2 Timoteo 1:10 - Nuevo Testamento Toba Maskoy

¹⁰ Kolhva koka nelvetai'o nhan apiamolhma apankek Eniapom Neten aniem'o apvai'o m'a Cristo Jesús apto hengelvonkeskama tep, aptevaskamo nhan akmovana nengetsepma nak, hengellaiangko m'a aliennaktema ennenio'ok nkotnengvaianlha nnelha aniem'o nhan ania'a aktaqmanma nak nellengai'a.

2 Timoteo 1:10 ပူးပေါင်းရင်းမြစ်များ

Lucas 11:36

Apommato la'a apvalhok lheiap, mangkolhek ienaqteskama lhma', etak alhnakho nkek lheiap malha talha alhankok atsaskeskama na lhma'.

Lucas 13:7

Lhna aptemak apkanemo apmakmesaikama: "Hanetolhem'a iantelhkapa ntak astenengvektamo mota asteniangvekta akielhna, moka nkoielhnemak ma'a. Ntasek hata eiaqtemenek, aqhemo amhamo m'a aniep anak", lhna aptemak.

Lucas 2:11

Apteiakmek lhek apto apkelvongkeskama ta tep enenlhet'avok akieto apkavakha David, Cristo apto Apveske.

Juan 1:9

Lhna nkeniemai'ak ma'a anketaiakmo akvai'akha nalhepop apommatema nak akto have niapak ankek atsaskeskama lhma ta aplhamakho enenlhet'avok.

Juan 14:6

Ka apkatemmongka lhta Jesús ma'a, lhta aptak apkano: —Ko'o asto nak vanlha malha lhema amai akmaiangko akieto apnakha Eniapom, ko'o asto nhan have niapak anke niapom, askellaikamok na aliennaktema apnenio'ok enenlhet'avok lhma nkek ham.

Juan 20:31

Koka aklhamakho qaselha akietno vakkahak anak, nema aktalheskama kakpota meliaskamek hata ketlhengkap Jesús apto Cristo Eniapom Neten apketka, hata nkoniema' aliennaktema apnenio'ok mankotnengvaianlha nnelha ketlhengkap ma'a aniem'o apvesai'a m'a.

Juan 4:42

Netamen alhta aptangkok apkellano ngkelvana lhta m'a: —Man lhek angeliaskakmok Jesús aktakha lhkek aklheianma lheia, koka kolhvave nak mangeliaskakmok ngkanek nelleng'ak aptakha apaivoma, kolhva neliavek apto hengvongkeskama tep ma'a aplhamakho enenlhet'avok lhmankek ham —lhta aptangkok enenlhet'avok.

Juan 5:40

Man koka helketamak ketlhengkap kakpota allangkok aliennaktema apnenio'ok.

Hechos 13:23

Apkeleltennaskangkek nak nanek Eniapom Neten lhema apaivoma, aptaven neptamen David evak hata kakpota elvongkesek tep ko Israel, ka enenlhet nak ma'a Jesús alhta.

Hechos 5:31

Ka nhan aptemeskeskamo apto neten apankek ma'a, apneskekho nhan akieto akiennakha apoktong, kakpota nhan etneskesek apto Aplaqlekama niapom kakpota nhan Elvongkesek tep enenlhet'avok ko Israel. Kakpota eliaqmongkasekhak na mo'ok apvalho'ok, etneskesama apankek na meleliehekho apkellaskamakha m'a.

Romanos 16:26

Kolhva koka aplekvakhe', hengelvetaskaskek nahan, nlheianmek nak nane mota Vakkahak apkeleltennasemmap ania'a annenga apanko'ok ma'a. ¡Hai! Eniapom Neten apto menietsepmak aplekvakhek kolhva hengelvetaskaske alhnakho nkoie apmahai'akha lhta etnehek kakpota eleliehekhok, meliaskamek nahan enenlhet'avok lhmankek ham.

Romanos 2:7

Ellangkok hata nhan ma'a aliennaktema apnenio'ok apkellelto apkelvaskapma apkellanekamok la aktaqmelo, apteniaikamok na nkolekkasama apvalhok Eniapom Neten, apteniaikamok na ngkolhek allangko aliennaktema apnenio'ok, kakpota nhan ngkolhek altemeskesangko apkelientalhnemo.

Romanos 3:31

Ko la aktemakha atlheianma apvalho'ok ketlhengkap, ¿mongiaskeiam anak mmaskeske nlho akiennaktema ley anak, he? ¡Ma! Ka mongiaskeiam anak hengeliangveskeskakmek ley anak akto aktaqmanma m'a.

Romanos 6:6

Neliavek ennengko'o alvaneiam alhta engelvalho'ok nketsepmek lhemek ma'a Cristo akieto neten iamet aktenneskama, mmaskek na hengenmangka ngkollatsekama nak.

1 Corintios 15:26

alhaie ka nkek hato ka etvaksek alammelhmakha akvesai'a nak nengetsepma.

1 Corintios 4:5

Ka ngkanek mangkolatsema etlhenek ketlhengkap apketselhnanemmap po'ok la'a, ellaielh koka akvakmo aknem apvektanlha ta apto Apveske, hata el·hatsoksek qaselha alposemmalhka apvalho'ok anak kakpota enengkanvetak alhnakhoho, ngkolvetalhkak hata nhan m'a, etlhevangkok hata alianmoma alietakhelha la m'a.

2 Corintios 5:4

Neksa nellaniemhaikama hengke'e neliokha nak malha pa'at, nelleklhangvek aniem'o nellengaiangko, malha niekhe mangeleltemo nkotvasalhkak neniokha nak akmovana nak nkomaskengvomok, koka nengeleltavek niekhe angetlhevangkok kolhvave nak alhnankok neniokha mankomaskengvaiam.

Galatas 5:4

Enenlhet la apmahai'a etnek apeivomo aniem'o ley, apieniakhek na Cristo m'a, aptaqnevakkek na qaselha metka akianmoma apkaikamok alhta m'a aniem'o lhta aktaqmanma apkelanei'o niekhe.

Efesios 1:18

Askelelmalhneskeskangkek na Eniapom Neten kakpota etnek malha apkelapommatkeskeskama alketansema apvalho'ok kakpota nkovak apkeliangveiakmo ketlhengkap apkellelto nak nema aliekieskama kakpota etlhevangkok altakmanma apkellangiemhaikama m'a, elel·halhnek na metka apkeliaskeiam ma'a. Hai, qaselha altaqmanma nkek, akmennave nkek ma'a apneskamo lhta Eniapom Neten kakpota ellangkok hata apkellelto apkelpokkanma m'a.

Efesios 1:9

kakpota angeliangvomhok ma'a apeneskamo lhnak nanek apmak'akha ta etnek aniem'o apiamolhma hengellanei'o, malha aposkama la qaselha apmahai'akha etneskesek apkelanei'o Cristo.

2 Tesalonicenses 2:8

netamen eiephongvak hata m'a. Koka evatak hata nhan ma'a Apveske akieplomo apkapommatema, apvatepnapma ta nhan nkotvaksek ma'a, metka apiennaktema ta nhan etnek ma'a.

2 Timoteo 1:1

Ko'o Pablo asto heiapaskama apankok Cristo aniem'o apkeltema Eniapom Neten, kakpota apaiaksek ania'a aktemakha aplheianmo lhnak nanek Eniapom Neten have niapak ankek hengellangkok hata aliennaktema ennenio'ok mankotnengvaianlha nnelha aniem'o nelpasmekha Cristo Jesús,

2 Timoteo 1:8

Ka ngkanek memangkankek na elhenek apvesai'a Apveske engankok, ka nhan memangkankek na helhenek ko'o asnema nengaqlhengkasemmalhkelha aniem'o askasennaikama Apveske. Ka apvanko ta emok takha lheiap apvet'o la akientalhnema aniem'o apkeltennaikama ania'a aktaqmanma, Eniapom Neten hato ka nhan eniangkok apiennaktema kakpota evaskapok lheiap.

2 Timoteo 4:1

Askeltavek ko etnek lheiap napaqtek Eniapom Neten kanhan Cristo Jesús apto ta nhan apvekta kakpota etnek apveske, eliekpelkok hata nhan aktemakha apkellanekamok aktaqmanma nlho ka la ngkollatsekama apkellelto nak aphalhnanko'ok kakpota nhan apkenmaskengvaiakmo,

2 Timoteo 4:8

Asiavek ko Apveske apto apeivomo hengiekpelkemo, heiangkok hata m'a akianmoma asnaksepma askelhnekha epatek aniem'o astema aspeivomo ngkotnek hata m'a akmo'o ta nkovak aknem aliekpelkammalhkelha nentaiangkolha, ellangkok hata nhan ma'a aplhamakho apkellelto nak melleskama elel·halhnama apvektanlha ta m'a.

Tito 2:11

Hengelvetaskeskangke lhta Eniapom Neten aktaqmanma nkek hengellanei'o neksa hengellaikamok nengelvongkasemmalhka tep anak nenlhamakho lhmankek ham,

Tito 2:13

anlhengkesek ma'a akvakmo ta aknem akvai'a alpaihengvaiam engvalho'ok akiavai'a, angvetangvomok hata ma'a alel·halhneiangka mota engelvalho'ok, nkotne ta aktaqmanma nke akvetammalhka malha apkelienmaiam apvaktamo ta aknema apmopvana apankek Eniapom Neten kanhan Jesucristo apto hengelvonkeskama tep,

Tito 3:4

Koka nkaqhok Eniapom Neten apto hengelvonkeskama tep hengelvetaskeskangke lhta pankek aptema apiamolhma apanke, apkellamelaiam na aplhamakho enenlhet'avok lhmankek ham,

Hebreos 10:32

Koka kotlheianvakho ta mota apvalho'ok ketlhengkap apketlhevaiangko lhta malha apommatema aniem'o m'a ania'a aktaqmanma. Apkellengaiangko lhta nhan akientalhnema aniem'o apkellammelhmakha,

2 Pedro 1:1

Ko'o Simon Pedro asto heiapaskama kanhan heiasennaikama Jesucristo, nlhenkek evalhok aplhamakho apketlhevai'a nak mangiaskeiam aktaqmanma nke', ka kto nak ennengko'o aniem'o nak Eniapom Neten kanhan Jesucristo apto apeivomo kanhan hengelvongkeskama tep.

2 Pedro 1:11

Ka nkeniem'ak ma'a ntasek ankek hata ngkotnek apvaiam ma'a iokhalhma akieto nak aptemengvekhelha metka aktemongvaiam annelha Apveske engankok Jesucristo, apto nhan Henvonkeskama tep.

2 Pedro 1:3

Apmopvana nak Eniapom Neten hengeliekpelkeskaskek apto neten apankek nema apmopvana, elanak na qaselha hempelapkeskama, hengellavema lhta kakpota hengellangkok lhamakho qaselha alaimommalhkelha la'a angellanangkok na aktaqmanma.

2 Pedro 2:20

Lhennenga apkeliangveiakmo aptemakha Apveske engankok kanhan Hengvongkeskamo tep Jesucristo, alpaqnemekho nhan mangiamolhma, koka netamen ma'a apkellaiangko mokhom malha alpathetvekha la mokhom maniamolhma, aptaikokho mokhom na neten ankek meliamolhma, mangkolhnok ma'a sekhek anke lhta.

2 Pedro 3:18

Ntasek koka elvanengkesek lhamakho aknem nengamelaiam anak kanhan nenianveiakmo apkellaikamo lhta apveske engankok kanhan apto henvonkeskama tep Jesucristo. ¡Angeltakneskasangko toka apvesai'a m'a nenvanlha nak kanhan emanie nak metka nnelha! Amen.

2 Pedro 3:2

Kotlheianvakho no apvalho'ok apketlhekmosekamo lhnak nanek apkeleltennasemmap ania'a annenga apkelpokkenammap, kotlheianvakho ta nhan apvalho'ok apkellanemakha etnangkok apveske apto henvonkeskama tep, kakpota nhan apketlhekmosekamo alhta nema allapaskama.

1 Juan 1:2

Koka akiennaktema nak enneniek mangkotnengvaiam annelha nnengkek nak nanek lhemek Eniapom, netamen na akvai'o hengke'e nenieseksa ennengko'o, nelvetai'a lhta akiokha nkek ma'a ka netlheianmo mota aktemakha m'a.

1 Juan 4:14

Nelvetai'o lhta ennengko'o m'a, nelpaieskamo mota nhan ania'a aktemakha apkapaskamo lhta Eniapom apketka, kakpota elvongkesek tep aplhamakho enenlhet'avok lhmankek ham.

Apocalipsis 18:1

Netamen asvet'o lhta mokhom lhema ángel aknema apmopvana apanke apvaivantamo lhta nalhepop. Nketsaskesave lhta lhma nalhepop anak aniem'o akiavai'a nkek apommatema apiokha.

Apocalipsis 2:7

—¡Eltaqmelkaso no apkellailhemo apaiko'ok anak apmak'akha etnek aplheianma m'a Espíritu aklhamakho nke nak iglesias!: "Apkellelto ta apkeliephongveiakmo, allangkok hata aptekamok akielhna iamet hengaikamok akiennaktema enneniek, amhamo nak ma'a iokhalhma aktaqmanma nkoie' apnemakha nak Eniapom Neten", lhta aptak.

Apocalipsis 20:14

Netamen ngkolatsenkolha lhta apkeletsepma, nne lhta akienievo akieto sanga akietnemakha talha. Koka kto akvesai'a hanet netsepekha m'a.

Apocalipsis 22:14

Aktaqmelakho nkek enenlhet apkellelto malha apkelieniesekamok la apkelentalhnema. Nkelietavek ankek hata nhan elentalhnengvomok atno'ok anak ma'a apiav'akha temma kakpota etavangkok akielhna iamet akiennaktema enneniek ma'a.

Apocalipsis 22:17

Espíritu ka nhan ngkelvana nema akmahai'akha, lhta ntangkok ma'a: —¡Elheng! —lhta ntangkok ma'a. Koka aplhamakho apkellelto apkellengai'a ania'a nak ntasek etnangkok na hengke'e: —¡Elheng! Koka enenlhet apkellelto la aliemai'a apiaspo'ok ntase eliangvetak iemmen hengke'e akto akiennaktema enneniek metka akianmoma.