2 Timoteo 2:19 - Nuevo Testamento Toba Maskoy

¹⁹ Koka Eniapom Neten hengellaiangkek lhema iamet akiennaktema nkek, malha anengkasemmalhka nenpathetma la'a, akieplomo koka alkasemmalhka ntemak hengke'e: «Apkeliekpelkavek Apveske enenlhet apanko'ok la'a». Ka ntemak na mo'ok hengke'e: «Ntasek elieniekhak ngkolatsekama apkellelto nak apkellasennaikama Apveske».

2 Timoteo 2:19 ပူးပေါင်းရင်းမြစ်များ

Marcos 12:16

Ka apkellaiangko lhnak patakkom akiaqiema m'a, lhnak aptemak Jesús: —¿Se lha enenlhet napa'at hengka ie patakkom akiaqiema nak, ko la apvesai'a m'a, he? —Apveske iokhalhma Roma ham —lhna aptaiangkok ma'a.

Marcos 13:22

ngkanek elvak hata apkelietkesammakpo Cristo, kakpota nhan apkeleltennasemmap ania'a apkenmopvanka'a ania'a. Ellanangkok hata qaselha mongenatkeskama kakpota nhan qaselha hempelapkeskama kakpota eliennengkesek aplhamakho enenlhet'avok lhmankek ham, nkomahak hata nhan eliennengkesek aptangko nak nema aliekieskama.

Lucas 13:27

Koka hata etnek ellana: "Enmeiakha m'a, melioholhma ketlhengkap, moliekpelkak", hata etnek apto apnemakha m'a.

Lucas 6:48

lhema enenlhet la apkelanai'a apnemakha m'a. Emetmok sekhek ma'a akvakmo apvetangvakmo konne metaimong kakpota elanak avhok takhalhet apnemakha m'a. Netamen akvo'o la iemmen akiengeiam ma'a nkotiengvomok akiennaktema m'a pa'at lhek, koka mangkoiaqnenek ma'a aniem'o nietnek akiennakteskama avhok takhalhet metaimong ma'a.

Juan 10:14

Ko'o asto apvetep asiamolhma apanke', heiekpelkavek ko'o Eniapom, ko'o nhan asiekpelkavek ma'a, askeliekpelkavek na nepkesek asnaqtoskama la'a, heliekpelkavek na m'a, ntasek na angvetsepok neksa askellanekama m'a.

Juan 13:18

Ka astakha lhkek askellano ketlhengkap have koka aplhamakho m'a, asiavek na apkellelto la askeliekieskama, nkovak hata aknem aktemakha nak aklheianma aktalhesammalhka Eniapom Neten apaivoma, ka ntemak ma'a: «Lhema apto astoma lhemoie', aptakhek heiammelhaikama m'a» ka ntemak ma'a.

Juan 3:33

Koka apto la enenlhet mei'askeiam m'a, apiavek Eniapom Neten aplheianma mota iokhalhme.

Hechos 11:26

Lhema iantelhkapa lhnak apkakhaiangkok ma'a, apkankesekho lhnak ma'a, apketlhekmoseiangko lhnak na apkellelto iglesia m'a. Koka m'a akieto nak ma'a nema altamesaikamok anak ampai'akhasekha nkek nak apkeltemeskasekha apkelvesai'a Meliaskeiam Cristo.

Hechos 15:17

kakpota eleliama ta Apveske napokha enenlhet'avok, kanhan metnangko nak judios apkellelto nhan askellavai'a ko'o.

Hechos 9:14

Kolhva koka apva'ak hengke'e aplhevai'ak ania'a aniem'o apkelemhama apmaniaie sacerdotes kakpota elpathetek, eliantemok na nengaqlhengkasemmalhkelha m'a aplhamakho apkellelto apketlheianma mota apvesai'a lheiap —lhnak aptemak Ananias ma'a.

Romanos 11:2

Tep nak nanek apkeliekieskamo Eniapom Neten Israelitas kakpota etnek apkennemolhema, man koka nhan eltaknongkomak kolhvave nak. Kotlheianvakho no apvalho'ok ketlhengkap apkeltennasemmap ania'a Elias apketlheianmo lhnak nanek ko Israelitas apkellaneiangko ngkollatsekama napaqtek Eniapom Neten, lhna aptemak:

Romanos 12:9

Ellasekhakpo metka apkeliennengkeskama po'ok, eltakneva' qaselha ngkolatsekama, elelieplavkes koka mota ellanangkok qaselha altaqmelo.

Romanos 15:20

Vanlha lhta mota asmaiangko metkelha la nema akpaieskamakha ania'a aktaqmanma, ma lhta amahai'ak aipetkeskamok asmakmekama nemakha la akpaieskamakha ania'a aktaqmanma.

Romanos 15:9

Apvai'a lhta nhan m'a kakpota elietnahok na napaqta'a metnangko nak judios kakpota eliavenkaskesama ta nhan apvesai'a Eniapom Neten ma'a. Ka aktemo nak aktalhesammalhka Vakkahak Eniapom Neten apaivoma hengke'e: «Alhenek hata apvesai'a lheiap aptema apiavai'a apankek napaqtavek metnangko nak judios, annekmaksek hata nhan apvesai'a lheiap», lhna nnema aktemo m'a.

Romanos 8:28

Neliavek ennengko'o Eniapom Neten apkelpeneskasavek lhamakho qaselha kakpota nkoltaqmelkesek apkellangiemhaikama apkellelto nak apkellasekhai'o, Eniapom Neten apkellavekama nhan kakpota elieplavkesek na apkellanemakha la etnangkok ma'a.

Romanos 9:11

Amanie lhnak nanek apkenmahai'a epalemmak m'a, mamma mokhom apkellanekamok qaselha ngkolatsekama, nlho ka la aktaqmanma, koka Eniapom Neten apkeltennaskangkek nak nanek Rebeca apselhiek eniasennama ta metno apketkok. Ka ntemak na aktalhesammalhka Vakkahak Eniapom Neten apaivoma: «Avanhe skamelaiam Jacob aselhtek Esaú», lhna aptemak Eniapom Neten. Apvankek Eniapom Neten apmak'akha la eliekiaqsek enenlhet, nkaqhok meliamolhma la'a nlho ka la apiamolhma kakpota emakmesama apmak'akha la enmeksek apkellanei'oho.

1 Corintios 1:2

Nketlhenkek engelvalho'ok apkellelto iglesia apankok Eniapom Neten apkakhangko ham Corinto. Apkellelto nak nema alpokkanma kakpota elpasmekhak Cristo Jesús, etnangkok na Eniapom Neten apkennemolhema. Apkelpasmekha nhan aplhamakho lhmankek ham apkeltakneskasekamok na apvesai'a Jesucristo, apto apveske apanko'ok kakpota nhan apveske engankok ennengko'o.

1 Corintios 8:3

Enenlhet apto la apkasekhai'o Eniapom Neten, apiekpelkekma Eniapom Neten ma'a.

2 Corintios 7:1

Elialheng'a askellamelaiam, ka nkeniemai'ak ma'a apneskamo aplheianma hengellangkok hata Eniapom Neten, ntasek hengellalhnaskesek neliokha kanhan engvalho'ok aniem'o altamekha ngkollatsekama, antangkok neliokho engankavek nelalhnai'o aniem'o nellai'o Eniapom Neten.

Galatas 4:9

koka kolhvave nak apkeliavek aptemakha m'a aniem'o apmahai'a apanke lhta etnek apkeliekpelkemo napaqtavek ketlhengkap ma'a. ¿Se lha ntemak na ketlhengkap apkeleliehekho nak mokhom qaselha neniava nak mangkoliennaktema, metka akmovana nhan, he? ¿Se lha ntemak na apkenmahai'o nak mokhom etnangkok allasennaikama ankok nema apkelianmoma, he?

Efesios 2:20

Ketlhengkap malha pa'at la akiavai'a alanemmalhka takhalhet avhok aliennakteskamahka nak akvesai'a apketlhekmosekamok nema allapaskamo kakpota nhan apkeleltennasemmap ania'a, Jesucristo koka apto malha metaimong aktaqmanma aktaqheskamakha avhak pa'at alanemmalhka.

Efesios 3:15

apto apkelteniaskama apkelvesai'a aplhamakho aknema apkennemolhema apketkak Apkakhangko m'a neten kanhan nalhepop.

Efesios 4:30

Meltemeskes na akmaiose apvalhok Espíritu Santo apkeniem'o Eniapom Neten, apto nhan ma'a malha mongenatkeskama la apiempeiok apkeltemeskeskama lhta ketlhengkap kakpota eliekpelkok enenlhet apanko'ok akvakmo ta m'a aknem apsavhomakha apkel·hatsoskekha neksa anmaikama moniamolhma.

1 Timoteo 6:19

Netamen ma'a ngkotnek hata malha apkankesaikamok nema nhan apketsekama m'a neten, etlhevangkok hata nhan aliennaktema apnenio'ok mankotnengvaianlha nnelha.

Hebreos 11:10

Koka apiamavek nak na noka Abraham eloka ta m'a apiav'akha temma apto koka Eniapom Neten apeneskamo aklhenaikama apvalhok, apkelanei'ak koka m'a temma nak takhalhet avhok aliennaktema nkoie'.

2 Pedro 3:14

Ketlhengkap elialheng'a askellamelaiam, neksa apkelel·halhanma nkovak aknem anak ma'a, eteniamok hata apiempeiok elloka metka akmaska, kanhan metka apkeltemengveiakmo lhma kakpota elvetangvetak Eniapom Neten apvaktamo ta m'a.

1 Juan 2:19

Apkakhangkek nenieseksa ennengko'o m'a apkellammelhmakha nak, koka hengelieniekhek lhta nhan ngkanek have netlhelhma'ak engankavek ma'a. Lhta kto la netlhelhma'ak engankavek ma'a, manghengelieniekhe lhta nhan ma'a, nelvetai'a koka iokhalhmek ankek have aplhamakho netlhelhma'ak ma'a.

Apocalipsis 17:8

Ka kaselha nevhak lhek nengai'o, lhennenga lhnak nanek akienaqtemakha m'a, mmaskengvakmek koka nenvetai'a m'a. Koka nkotiepok hata mokhom ma'a konne malhek konne kankek, nkoiaihama ta takhalhet lhepop anak lhmankek ham, koka nkotvasalhkak hata mokhom ma'a. Nkopalesemmak hata apvalho'ok apkelvet'o ta apkellelto nak nkolhnaikamok apkelvesai'a vakkahak akiennaktema enneniek, lhennenga lhnak na nek na akietnemakha m'a vakkahak anak, amanie alanemmalhka lhnak na ne lhma nkek ham.

Apocalipsis 2:13

"Asiave ko'o apnek lheiap akieto akietnemakha nak aktanema aveske Satanas, man koka heieniekhak lheiap, meietnekhok nahan, mang na hei'askeiakmok lheiap neksa apmatnama alhta Antipas apto lhta nhan ma'a apaieskama mota ania'a asvesai'a ko'o, meietnekho lhta nhan ma'a Antipas, lhtoka apmatnamak ma'a akieto aknemakha Satanas.

Apocalipsis 21:14

Ka akhalhtemommalhka lhta m'a nnangke lhta aliennakteskama 12 metaimong aliavai'a koneng, nnangke lhta nhan ma'a moklhem'a alelqasemmalhka apkelveskai'e 12 apkelapaskamo pankok alhta Nepkesek Apketkok.

Apocalipsis 22:4

Elvetak hata nhan napa'at ma'a, alqasemmalhka nhan alpaihakha napaqta'a Apvesai'a apankek ma'a.

Apocalipsis 3:8

"Asiave ko'o lhamakho aptemakha apkelanai'a lheiap, asiavek na heliehekho lheiap niekhe ketsek meiennaktema, asiavek na metka apmangkaktema elhenek asvesai'a ko'o. Ka ngkanek amaieskese mota atong napaqtek lheiap, mamma ta enenlhet apmopvana la eniapekhak atong anak ma'a.