2 Timoteo 1:7 - Nuevo Testamento Toba Maskoy

⁷ Hengellangkek ennengko'o Eniapom Neten engelvalhok aknema akmovana, nengasekhai'o, nenmeiommalhko enganke', metka nengai'a nhan.

2 Timoteo 1:7 ပူးပေါင်းရင်းမြစ်များ

Lucas 10:19

Askellangke lhta ko'o apkelmopvanka'a ketlhengkap kakpota elteianmangkok menasma kakpota nhan iettaha', kakpota apvanka'ak eltemeskasekhak koneng apkellammelhma, mangkolhek hata aktakha ketlhengkap.

Lucas 15:17

Ka alketansemo lhnak apvalhok apketkok anak, lhnak ntemak aklhenaikama apvalhok: "Mantek aptekamok apkenmakmesaikama tata netamen alhta aniep apankok, ko'o koka mek heiaqha ngvai'ak hengke'e.

Lucas 24:49

eniakhamok hata hengke'e Jerusalen ngkanek kolhvavek hata angvapaksek takhaplhet'ok aktakha lhta apaivoma Tata have niapak ankek eniapaksek hata, aknema akmopvana apkeniem'o neten —lhna aptemak.

Lucas 8:35

Ka apkenmeiekho lhnak enenlhet'avok ma'a akieto akvetammalhkelha qaselha, apkelvetangvekhek nak enenlhet kasekapok av'alho'ok aktevaskama apnemo m'a akieto apnakha Jesús. Aptalhnema lhnak na apnekhak ma'a, aptaqmelekhek nak. Man na ngkeskama apkellai'a apkelvetai'o m'a.

Juan 14:27

Askellangkek altaqmelaikama apvalho'ok ketlhengkap, mankapvankek enenlhet elanak ma'a, vanlha koka ko'o evanke'. Moltama nkek apvalho'ok ketlhengkap, mellaga nkek nahan akmak'o ta nkova.

Hechos 1:8

Koka etlhevangkok hata aknema akmovana aliennakteskama ketlhengkap apvo'o ta Espíritu Santo takhaplhet'ok ma'a. Enmankok hata lhma nkek ham Jerusalen, Judea, Samaria, akvakmo aktakha mokhek ankek avhok lhepop mo'ok apkellavakha. Eleltennasama ta aplhamakho enenlhet'avok aktemakha apkelvetaiangko lhamakho qaselha askelanai'a lhta —lhna aptemak Jesús ma'a.

Hechos 10:38

Ka aptemo lhta malha apiangkanma Eniapom Neten takhaplhet Jesús ko Nazaret Espíritu Santo m'a kanhan apmopvana. Apto lhta nhan apkeltakmelkeskaiam apkellelto anmaikama aveske keliaqhameio', apkelanei'o lhta nhan aktaqmanma aniem'o aplhelhma mota Eniapom Neten.

Hechos 20:24

Koka mamma aptaikama evalhok angvetsepok kelhaha, askeltavek ko'o asavhok asmakmekama malha askelpaivasemmalhka aptakha lhta apaivoma Apveske Jesús heiano akieplomo akpaihekha evalhok, apkeltemo lhta apaiaksek ania'a aktaqmanma aplhenammap hengellamelaiam Eniapom Neten.

Hechos 21:13

Koka lhta aptak Pablo hengellatemmongka: —Mollaiose nke apvalho'ok ketlhengkap, meliapqalh ankek nahan, aniakha ta ko'o Jerusalen niekhe astetemmalhka ta m'a, niekhe nhan asmatnama ta aniem'o apvesai'a Apveske Jesús —lhta aptak hengellano m'a.

Hechos 26:11

Askeliaqpelhketaiangke mota apiempeiok akietemelha la apkaqnekhelha, askeltemo elvatesangkok aptaikamok meliaskeiam Jesús. Asmenlhenaikama akvakho mo'ok apkellavakha ngkanek avanhe lhta apkenmopaska askellanei'o m'a.

Hechos 26:25

Ka apkatemmoiangka lhnak Pablo m'a, lhna aptemak: —Motnak ko'o malha anema, iokhalhmek ankek ko'o mota aspaioma kanhan asiangveiakmo.

Hechos 6:8

Avanhek ankek nak aplhevai'a akmases apvalhok Esteban kanhan aknema apmopvana aniem'o Eniapom Neten, apkelanai'ak na mota qaselha hempelapkeskama kanhan qaselha mongenatkeskama napaqtavek enenlhet'avok apkellavakha nak ma'a.

Hechos 9:22

Koka Saulo nheklhek nak apkeltennaiangka ania'a aktaqmanma metka apkenmenai'a, apketlhekmoskangkek nak Jesús apto Cristo, man noka eliamok na m'a judios apkakhaiangko m'a akieto Damasco.

Romanos 8:15

Metlhevangkok ketlhengkap apvalhok anmahai'a nak nkoltemeskesek malha allasennaikama nema apkelianmoma, ka nhan altemeskeskama nak apkellai'a mokhom, apketlhevangkek koka Apvalhok apkeltemeskeskama Eniapom Neten apketkak. Kolhva koka apvanka'ak elteteskakhak Eniapom Neten, apvanka'ak na elpaqmetkesek nalhepe' apkelpaqmeiasma ellanhoho', etnangkok ellana hengke'e: —Ta.

1 Corintios 2:4

Astenia lhtoka nkoliakvomok apankavek aniem'o Espíritu apmopvana, have aniem'o asiangveiakmo ehenkok ehenke nak.

Galatas 5:22

Koka qaselha aptepkeskama Espíritu alvesai'a nengasekhai'o, akpaihekha engvalhok, aktaqmelaikama engvalhok, have nav'a envahek nelloma, antangkok akmomhape engvalhok, neniamolhma, mongiaskeiam,

Colosenses 1:8

Hengeletsantengkeskamo lhta nhan ania'a aktemakha apkellangiemhaikama ketlhengkap ham, avanhek na lhta nhan apkellasekhai'o po'ok ketlhengkap aniem'o Espíritu nak nahan.

Hebreos 2:15

Apkelvongkeskamo lhta nhan taiep apkellelto lhta malha allasennaikama nema apkelianmoma ankok ma'a netsepma nak, ngkanek nnaianke lhta mota m'a apkellai'a.

1 Pedro 1:22

Kolhva koka ketlhengkap malha alalhnai'o apvalho'ok aniem'o apkeleliehekho ania'a akto have niapak anke, apvanka'ak na ellasekhok apkelialheng'a iokhalhmek ankek. Hai, ellasekhakpo mota apankavek ketlhengkap

1 Juan 4:18

Enenlhet akietno la nengasekhai'o nak, mamma nhan apkai'akha m'a ngkanek ngvaneniek akiokho nkek nengasekhai'o nak, ntepkaskek apvalhok ma'a apkai'akha la nema akiaqmongkasekha ta aptemakha. Apto la enenlhet akietnema apkai'a aniem'o mankovanemok akiokho nkek nengasekhai'o nak.