2 Timoteo 1:12 - Nuevo Testamento Toba Maskoy

¹² ka nkeniemai'ak asvetai'o nak akientalhnema m'a, man koka amangkaktemak ngkanek ko'o asiavek apto moi'askeiakmo, apto lhta nhan heiapaskama apaiaksek ania'a aktaqmanma, asiavek na akietnema apmopvana m'a kakpota ngkolhek aklhengkasakho nema akpaieskama ania'a aktaqmanma nak akvakmo ta aknem hata m'a.

2 Timoteo 1:12 ပူးပေါင်းရင်းမြစ်များ

Lucas 10:12

Hata akvo'o ta aknem neliekpelkammalhkelha, avanhek hata ngkotnek akientalhnema apkellengaiangko enenlhet'avok anak ma'a, aselhtek ma'a ko Sodoma lhnak nanek.

Lucas 23:46

Man nak enieskamak apveneiangka Jesús ma'a, lhna aptemak: —Tata, ema ta takha ehangok anak —lhna aptemak. Ka apketsepmo lhnak ma'a.

Juan 6:44

Mankotlhenap apvalho'ok ketlhengkap sek la ko'o enenlhet ke', vanlha Eniapom apto heiapaskama apvanke eliangveskeskamhok hata, netamen anaklhatekhaskamok hata akvakmo ta nnelha alhma nkek ham.

Hechos 13:46

Koka Pablo kakpota nhan Bernabe apkeleltennaskamo lhnak metka apkellai'a, lhna aptaiangkok: —Hengelietave niekhe angetlhenek Eniapom Neten apaivoma apmaniaie ketlhengkap apkellelto judios, koka menmaiangkok takha m'a, meleltemok ngkolhnankok aliennaktema apnenio'ok mangkotnengvaiam annelha. Koka ntasek angelletsavkesek ania'a nak apieseksek anak metnangko nak judios.

Hechos 13:50

Koka apkellelto judios apkelentennaskekho lhnak meliamolhma Pablo kakpota nhan Bernabe naqtavek ngkelvana'ak aliamolhma, ngkeskama alletsekama nhan ma'a. Napaqtavek na apkelemhama apmaniaie' neten apankavek akieto apiav'akha temma nak, knemo nhan alentepkeskamo iokhalhma nak ma'a.

Hechos 21:13

Koka lhta aptak Pablo hengellatemmongka: —Mollaiose nke apvalho'ok ketlhengkap, meliapqalh ankek nahan, aniakha ta ko'o Jerusalen niekhe astetemmalhka ta m'a, niekhe nhan asmatnama ta aniem'o apvesai'a Apveske Jesús —lhta aptak hengellano m'a.

Hechos 7:59

Neksa apkeliaqnemmap nak, lhna aptemak apkenmalhnongkomo Esteban ma'a: —Apveske Jesús, ema ta takha ehengok —lhnak aptemak.

Hechos 9:16

Ataskesek hata m'a akiavai'a aplengaiangko akientalhnema aniem'o apaiesaikama asvesai'a —lhnak aptemak Apveske.

Romanos 1:16

Momankek ko alhenek ania'a aktaqmanma ngkanek akto aknema akmovana aniem'o Eniapom Neten kakpota nkolvongkesek tep enenlhet'avok apkellelto la meliaskeiam, apmaniaie' judios, kakpota nhan griegos.

Romanos 9:33

Lhnak nane ntemak aktalhesammalhka Vakkahak Eniapom Neten apaivoma hengke'e: «Aspekkanmek ko lhema metaimong akieto iokhalhma Sion, aplhaniek hata nkolpelapongkesek ma'a, koka meliaskakmo la m'a, mankoliennenkesek hata m'a», lhna ntemak aktalhesammalhka m'a.

1 Corintios 1:8

Eniapom Neten hata etneskesangkok aliennaktema meliaskeiam ketlhengkap akvakmo aktakha nnelha kakpota metlhenek enenlhet apnaqtevaskama mota po'ok napaqtek apveske engankok Jesucristo apteiapvo'o ta m'a.

1 Corintios 3:13

Netamen, akvo'o ta aknem neliekpelkammalhkelha, talha ta nkoliekpelkok aktemakha apkellanekamok pa'at anak ma'a, aktaqmanma alanemmalhka, nlho ka la ngkolatsekama.

Filipenses 1:20

Hai', nkel·halhnema evalhok manghenmangkaksek hata enenlhet'avok, have niapak ankek, elvetak hata aplhamakho akietnema asmopvana aniem'o Cristo, niekhe astema ehalhnankok mokhom nlho ka la angvetsepok hatelhaha.

Filipenses 3:10

Asmak'ak aiavenkasangkok mokhom asiangveiakmo Cristo, asmak'ak na annangkoho nema akmovana aklhatekhaskeiakmo lhnak Cristo apieseksek apkenmaskengvaiakmo, ntasek na annangkok akientalhnema akvakmo asketsepo aptemo lhta nhan apkaniemhaikama m'a Cristo,

Filipenses 3:21

Eliaqmongkasekhak hata mo'ok aktemakha eniempeiok anak nkoliennaktema, hengellangkok hata nhan eniempeiok tep ankek aktaqmanma, ka aktemo nak apiokha m'a, apvankek na enmama lhamakho qaselha aniem'o akietnema apmopvana m'a.

Filipenses 3:8

Koka lhamakho qaselha lhta m'a kolhva koka nlhenkek evalhok mankoliennaktema m'a, have kto nak qaselha altaqmelo nak asiekpelkangveiakmo nak Cristo Jesús apveske ehenkok, askelhakhangkek lhamakho qaselha lhta malha basura ntemak ma'a aniem'o lhta asmama takha Cristo,

1 Tesalonicenses 2:16

Ma lhta nhan hengellaiangkoho angelpaiaksek ania'a aktaqmanma nenvongkasemmalhka tep apieseksek metnangko judios, koka m'a niaveiangke lhta nhan ngkollatsekama apkellanekamok, koka nkovak hata nhan akiavai'a nema aliaqmongkaskesekha apkeltemakha m'a.

1 Tesalonicenses 5:4

Koka ketlhengkap mankolpelapkesek hata apkelvetai'a m'a malha enenlhet lhek apmenielhma, ngkanek ketlhengkap melloka mota ienaqtesakha lhma.

1 Timoteo 6:20

Lheiap Timoteo, etaqmelkes hata nema aikamok anak apmakmekama, mepasengvoma nkek na ngkolatsekama la apkelpakmetkesammap, meniailhengvomho nhan mankoietemo nak apketlhekmosekamok apkeleltaiangko nak akvesai'a Nenianveiakmo akto Have niapak ankek ma'a,

2 Timoteo 1:14

Etaqmelkes hata aktemakha aktaqmanma hengetlhekmoskama aplhevai'a lhta lheiap, Espíritu Santo apkakhangkek apvalho'ok aplhamakho Jesucristo apkennemolhema epasmok hata nhan lheiap ma'a.

2 Timoteo 1:16

Askeltavek koka Apveske elietnok napaqta'ak apkennemolhema Onesiforo ngkanek lhamakho lhta mota hepasmoma m'a, ka asiennaiekho lhta nhan m'a neksa askaklhengkasemmalhka, ma lhta nhan emangkaktemak helanei'o ko'o m'a.

2 Timoteo 1:18

ka ngkanek ko askeltemo eietnahok napa'at Apveske engankok akvakmo ta aknem hata m'a. Apiavek na lheiap ma'a avanhe lhta nhan hengelpasmoma m'a enenlhet anak akieto lhta m'a Efeso.

2 Timoteo 1:8

Ka ngkanek memangkankek na elhenek apvesai'a Apveske engankok, ka nhan memangkankek na helhenek ko'o asnema nengaqlhengkasemmalhkelha aniem'o askasennaikama Apveske. Ka apvanko ta emok takha lheiap apvet'o la akientalhnema aniem'o apkeltennaikama ania'a aktaqmanma, Eniapom Neten hato ka nhan eniangkok apiennaktema kakpota evaskapok lheiap.

2 Timoteo 2:9

asvet'ak nahan akientalhnema akvakmo nhan akno henakteto cadenas akieto nengaqlhengkasemmalhkelha malha aktonak enenlhet la meihamolhma, koka Eniapom Neten apaivoma nak mankaqlhengkasemmalhkak ma'a.

2 Timoteo 4:8

Asiavek ko Apveske apto apeivomo hengiekpelkemo, heiangkok hata m'a akianmoma asnaksepma askelhnekha epatek aniem'o astema aspeivomo ngkotnek hata m'a akmo'o ta nkovak aknem aliekpelkammalhkelha nentaiangkolha, ellangkok hata nhan ma'a aplhamakho apkellelto nak melleskama elel·halhnama apvektanlha ta m'a.

Tito 3:8

Hai', have niapak ankek astemakha na mota asketlhekmoskamo lheiap, eltakhengveskakha ta mota m'a napaqtavek aplhamakho Jesucristo apkennemolhema kakpota eteniangko mota ellanangkok qaselha altaqmelo m'a. Hai', ntasek ma'a hengetlhekmoskama nak, avankek nkolpasmok aplhamakho enenlhet'avok.

Hebreos 12:2

Ntasek antangkok malha nengammelhmo apnakha Jesús apto hengellaikamok nentaikamok mongeliaskeiam ma'a, apto nhan apsavheskeskaiakmo akvanekamok mongiaskeiam anak. Apvaskapme lhta m'a neksa akientalhnema neten iamet aktenneskama, niekhe qaselha henmankaskama m'a, koka apvaskapme lhta aniem'o nietnek akietnaikama apaqtek akpaihekha ta apvalhok apmanie, netamen koka m'a apnekho napokha akiennakha aptanema Eniapom Neten.

Hebreos 2:18

Hai', aplengaiangke lhta nhan akientalhnema hengke'e, apvetai'a lhta nhan akiepkonma. Ka nkeniemai'ak apmopvanko nak elpasmok apkellelto nak apkelvetai'a aliepkonma la'a.

Hebreos 7:25

Ka ngkanek apvankek na elvongkesek tep lhema aktema metka mokhom taiep apkellelto la apkelketansema m'a kakpota nhan elaqlakhak ma'a napaqtek Eniapom Neten apto mangkotnengvaiam annelha apkaniemhaikama m'a, vanlha mota apkeltennaskekha apkelvesai'a enenlhet napaqtek Eniapom Neten.

1 Pedro 1:5

Meliaskeiakmok ketlhengkap Eniapom Neten ka nkeniemai'ak apkeltakmelkeskamo m'a akieplomo apmopvana kakpota etlhevangkok hata lhema qaselha apeneskamo akietnaikama apaqtek ellangkok hata akvakmo ta aktakha nnelha aknem, akvesai'a nak ma'a nenvongkasemmalhka tep.

1 Pedro 4:16

Koka menmangkankek ketlhengkap neksa nema akmenlhenaikama aniem'o atlhenkasekama aptaikamok Jesucristo apkennemolhema, eltakneskasamok hato ka Eniapom Neten ketlhengkap ma'a neksa apkelvetai'a aktonak ma'a.

1 Pedro 4:19

Ka apkelto la elvetak akientalhnema ketlhengkap Eniapom Neten, nheklhek koka etlhengkesek apkellanekamok qaselha altaqmelo m'a, ntasek na enmeksek apvalho'ok ma'a apto lhta apkellanai'a ketlhengkap kanhan apto apkelpasmoma mota.

Judas 1:24

Apvankek Eniapom Neten elpasmok ketlhengkap kakpota mellanankek qaselha ngkollatsekama, elalhnaskesek na apvalho'ok neksa apkeliamolhma. Eliantemakhek na akieto napaqtek aktaqmelakha nkek ma'a akieplomo akiavai'a alpaihekha apvalho'ok.