2 Tesalonicenses 3:14 - Nuevo Testamento Toba Maskoy

¹⁴ Hata apkelvet'o ta po'ok meliehekho vakkahak nennaktalheskeskama nak, meliepetkamankek ma'a kakpota nhan enmankangvomok ma'a.

2 Tesalonicenses 3:14 ပူးပေါင်းရင်းမြစ်များ

Romanos 16:17

Ketlhengkap elialheng'a, ellaho ta mota enenlhet'avok anak apkenmahai'a la elhpankesek, apkenmahai'o nak na eliepkonek ham, apkenmahai'a nhan ellammelhek nema atlhekmoskama lhta apketlhevai'a ketlhengkap. ¡Melpalhkama nkoie'!

1 Corintios 4:14

Moltok ko'o enmangkak ketlhengkap asnaktalheskaso nak, vanlha askeltavek aleltennasangkok malha akto nak eietkak ehenko ie askellamelaiam anak.

1 Corintios 5:11

Lhtoka niekhe asketlhenak ma'a melpasmekhek apkellelto nak apketlhenammakpo apankavek aptaikamok Jesucristo apkennemolhema meliamolhma nak, apkellanaktema, apkenmasmo qaselha apankok, apkeltakneskasekamok qaselha akiokha alanemmalhka, nema aliematkeskama, anmen ato'ok, apkenmenielhma, ka enenlhet'avok anak ma'a melpasem ankek aptekamok ketlhengkap.

1 Corintios 5:9

Ka asnaktalheskeskamo nak mo'ok alhta vakkahak, askeleltennaske lhta melpasmekhek apkellelto nak apkellanaktema ham.

2 Corintios 10:6

Nellanakhek ennengko'o nentangkolha kakpota angeliaqmongkaskesekhak hata m'a aptaiangkolha apkellelto nak meleliehekhok, koka amanie nkek sekhek nkaimelhkek ketlhengkap eleliehekhok akiokho nkoie.

2 Corintios 2:9

Ka vakkahak alhta astalheskeskama asmahai'a aliepkonek ketlhengkap apkelleliehekhavek kelhaha, nlho ka la mma'.

2 Corintios 7:15

Nketlheianvakhek na apvalhok Tito akieplomo apkellamelaiam ketlhengkap neksa aptaikama lhta amaika'a ham, avanhek na lhta nhan apkellai'o m'a, apkelleliehekho lhna lhta nhan.

Filipenses 2:12

Ketlhengkap elialheng'a heleliehekhave lhta mota asnemo lhta apieseksek ham, ntasek na heleliehekhok kolhvave nak neksa asnema mokhe, ellanamok hata lhamakho qaselha aimommalhkelha la'a kakpota ngkolhek alvongkaso tep akieplomo neksa apkellai'a kakpota nhan neksa apkelelpelhiennoma allai'o apnenio'ok ma'a.

Colosenses 4:16

Hata netamen apkelpeneskama ta apkelietsatekamok vakkahak anak, ellapaskes hata nhan iglesia akieto Laodicea kakpota elietsatangkok na m'a, elietsatamok hata nhan ketlhengkap vakkahak apankok ma'a Laodicea.

1 Tesalonicenses 4:8

Lhema enenlhet la aptaqnongkoma hengetlhekmoskama nak, manghengeltaknevak ennengko'o, aptaqnevakke koka m'a Eniapom Neten apto hengellaikamok Espíritu Santo

2 Tesalonicenses 3:6

Ketlhengkap elialheng'a, akieplomo apvesai'a apveske engankok Jesucristo mangeleltok eliepetkangvomok engelialheng'a nentemo lheme nak akhemo nak apkellangiemhaikama metka apkenmakmekama nak kanhan melieplavkeskama netlhekmosekamo lhta.

Tito 2:8

eliatama ta nhan aktaqmanma apaivoma, metka la nenlheianveiam emmo'ok kakpota enmankangvomok ma'a apkellelto la apkenmahai'a elammelhek apketlhekmoskama, mankolhenalhkek hata akvesai'a ngkolatsekama hengetlhekmoskama enganko'ok anak.

Tito 3:10

Ka apvet'o la lheiap lhema enenlhet apkelhpankeskama apieseksek anak Jesucristo apkennemolhema ham, ennaves hata lhema nlho ka la hanet aptaiekho. Koka mankomak'o la eniailhok ma'a, meipetkangvakha nkek ma'a

Filemon 1:21

Astalheskaskek ko'o lheiap asiavek heliehekhok hata, neten ankek hata etnek lheiap apkellanai'a qaselha askeltakha nak etnehek.

Hebreos 13:17

Eleliehekho ta mota apkelemhama apmaniaie apanko'ok ketlhengkap ngkanek apkeltakmelkaske mota ma'a metka apkeliamposammap, netamen elheianvakhak hata m'a aktemakha apkelanei'o m'a napaqtek apveske. Hai, eleliehekho ta m'a kakpota nkolpaihekhak apvalho'ok na neksa apkeltakmelkeskama ketlhengkap ma'a, kakpota nhan metlhenek hata apkelvesai'a meliamolhma ketlhengkap ma'a, ngkanek mankolatsama ta apketlheno la ketlhengkap ma'a.

2 Juan 1:10

Ka apvo'o ta lhema enenlhet ham apsoiam la mo'ok aktemakha hengetlhekmoskama, ¡menmamonkek takha m'a, metnamo nkek na aktaqmanma apvai'a m'a!