2 Timoteo 2:5 - Nuevo Testamento Toba Maskoy

⁵ Apkellelto nak apkelpaivasemmap carrera, apkeliahakhe mota aktemakha henganemakha ankok ma'a kakpota elhkak aplhevai'a akianmoma.

2 Timoteo 2:5 ပူးပေါင်းရင်းမြစ်များ

Lucas 13:24

—Elienlhanmamok ketlhengkap elentalhnengvom atong atkok, mang hata nte niekhe enenlhet'avok apkenmahai'a niekhe elentalhnengvomok ma'a, koka mankollapvankek hata m'a.

Filipenses 1:15

Moklhem'a lhta apkeleltennasema ania'a aplhenammap Cristo aniem'o heliasepkeskama ko'o apteniangke lhta nhan apkenmahai'a helammelhekha, napokha alhto ka apkeleltennasema ania'a aplhenammap Cristo altakmanma apvalho'ok

Colosenses 1:29

Avanhek na askeliephaiekho asmakmekama akieplomo asiennaktema, asmopvana nhan aniem'o Cristo.

Hebreos 12:4

melammelhmak mokhom ketlhengkap ngkollatsekama nak akvakmo apkeletsepo.

Hebreos 2:7

Apkelan'a lhta nhan lheiap enenlhet ketsek koneng apientalhnemo metlhok ángeles, koka apkaiangke lhta nhan apientalhenmo m'a, aknemo ai'o nhan.

Hebreos 2:9

Nne lhta nhan aktepkeso Jesús hengke'e ketse lhtoka nhan koneng apientalhnemo melhnemok ángeles, iakvatakho lhtoka m'a. Kolhva koka neliavek ma'a nlanei'avek apientalhnemo kanhan nemo ai'o aniem'o lhta apketsepma. Hai, apkeliekieskek Eniapom Neten kakpota enietsepok ennengko'o hengeliaqmoiekha aniem'o aktaqmanma nkek hengellanei'o.

Santiago 1:12

Aktaqmelakho nkek enenlhet meliehekho la akiatekamok akiaspongkomakha apvalhok ngkolatsekama. Apvaskapo la nhan, elhkak hata akianmoma apnaksepma akiennaktema apkaniemhaikama apkelpeneskeskamo lhta apaivoma Eniapom Neten ellangkok hata m'a apkellelto la apkellasekhai'o.

1 Pedro 5:4

Netamen apvaktamo ta m'a Apveske apanko'ok apkellanekama nepkesek, etlhevangkok hata akianmoma apkennaksepma apkelelhnekha apkatko'ok metka aktepelkammalhka nhan ma'a.

Apocalipsis 2:10

Koka meniaga nkek akmak'o ta nkovak aplengaiangko lheiap. Moklhem'a ta apieseksek anak ketlhengkap ngkolhek hata allaklhengkaso nemmammalhkelha aniem'o aveske keliaqhameio' kakpota nhan ngkolhek aliepkono m'a, ellengangkok hata akvakmo 10 aknem. Ka apvaskapo ta lheiap m'a akvakmo apketsepo niekhe, ko'o ta angvangkok akianmoma apnaksepma akvesai'a akiennaktema apneniek mokhom".

Apocalipsis 3:11

¡Avatak hata kolhvavek ham! Elhengkes hata mangheiaskeiam ko'o kakpota mangkolhek aklekkeskaktamo qaselha apnaksepma apkelhnekha apqatek, nema akpeneskeskamo aplhevai'a ta lheiap.

Apocalipsis 4:10

Apkellelteklhengke lhta nhan aptapno'ok metno apketko'ok, apkelel·halhentamo lhta nhan napaqtek apto apnema aptanema apveske m'a aniem'o apkellai'o apto metka akvaiam annelha aliekaikamok iantelhkapa apkaniemhaikama, apkelhangke lhta mota apkelelhnekha apqatko'ok napaqtek apto apnema aptanema apveske, lhta aptangkok ma'a:

Apocalipsis 4:4

Nnangke lhta nhan 24 apkeltanema apkelveskai'e nema alpeneskeskamo m'a nekhav'ak apnakha m'a aptanema apveske. Apkakhengveiakmo lhta nhan 24 metno apketko'ok ma'a, apkenmopai'a lhta apkelentalhnema, nnaianke lhta nhan apkelelhnekha apqatko'ok oro alanemmalhka.