno'ok napaqtek ángel ma'a kakpota angvahok ma'a, koka lhta aptak heiano mokhom ma'a: —Have, metne ham, koka nietavek elteklheiok aptapno'ok napaqtek ma'a Eniapom Neten, ko'o nhan asto heiasennaikama m'a, snavek ko lheiap ka nhan apkelialheng'a nak meliaskeiam ania'a aplhenammap Jesús. Koka ania'a nak malha akvatepnapma allaikamok ma'a apkeleltennasemmap ania'a —lhta aptak heiano ángel.