2 Tesalonicenses 3:4 - Nuevo Testamento Toba Maskoy

⁴ Nengeliavek ennengko'o ketlhengkap apkelleliahakhave mota nengetlhekmosekamo lhta, etlhengkesek hata nhan mokhom ma'a nengetlhekmosekamo lhta aniem'o Apveske engankok.

2 Tesalonicenses 3:4 ပူးပေါင်းရင်းမြစ်များ

Romanos 15:14

Ketlhengkap elialheng'a, asiave ko'o apkeliamolhma apankavek ketlhengkap, apvanka'ak na eleltennasangkok po'ok.

Romanos 15:18

Have ehenkok ehenkek asiennaktema, Cristo hepasmoma kakpota atsavkesek asketlhekmoskama metnangko nak judios kakpota nkovak na apkelleliehekho Eniapom Neten ma'a. Asketlhekmoske lhta nhan aknema akmovana askeliatekama kanhan askelanai'a lhta qaselha

Romanos 2:7

Ellangkok hata nhan ma'a aliennaktema apnenio'ok apkellelto apkelvaskapma apkellanekamok la aktaqmelo, apteniaikamok na nkolekkasama apvalhok Eniapom Neten, apteniaikamok na ngkolhek allangko aliennaktema apnenio'ok, kakpota nhan ngkolhek altemeskesangko apkelientalhnemo.

1 Corintios 14:37

Aptek hata nkek lhema aphapak la aplhenammakpo pankek apto apkeltennasemmap ania'a, apto nhan apkeliehekho Espíritu apankok Eniapom Neten, ntasek eihangvakho mota aktemakha asketlhekmoskama nak aniem'o Apveske engankok henganemakha apankok.

1 Corintios 7:19

Nkanek ma'a have akto neten ankek akiaspommalhka m'a aptangko la nema aliaqtemenkeskama nekhatko'ok apkellammelhakha, nlho ka la mma', koka m'a akto neten ankek akiaspommalhka eleliehekhok henganemakha apankok Eniapom Neten.

2 Corintios 2:3

Vanlha lhta askellapaskaso vakkahak alhta ham astalheskama kakpota mellaioseskasek evalhok asvaktamo la ham. Ntasek koka elpaiesekha mota evalhok ketlhengkap, asiavek na ko'o alpaihekho mota apvalho'ok ketlhengkap helvet'o la akpaihekha evalhok asvaktamo la ko'o ham.

2 Corintios 2:9

Ka vakkahak alhta astalheskeskama asmahai'a aliepkonek ketlhengkap apkelleliehekhavek kelhaha, nlho ka la mma'.

2 Corintios 8:22

Asmak'ak na angvapaksek po'ok enialheng eltek na apketlhelhma'ak ham, apto nhan apmahai'o mota epasmok po'ok, avanhek na apmahai'a elpasmok ketlhengkap ham, mang na lhta eliaskeiakmok aptemakha ketlhengkap ham.

Galatas 5:10

Asiave ko'o Apveske ta elpasmok ketlhengkap kakpota mangkotnek mo'ok aktema aklhenaikama apvalho'ok astemakha ko'o. Koka apto la enenlhet apkeliasekamo mota lhma ketlhengkap, ngkolhek hata akiaqmongkaskesakho aptemakha m'a akmak'akha la nkoietoho.

Filipenses 1:6

Ampai'osekha lhta apkelanai'a Eniapom Neten qaselha altaqmanma apieseksek anak ketlhengkap, have niapak ankek ngkovomok hata aknem apeneskama m'a akvakmo apvaktamo ta Jesucristo hengke'e.

Filipenses 2:12

Ketlhengkap elialheng'a heleliehekhave lhta mota asnemo lhta apieseksek ham, ntasek na heleliehekhok kolhvave nak neksa asnema mokhe, ellanamok hata lhamakho qaselha aimommalhkelha la'a kakpota ngkolhek alvongkaso tep akieplomo neksa apkellai'a kakpota nhan neksa apkelelpelhiennoma allai'o apnenio'ok ma'a.

1 Tesalonicenses 4:10

apkellasekhai'avek na aplhamakho apkelialheng'a apkellava nak ma'a akieto Macedonia. Vanlha nengelelto elienlhanmankok lhamakho aknem apkellasekhai'o po'ok.

2 Tesalonicenses 3:12

Koka nentangkok nellano ennengko'o enenlhet'avok anak ma'a ntasek enmakmama kakpota elvetak aptekamok, nengeleltavek ennengko'o m'a aniem'o apientalhnemo apveske engankok Jesucristo.

2 Tesalonicenses 3:6

Ketlhengkap elialheng'a, akieplomo apvesai'a apveske engankok Jesucristo mangeleltok eliepetkangvomok engelialheng'a nentemo lheme nak akhemo nak apkellangiemhaikama metka apkenmakmekama nak kanhan melieplavkeskama netlhekmosekamo lhta.

Filemon 1:21

Astalheskaskek ko'o lheiap asiavek heliehekhok hata, neten ankek hata etnek lheiap apkellanai'a qaselha askeltakha nak etnehek.