2 Timoteo 2:24 - Nuevo Testamento Toba Maskoy

²⁴ Lhema apkasennaikama la Apveske mankapvankek eliamenakpok po'ok, ntasek koka etaqmelkasok apaqmetkeskama po'ok la'a, etnek na apmopvana etlhekmoksek kanhan metka apekheskama qaselha,

2 Timoteo 2:24 ပူးပေါင်းရင်းမြစ်များ

Juan 6:52

Apkelempave lhta mokhom apkelpaqmetkesakpo mok apankavek judios ma'a, lhta aptangkok: —Niehe ngkotnek hengellangkok aphapetek anak kakpota antavangkok —lhta aptangkok ma'a.

Hechos 15:2

Koka nkoihek nak apkellatemommap Pablo kakpota nhan Bernabe m'a, man nak nkolleklemok apvalho'ok aktemakha nak apketlhekmosekamok ma'a. Ka apkelvetai'o lhnak apkelemhama apmaniaie iglesia m'a, apkellapaskamo lhnak Pablo, Bernabe kakpota nhan aplhamakha apketlhelhma'ak akieto Jerusalen kakpota elpaqmetkasakpok nema allapaskamo kakpota nhan metno apketko'ok ma'a aktemakha apketlheianma apkeliaqtemenaikamok nekha tkok apkellammelhakha m'a. Ka apkeliekai'o lhnak iokhalhma Fenicia kakpota nhan Samaria, apkeleltennaseiangko lhnak ma'a nak hanet iokhalhma nak neksa apkeliekai'a ania'a aktemakha apkelvatesaikamok qaselha ngkolatsekama apkellanekamok metnangko judios kakpota meliaskamek na Eniapom Neten. Nkelpaihekhek nak apvalho'ok apkelialheng'a apkellengai'o ania'a m'a.

Hechos 23:9

Aplhamakho enenlhet na lhta apiapqalhekama m'a, ka apkeleltennaiangka lhna lhta moklhem'a hengetlhekmoskama henganemakha apkellelto nhan Fariseos ma'a, lhna lhta aptaiangkok: —Ka enenlhet anak ham mamma apkelanai'a ngkolatsekama, apkeliehekhavek kelhaha akpaivoma eniempehek, nlho ka la lhema ángel —lhna lhta aptaiangkok ma'a.

Hechos 7:26

Mo'ok aknem nak ntemak ma'a apvetangvekho lhnak mokhom Moises apkennapommap po'ok apankek ko israelitas, ka apmahai'o lhnak emaskeskamok apkennapommap ma'a, lhna aptemak: "Apaivomo lhema pankek apkennapekpok ¿se lha kto ie, he?", lhnak aptemak.

2 Corintios 10:1

Moklhem'a ketlhengkap apnaqtevaskangkek asvesai'a, apketlheianmo lhnak ngkolatsekama astemakha, lhnak asno la ham apieseksek anak ketlhengkap askeliatekama lhnak nkoiennaktema aspaioma, koka lhnak askapaso la astalheskeskama vakkahak ketlhengkap ham, nkoihek nak aspaioma astalheskama. Hata apketlhengkaso la apkellentepkasekama asvesai'a ham, metka asiekaskama ta aknem alammelhek ma'a apkellelto nak mok apatno'ok. Askelasnema askeltema elvatesangkok apkelentepkasekama asvesai'a, askeltavek na akieplomo apvesai'a Jesús, apto apiamolhma, hengellamelaiam nahan.

2 Corintios 10:4

Apkenmak'a mota elammelhek akientalhnema akieplomo apkeliennaktema apanko'ok apankavek, ennengko'o koka nelammelhkek akientalhnema akieplomo apmopvana Eniapom Neten, apmopvana enaqtevaskesek na aliennaktema kasekapok av'alho'ok.

2 Corintios 6:4

Ntasek nentaiangkolha, apvanka'ak elvetak enenlhet'avok nengelelto hengellasennaikama Eniapom Neten. Nelvaskapke lhta metka nempekheskama nelvetai'o akientalhnema, nelvaskapmek na neksa aimommalhka la qaselha enganko'ok, anmaiosak'a engelvalho'ok nahan.

Galatas 5:22

Koka qaselha aptepkeskama Espíritu alvesai'a nengasekhai'o, akpaihekha engvalhok, aktaqmelaikama engvalhok, have nav'a envahek nelloma, antangkok akmomhape engvalhok, neniamolhma, mongiaskeiam,

Efesios 4:2

Etnamok hata nhan koneng apankavek ketlhengkap, anmomhapak'a apvalho'ok ellanhok po'ok, mellammelho apnaqtevasemmap metka apkelpekheskama nhan aniem'o apkellasekhammakpo.

Filipenses 2:14

Ellanamok hata lhamakho qaselha metka apkelmalenioikama, metka nhan apkellatemommap po'ok

Filipenses 2:3

Metnamo nkek apkelammakpo, mellanamo nkek na qaselha apkelaskesammap ame', eltamok koka nalhep'avek apvalho'ok, eltemeskes hata nhan neten apankavek po'ok la'a have aptangko nak ketlhengkap.

Colosenses 3:13

Meltaqneva' pankek apieseksek anak ketlhengkap, eltemeskesama ta nhan apankavek apnaqtevasekpo la ketlhengkap, ka kto nak Apveske aptaiangka na apankek meliamolhma ketlhengkap.

1 Tesalonicenses 2:7

Envanka'a nlho lhta niekhe angeliatangkok hengelleliehekhok ennengko'o ketlhengkap, ngkanek nengelelto hengellapaskamo pankok Cristo, koka ma lhta ntaiangkok ma'a, malha alhta nentaiangkok aktaiangkolha nak nematkak. Neltaqmelkeskanke lhta mota malha aktona ngken altakmelkeskama nak atkak.

1 Timoteo 6:11

Koka lheiap apto Eniapom Neten apkasennaikama, enieniamo ta kakpota mankomama m'a qaselha ngkolatsekama nak, elana toka akpeivomo, qaselha aktaqmelo, koietna mei'askeiam, nengasekhai'o emmo'ok, eliephekho ta apvaskapma neksa aplengaiangko akientalhnema, etne ta nhan nalhepek anko ie napaqtavek enenlhet'avok.

Tito 1:1

Ko'o nak Pablo asto heiasennaikama Eniapom Neten, asto nhan heiapaskamo lhta Jesucristo kakpota atlhekmoksek aktemakha mongiaskeiam apieseksek ma'a apkellelto nak apkeliekieskama Eniapom Neten kakpota nkovak apkeliangveiakmo m'a aktemakha akto have niapak ankek nenganiemhaikama aktaqmanma,

Tito 1:7

Hai, lhema apkemhama apmanie la'a nkaimelhkek etnek metka la aplhenammap ngkanek Eniapom Neten aptemeskeskama m'a kakpota ellanama takhaplhet'ok apkellelto nak Jesucristo apkennemolhema, metnek apkammakpoho, metka aploma, metka nhan akieihama lhma, metka apkennapommap, metka nhan apielhammakpo elkangkok patakkom apteniai'a la akianmoma apmakmekama.

Tito 1:9

Nkaimelhkek na meiaqmonkasekhek mo'ok nema atlhekmoskama lhta aplhevai'a akto have niapak anke, etnek na apiatekhok po'ok akieplomo apketlhekmoskama aktaqmanma, etnek na apmopvana elpengkangvakhak apkellelto la apkellammelhekha m'a.

Tito 3:2

Ellana ta nhan lheiap melentepkasama apkelvesai'a po'ok ma'a, eteniangkok na metka akmaska, etnangkok na apkeliamolhma kanhan nalhep'avek apvalho'ok napaqtavek aplhamakho enenlhet'avok.

Santiago 1:1

Ko'o Santiago asto heiasennaikama Eniapom Neten kanhan apveske Jesucristo nlhenkek evalhok apkellelto 12 apkelpasmekhak apketkak neptamen Israel, apkakhengveiakmo lhma nkek ham lhamakho apkellavakha.

Santiago 3:17

Koka enenlhet la akietnema aknema apiamo aniem'o m'a Eniapom Neten, apto malha alhnai'o apvalhok, apto nhan metka akmaska niapom apkaniemhaikama, apiamolhma, hengamelaiakmo mota, apietnai'o nhan napa'at po'ok, apneskamo po'ok apkellanei'o enenlhet apieseksek la'a, iokhalhmek na aplheianma, apkelanai'a nha mota qaselha altaqmelo.

Santiago 4:2

Akvakho apkellaqho po'ok ngkanek avanhe kanke mota apkeleltemo ngkoitek qaselha apanko'ok. Nietne songkek na apkeliasepkeskama po'ok la'a apanko'ok apkeleltemo nhan ngkoitek aktonak ma'a, ka mankoito la qaselha apanko'ok ma'a, nkoieplevhok hata apkelteniai'o apiempeiok nkomahak ennaktemok, nlho ka la nhan ennapakpok ma'a. Melvetai'ak qaselha apanko'ok ketlhengkap ngkanek melelmalhnekama mota Eniapom Neten,

1 Pedro 3:8

Hai', ka m'a, ¡mellaskesap ankek ame' apieseksek anak ketlhengkap! Elhneso ta mota nhan atlhenaikama apvalho'ok po'ok la'a, ellasekhakpo malha apkelialheng'a apankavek la'a, etnamok hata nhan apkeliamolhma kanhan nalhep'avek apvalho'ok.

Judas 1:3

Ketlhengkap elialheng'a askellamelaiam, avanhe skeltema anaktalheskesek aktemakha m'a nengelvongkasemmalhka nak tep. Kolhva koka asmak'ak allasnama askeleltemo eliavenkasok apkeltakmelkeskama meliaskeiam anak nema allaikamok alhta aplhamakho apkellelto nak apkelpokkenammap.