2 Timoteo 2:12 - Nuevo Testamento Toba Maskoy

¹² Ka nengvaskapo la nhan neksa nellengaiangko akientalhnema metka nengai'a nhan, antangkok hata malha apkelveskai'e lhemek ma'a, kanhan nenlheno la mangiamo apvesai'a Cristo, elhenek hata nhan manghengiamo m'a.

2 Timoteo 2:12 ပူးပေါင်းရင်းမြစ်များ

Marcos 10:33

—Ellailhono, ka nenmeiakhelha nak Jerusalen, ngkolhek hata angkongvakmo Enenlhet Apketka nak apkelemhama apmaniaie' sacerdotes kakpota nhan escribas. Etlhenekha ta nhan apkenmahai'a ennapok ma'a, ellangkongvomok hata nhan ma'a metnangko nak judios.

Marcos 8:38

¡Ellailhono! Menmangkankek hetlhenek ko'o apkelvakho ta napaqtavek enenlhet apkellanekamok anak ngkollatsekama kanhan apkelleliasepkasekama nak. Koka apkenmangko la hetlhenek asvesai'a ko'o, Enenlhet Apketka nak emangkak hata nhan etlhenek apkelvesai'a ketlhengkap apvaktamo ta akieplomo apmopvana apkaikamok aniem'o Apiapom ma'a, ángeles apkelpokkanma hato ka apketlhelhma'ak ma'a —lhna aptemak.

Lucas 12:9

Koka apkeleltennaso la ketlhengkap mangheliekpelkema ko'o, nkolhek hata nhan atlheno metka nema aliekpelkemo napaqtavek ángeles apanko'ok Eniapom Neten ma'a.

Lucas 22:29

ka ngkanek atneskesangko ta ketlhengkap apkelveskaie, ka kto nak Tata hetneskeskangke apveske ko'o.

Lucas 22:30

Hata antavokhak ma'a, anienangkok nahan nelpasmekha akieto ta m'a astakhelha ta apveske, eniaqhengvomok hata nhan ma'a apkeltanema apkelveskai'e kakpota eleliekpelkoho apkeltemakha m'a 12 apkelpasmekha apketkak neptamen Israel —lhna aptemak ma'a.

Lucas 9:26

Koka allennavengko la etlhenek asvesai'a kanhan asketlhekmoskama nak, nkonnevhok hata nhan ma'a Enenlhet Apketka nak etlhenek apkelvesai'a ketlhengkap apvaktamo ta akieplomo lhamakho aktemakha apmopvana aniem'o Apiapom, apketlhelhma'ak hata nhan ángeles apkelpokkenammap.

Hechos 14:22

Ka apkeleltemo lhnak amaika'a apkellelto nema altamesaikamok ma'a, apkeliateikokho lhnak na etlhengkesek meliaskeiam Jesús ma'a, lhnak aptaiangkok ma'a: —Annengangkok hata akiavai'a akientalhnema nenmak'o la antalhnengvomok akieto nak ma'a aptemakha apveske Eniapom Neten —lhna aptaiangkok ma'a.

Romanos 5:17

Aveske lhta ntemak nengetsepma nak apieseksek enenlhet'avok aniem'o lhta lhema enenlhet meliehekho apkaskamakha Eniapom Neten. Kolhva koka nkoltemeskesek hata apkelientalhnemo apkellelto apketlhevaikamok alhnankok apkellangiemhaikama, nema altemeskeskama nhan apkelpeivomo metka akianmoma aniem'o lhema enenlhet apvesai'a Jesucristo.

Filipenses 1:28

¡Mellaga nkek alammelhaikama nak! Nkotlhenek hata av'alho'ok nkonaqtevasalhkak ma'a, nkotlhenek hata nhan av'alho'ok elvongkesek hata tep Eniapom Neten ketlhengkap ma'a.

1 Timoteo 5:8

koka meleliahakho la m'a melpasmek na apketkak ma'a, mang na nkoitak meliaskeiam ma'a, tep ankek meliamolhma metlhok ma'a melioho nak mokhom Eniapom Neten.

Judas 1:4

¡Ellaho toka m'a enenlhet'avok meliamolhma nak apkelvai'o lhna lhta mota ham apieseksek anak ketlhengkap! Apkelpasmekhek na lhta ketlhengkap ma'a, apkeliennengkeskamo lhna lhta nhan. Apkellaneiangkek na lhta lhamakho aktemakha qaselha ngkollatsekama atlheianmo apvalho'ok metka apiaqmongkasekha Eniapom Neten aniem'o aktaqmanma nke nak aptemakha, menmaiangkok na takha m'a apto lhema aphapak Apveske engankok Jesucristo. Tep nak nanek nlheianmek Eniapom Neten apaivoma etlhevangkok hata nema aliaqmongkaskesekha apkeltemakha m'a.

Apocalipsis 1:6

Hengeltemeskaske lhta nhan malha apkeliav'akha apkelveskaie ennengko'o kakpota nhan sacerdotes kakpota angellasennama mota m'a Eniapom Neten apto apiapom ma'a. Ka ngkanek na ntasek ellaho mota apvesai'a m'a, etlhenama mota akietnema neten apankek apientalhnemo kanhan apmopvana panke metka akvaiam annelha aliekaikamok iantelhkapa. Amen.

Apocalipsis 1:9

Ko'o Juan asto elialheng'a ketlhengkap, nengelelto nhan nennemolhema akieto nak aptemakha apveske Eniapom Neten. Aslengaiangkek na lhemek akientalhnema ketlhengkap, nengetlhevaikamok na nengeliennaktema kakpota angelvaskapok ma'a. Asne lhta ko'o m'a akieto akiaqiema lhepop iemmen nekhav'ak akvesai'a Patmos aniem'o aspaieskama mota ania'a apankok Eniapom Neten, kanhan ania'a aktemakha asvetaiangko lhta Jesucristo.

Apocalipsis 2:13

"Asiave ko'o apnek lheiap akieto akietnemakha nak aktanema aveske Satanas, man koka heieniekhak lheiap, meietnekhok nahan, mang na hei'askeiakmok lheiap neksa apmatnama alhta Antipas apto lhta nhan ma'a apaieskama mota ania'a asvesai'a ko'o, meietnekho lhta nhan ma'a Antipas, lhtoka apmatnamak ma'a akieto aknemakha Satanas.

Apocalipsis 20:4

Asvet'o lhta mokhom apkelveskai'e apkakhangko apkeltanema apkelveskai'e m'a neten, nne lhta allangko apkenmopvanka'a kakpota eliekpelkok apkeltemakha enenlhet'avok lhamakho aiempek lhmankek ham. Asvet'o nhan apkel·hangok ma'a nema aliaqtemanma lhta apiaspok aniem'o mota apkelpaieskama ania'a aplhenammap Jesús kakpota nhan apkeleltennaikama Eniapom Neten apaivoma. Ma lhta nhan elteklheiangkok aptapno'ok naqtavek qaselha nevhak alhta nengai'o kakpota nhan nema akietkeskamo akiokha nke alanemmalhka m'a. Meleltemo lhta nhan ngkolhek apnaqtalheso akvesai'a alpaihakha napaqta'a, apmeio'ok nahan. Koka apnaklhatekhangvakme lhta nhan ma'a apieseksek apkenmaskengvaiakmo enenlhet'avok alhta m'a, aptangkokho lhta nhan apkelveskai'e apkelpasmekha Cristo akvakmo ta 1.000 anio.

Apocalipsis 20:6

¡Aktaqmelakho nkek apkellelto apnaklhatekhangveiakmo apmaniaie! Apkelpokkenammap asongkek ma'a, mellengankek hata mokhom hanet aktaiekho nengetsepma m'a. Etnangkok hata sacerdotes Eniapom Neten apankok kakpota nhan Cristo, etnangkok hata lhemek apkelveskai'e akvakmo 1.000 anio.

Apocalipsis 3:10

Aptaqmelkaskek na aspaioma askanemakha etnek lheiap metka apkelvateskaiam heieplekama, ka ngkanek ataqmelkesek hata akvo'o ta aplengaiangko akientalhnema takhalhet lhmankek ham.

Apocalipsis 3:21

Apkellelto ta apkeliephongveiakmo, altok hata eniakhangkok lheme astanema nak, ko lhta nhan asto asiephongveiakmo, asnek na aptanema nak Tata".

Apocalipsis 3:8

"Asiave ko'o lhamakho aptemakha apkelanai'a lheiap, asiavek na heliehekho lheiap niekhe ketsek meiennaktema, asiavek na metka apmangkaktema elhenek asvesai'a ko'o. Ka ngkanek amaieskese mota atong napaqtek lheiap, mamma ta enenlhet apmopvana la eniapekhak atong anak ma'a.

Apocalipsis 5:10

Hengeltemeskesaiangko lhta nhan apkelveskaie ka nhan sacerdotes apankok Eniapom Neten, antangkok hata nhan apkelveskai'e takhaplhet'ok enenlhet'avok lhmankek ham —lhta aptangkok apkennekmasekamok ma'a.