2 Timoteo 2:25 - Nuevo Testamento Toba Maskoy

²⁵ etnek na meientalhnemo ennavaksek apkellelto nak apkellammelhma la apketlhekmoskama, koka Eniapom Neten hatelha enianak eliaqmongkasekhak mo'ok apvalho'ok ma'a kanhan eliangveskeskamhok akvesai'a nak akto have niapak,

2 Timoteo 2:25 ပူးပေါင်းရင်းမြစ်များ

Marcos 1:15

Lhna aptemak: —Ngva'ak aknem aklhenammalhko lhnak nane mota, nkanketva'ak na etnekhak hata apveske Eniapom Neten. ¡Eliaqmongkasekha ta mo'ok apvalho'ok, meliaskam ankek na ania'a aktaqmanma nak! —lhna aptemak Jesús ma'a.

Juan 5:34

Ko'o koka melaimekpok enenlhet hetlheianma la asvesai'a, asiamolhma napaqtavek alhenkek mota qaselha nak kakpota elvongkasakpok tep ketlhengkap.

Hechos 11:18

Neksa apkellengai'a lhnak ma'a akmaskemo nhan apkeliamenammap Pedro m'a, apkeliavenkaskesaiangka lhnak apvesai'a Eniapom Neten ma'a, lhna aptaiangkok: —Neliavek kolhva ennengko'o apkenmamo takha Eniapom Neten enenlhet metnangko nak judios, apkeltavek na eliaqmongkasekhak mo'ok apvalho'ok ma'a kakpota ngkoitek aliennaktema apnenio'ok mankotnengvaianlha nnelha —lhnak aptaiangkok ma'a.

Hechos 2:38

Ka apkatemmoiangka lhnak Pedro m'a, lhna aptemak: —Eliaqmongkasekha mo'ok apvalho'ok, elvatesamok apkeltemakha ngkollatsekama, elteniamok nema allavkeskama konne iemmen akieplomo apvesai'a Jesucristo. Netamen Eniapom Neten etnama ta apankek meleliehekho apkellaskamakha, kakpota ellangkok na metka akianmoma Espíritu Santo.

Hechos 20:21

Askeliatengke lhta judios kakpota nhan metnangko nak judios askeltemo eliaqmongkasekhak mo'ok apvalho'ok napaqtek Eniapom Neten kakpota nhan meliaskame Apveske engankok Jesús.

Hechos 5:21

Lhema aknem na ntemak akiekai'a m'a, sosekhe ankek apkenmeiekho lhnak Eniapom Neten apnemakha, apketlhekmoskekho lhnak ma'a ania'a aktaqmanma. Koka apiav'akha sacerdote kakpota nhan apketlhelhma'ak apkellavei'o lhnak aplhamakho metno apketkok ko israel elpasengva lhema apkaqnekha apkelientalhnakha apkelveskaie'. Netamen ma'a apkellapaskamo lhnak apkellasennaikama kakpota eliantementamok mokhom nema alapaskamo akieto m'a nengaqlhengkasemmalhkelha.

Hechos 5:31

Ka nhan aptemeskeskamo apto neten apankek ma'a, apneskekho nhan akieto akiennakha apoktong, kakpota nhan etneskesek apto Aplaqlekama niapom kakpota nhan Elvongkesek tep enenlhet'avok ko Israel. Kakpota eliaqmongkasekhak na mo'ok apvalho'ok, etneskesama apankek na meleliehekho apkellaskamakha m'a.

Hechos 8:22

Avanhek apiasepkeskama lheiap, mmaiankek qaselha ngkolatsekama lheiap, ¡eiaqmongkasekha koka mo'ok apvalhok lheiap! Elmalhnama nhan Eniapom Neten kakpota etneskesama apanke kelhaha ngkolatsekama aptemakha nak lheiap —lhnak aptemak Pedro.

Galatas 6:1

Ketlhengkap elialheng'a apkellelto apkenmaikama Espíritu, ntasek ennavakse mota po'ok apkellan'o la qaselha ngkollatsekama, koka have apkeliennai'oho. ¡Ellaho ta nhan ketlhengkap ngkotnek kelha apkeliepkonammap nahan!

1 Timoteo 2:4

apkeltemo nhan angelvongkasalhkak tep nenlhamakho, angeliangvomhok na akto have niapak anke'.

1 Timoteo 6:11

Koka lheiap apto Eniapom Neten apkasennaikama, enieniamo ta kakpota mankomama m'a qaselha ngkolatsekama nak, elana toka akpeivomo, qaselha aktaqmelo, koietna mei'askeiam, nengasekhai'o emmo'ok, eliephekho ta apvaskapma neksa aplengaiangko akientalhnema, etne ta nhan nalhepek anko ie napaqtavek enenlhet'avok.

2 Timoteo 3:7

Anmahai'o niekhe nhan nkoliangvomhok qaselha altaqmelo koka mankovai'ak alianveiakmo m'a akto nak have niapak ankek.

Tito 1:1

Ko'o nak Pablo asto heiasennaikama Eniapom Neten, asto nhan heiapaskamo lhta Jesucristo kakpota atlhekmoksek aktemakha mongiaskeiam apieseksek ma'a apkellelto nak apkeliekieskama Eniapom Neten kakpota nkovak apkeliangveiakmo m'a aktemakha akto have niapak ankek nenganiemhaikama aktaqmanma,

Tito 3:2

Ellana ta nhan lheiap melentepkasama apkelvesai'a po'ok ma'a, eteniangkok na metka akmaska, etnangkok na apkeliamolhma kanhan nalhep'avek apvalho'ok napaqtavek aplhamakho enenlhet'avok.

Santiago 1:17

Eniapom Neten koka nkeniemai'ak ma'a aktaqmanma, kanhan akiokho nkek apkeliangveiakmo ngkanek apto nhan Niapma'ak ma'a alapommatemo nak neten, mamma nkek na akiaqmoiekha la mo'ok apvalhok ma'a.

1 Pedro 3:15

elpokkenkes apvalho'ok ketlhengkap Apveske Eniapom Neten, elpeneso ta mota ankok apkellatemmoikama la'a metka apkeliennai'o kanhan nalhep'avek apvalho'ok aktemakha akietnema alel·halhnekama apvalho'ok Eniapom Neten.

1 Juan 5:16

Hata apkelvet'o ta lhema enialheng apkelanai'a ngkolatsekama nkotno nak hengaqhemo, elelmalhneskes hata Eniapom Neten kakpota eniangkok akiennaktema apneniek ma'a. Koka nietnek na ngkolatsekama akmovana hengaqhek, koka skanek ko'o ntasek melelmalhneskes ankek ma'a apkelvet'o ta apkelan'o la lhema enialheng.