2 Timoteo 3:13 - Nuevo Testamento Toba Maskoy

¹³ koka apkellelto nak meliamolhma kanhan apkeliennengkeskama nak po'ok, nkovenke pankok hata apkellanekamok qaselha ngkollatsekama nak, aplhaniek hata etnangkok apkeliennengkeskama enenlhet'avok, koka ngkolhek hata nhan aliennengkasakho m'a.

2 Timoteo 3:13 ပူးပေါင်းရင်းမြစ်များ

2 Corintios 6:8

Moklhem'a aknem hengeleliahakhave lhta mota, hengeltaqmelkaske lhta nhan, mo'ok aknem alhto ka hengeltaqnevak ma'a, hennaqtevaske lhta nhan ma'a, hengelleltaiangko lhta nhan nenmopvanka'a ania'a, koka iokhalhme mota netlheianma ennengko'o.

1 Timoteo 4:1

Aplheianmek Espíritu akto iokhalhmek ankek akmak'o ta nkovak aktemongvanlha nnelha aknem, moklhem'a elvatesangko ta aptaikamok meliaskeiam, elieplo'ok hata kasekapo av'alhok hengiennenkeskama kakpota nhan hengetlhekmoskama anko'ok kasekapok av'alho'ok.

2 Timoteo 3:8

Ka enenlhet'avok anak meliamolhma alheno lhkek apkellammelhma hengetlhekmoskama akto nak have niapak ankek, ka aptaiangkolha lhnak nanek ma'a enenlhet apkelvesai'a Janes kakpota nhan Jambres, apkellammelhmo lhnak nanek apketlhekmoskama aplheianma Moises, nnavek na m'a enenlhet'avok anak nenvanlha nak aliaseiangko mota lhma alketamekamok apvalho'ok ngkollatsekama, apkeliaskeiakmek na Eniapom Neten.

Tito 3:3

Ennengko'o lhta nhan malha nengelelto metka enqatko'ok la'a, mangeleliehekho nhan ma'a, malha lhta nhan neltaiangko netlheneiam la'a, hengenmaikama lhta nhan lhamakho aktemakha aletsepma ennenio'ok anak, nkelleklemave lhta nhan engelvalho'ok nellanengko la qaselha ngkollatsekama. Neten anke lhta mongeliamolhma, neliasepkeskama nhan, neltaqnongvekhe lhta emmo'ok engankave nenieseksa m'a, kanhan hengeltaknongkongke lhta nhan enenlhet.

2 Pedro 2:20

Lhennenga apkeliangveiakmo aptemakha Apveske engankok kanhan Hengvongkeskamo tep Jesucristo, alpaqnemekho nhan mangiamolhma, koka netamen ma'a apkellaiangko mokhom malha alpathetvekha la mokhom maniamolhma, aptaikokho mokhom na neten ankek meliamolhma, mangkolhnok ma'a sekhek anke lhta.

2 Pedro 3:3

Eltaqmelkaso ta apkellailhemo asmak'akha atnek alheianma, hata aimelhko ta ketsek aktemongvanlha nnelha aknem elvak hata enenlhet anmaikama aliaspongkomakha nak apvalho'ok meliamolhma, eliematkesama ta ketlhengkap ma'a,

Apocalipsis 12:9

Nne lhta nhan akieniantamo koneng menasma akiavai'a kanhan ángeles atlhelhma'ak akieto takhalhet lhepop. Tep nak nanek akietnemo m'a menasma nak, akvesai'a nhan aveske keliaqhameiok, mo'ok akvesai'a Satanas, aliennengkaseiangka mota enenlhet'avok alhmankek ham.

Apocalipsis 13:14

Nkeliennenkaske lhta aplhamakho enenlhet'avok aniem'o allanai'a qaselha mongenatkeskama, nemo lhta aiangkoho naqtek ma'a kaselha nevhak amanie lhta akteiapma. Nkeleltave lhta nhan ellanangkok apkelietkeskamo akiokha m'a kaselha nevhak akiavai'a lhta akiensaskama pelettav akvenaktema, aktaqmanveiam alhta nhan ma'a.

Apocalipsis 18:23

Ienaqtesa lhma ta nhan ngkotnek akieto nak lheia, nkomaskengvomok hata nhan aklengammalhka apaivoma nema aptava kanhan nema atava aliemhapakha la'a. Nkanek macatero anko lhta lheia' apkellelto neten apankavek ma'a, nkeliennenkeskangkek lheia lhamakho apkellavakha lhmankek ham aniem'o aktema iolhma nkoihamolhma —lhta aptak ángel.