2 Timoteo 3:14 - Nuevo Testamento Toba Maskoy

¹⁴ Lheiap koka elhengkes hata mei'askeiam akiennaktema apiangveiakmo lhta, ngkanek apiavek na lheiap ma'a akto have niapak ankek, ngkanek na enenlhet'avok apkeliamolhma apketlhekmosekamo lhta lheiap.

2 Timoteo 3:14 ပူးပေါင်းရင်းမြစ်များ

Hechos 17:31

Eniapom Neten alhta apkeliekieskama lhema aknem kakpota eliekpelkok aktaqmanma, nlho ka la ngkollatsekama enenlhet'avok. Akietemo nkek hata etnek ma'a. Apkeliekieskamo nhan lhema enenlhet kakpota elanak ma'a, apkelvetaskeskamo lhta nhan enenlhet'avok ma'a aniem'o nhan aplhatekhaskeiam apieseksek apkenmaskengvaiakmo —lhnak aptemak Pablo.

Romanos 14:5

Moklhem'a ketlhengkap nketlhenke mota apvalho'ok lhema aknem akto neten ankek akiaspommalhka mankolhok ma'a mo'ok la aknem. Koka napokha nketlhenke mota apvalho'ok mamma aknem akto neten ankek akiaspommalhka la'a, koka nietavek etnangkok aliakvanlha la ntasek etnangkok ma'a.

Colosenses 2:2

Avanhek na asteniai'o eiempehek askeliatekhoho aplhamakho m'a askeltemo etlhengkesek apkelpasmommakpo, ellasekhakpoho kakpota nkovak akiokho nkek apkeliekpelkangveiam kanhan apkeliangveiakmo qaselha akielhammalhka nak apeneskamo lhnak nanek Eniapom Neten aplheianmo lhnak nanek eniapaksek Cristo,

1 Tesalonicenses 1:5

Have vanlha mo'ok engatno'ok alhta nentangkok neksa neleltennaskama lhta ania'a aktaqmanma apieseksek ketlhengkap ham, nellan'a lhta nhan qaselha hempelapkeskama aniem'o apmopvana Eniapom Neten kakpota nhan Espíritu Santo. Ka alpekhesangka lhta ketlhengkap metka apkaimommap akto have niapak ankek ania'a nengeltennaikama ennengko'o. Hai, apkeliavek ketlhengkap vanlha lhta mota nengeleltemo nkoltaqmelek apkakhaikamok neksa nengakhengveiam alhta ham.

1 Tesalonicenses 2:13

Hai, nengeleltangke mota ennengko'o gracias Eniapom Neten aniem'o apkellengai'a, apkenmaikamok na takha ania'a aplhenammap Eniapom Neten netsavkeskama lhta ham. Apkeliangveiakme lhta ania'a aktaqmanma have aniemai'o enenlhet apanke, koka aniemai'o m'a Eniapom Neten. Hai, have niapak ankek ma'a aniemai'o Eniapom Neten ania'a aktaqmanma nak nkelentepkeskaske mota akiavai'a qaselha altaqmelo apkellelto nak meliaskeiam.

1 Timoteo 4:16

Etaqmelkasakpo ta neksa apkaniemhaikama, elketnamok hata nhan kakpota metlhekmoksek mankoietemo. Ka apkeliahakho la astakha nak askano lheiap, evongkasakpok hata nhan tep lheiap, elvongkesek hata nhan tep apkellelto la apkelleliehekho apkeltennaikama lheiap.

2 Timoteo 1:13

Elhengkes hata nhan aktemakha lhta asketlhekmoskama lheiap, eloka ta nhan lhemek ma'a mangiaskeiam anak, nengasekhai'o nhan alleniemai'o m'a apasmekha songkek Cristo Jesús.

2 Timoteo 2:2

Aplengai'a mota lheiap asketlhekmoskamo napaqtavek enenlhet'avok apentalhnema, etlhekmosa ta nha mota lheiap ma'a moklhem'a enenlhet apkellelto la apkeltakmelkasemmakpo kakpota nhan ma'a etlhekmosangkok na po'ok.

2 Timoteo 3:15

Ampai'o lhta aptemakha nematka apiangveiakmo lheiap ma'a Vakkahak anak aktaqmanma Eniapom Neten Apaivoma, akmovana nhan nkotlhekmoksek lheiap ma'a aktemakha apvongkasemmap tep aniem'o nhan mei'askeiam Cristo Jesús.

Tito 1:9

Nkaimelhkek na meiaqmonkasekhek mo'ok nema atlhekmoskama lhta aplhevai'a akto have niapak anke, etnek na apiatekhok po'ok akieplomo apketlhekmoskama aktaqmanma, etnek na apmopvana elpengkangvakhak apkellelto la apkellammelhekha m'a.

Hebreos 10:22

Ntasek angelteteskakhok Eniapom Neten engvalhok iokhalhmek ankek, mongeliaskamek nahan akiokho nkoie' ngkanek malha alalhnai'o engelvalho'ok, alalhnai'o nhan eniempeiok aniem'o m'a iemmen aktaqmanma nkoie.

Hebreos 6:11

¡Ntasek etlhengkese mota mokhom ketlhengkap ma'a metka akpensangveiam, metka nhan apkeliamasangveiam alleklemo apvalho'ok! Netamen etlhevangkok hata qaselha altaqmelo apkelel·halhanmo mota nkovak hata.