2 Tesalonicenses 1:9 - Nuevo Testamento Toba Maskoy

⁹ Hai, mangkotnengvaiam annelha ta akiaqmoiekha apkeltemakha m'a, elentepkasakpok hata nhan napaqtek Apveske apto apientalhnemo kanhan aknema apmopvana.

2 Tesalonicenses 1:9 ပူးပေါင်းရင်းမြစ်များ

Lucas 13:27

Koka hata etnek ellana: "Enmeiakha m'a, melioholhma ketlhengkap, moliekpelkak", hata etnek apto apnemakha m'a.

Juan 5:14

Netamen alhta m'a apvetakho lhta mokhom Jesús enenlhet konne Eniapom Neten apnemakha, lhta aptak Jesús apkano: —Aptaqmelakhave i'e lheiap, melanekha nkek mokhom ngkolatsekama, ngkotnekhak kelha mokhom akiavai'a akmaska apiempek —lhta aptak apkano.

Filipenses 3:19

Koka enenlhet'avok anak enaqtevasakpok hata ngkanek vanlha mota anmahai'o nkek apvalho'ok ellanangkok qaselha ngkolatsekama apanko'ok apankavek, apkelakpek apkellanengko la qaselha henmankaskama nak, vanlha mota atlheianma apvalho'ok qaselha aknaiangko nak hengke'e nalhepop anak.

1 Tesalonicenses 5:3

Hata etnangkok enenlhet'avok hengke'e: —Moltama apvalho'ok, mellaga nhan —hata etnangkok ma'a. Koka nkotlapkesek hata akvai'a akientalhnema apnaqtevasemmap enenlhet'avok ma'a, mamma ta nhan elielhanengvomok ma'a, nkotlapkesek hata nhan malha aktonak ngkelvana la nlosek akpelapkeskama nak akmaska av'alhok.

2 Tesalonicenses 2:8

netamen eiephongvak hata m'a. Koka evatak hata nhan ma'a Apveske akieplomo apkapommatema, apvatepnapma ta nhan nkotvaksek ma'a, metka apiennaktema ta nhan etnek ma'a.

Tito 2:13

anlhengkesek ma'a akvakmo ta aknem akvai'a alpaihengvaiam engvalho'ok akiavai'a, angvetangvomok hata ma'a alel·halhneiangka mota engelvalho'ok, nkotne ta aktaqmanma nke akvetammalhka malha apkelienmaiam apvaktamo ta aknema apmopvana apankek Eniapom Neten kanhan Jesucristo apto hengelvonkeskama tep,

Hebreos 10:29

Tep ankek hata ngkotnek akietemo nkek nema akiaqmongkasekha aptemakha enenlhet apto la aptaqnongkoma Espíritu hengamelaiam aniapom, apto la nhan apvannaikama Eniapom Neten apketka, aptaqnongkoma nhan ema apanko lhta apiangkenammalhka kakpota nkotneskesek apokkenammap ma'a. Ka ema apanko lhta akiangkenammalhka kakpota ngkovomok ma'a annemo mo'ok apvalho'ok apkenmahai'akha ta etnangkok ma'a Eniapom Neten kanhan enenlhet'avok.

2 Pedro 2:17

Ka enenlhet'avok anak meliamolhma malha iamelket la metka iemmen, malha nhan iephopai'a la aksekha alhkaiam akmak'akha la nkoi'asekha, apketlhenammakpo nhan eniakhengvomok hata akieto ienaqtesakha lhma mankotnengvaianlha nnelha.

2 Pedro 3:7

Apkaiangko nhan apaivoma Eniapom Neten apkeltemo nkoietnama sekhek neten anak kanhan nalhepop anak nelvetai'o nak ennengko'o kakpota nhan nkonmetek ma'a akvo'o ta aknem aliekpelkammalhkelha ta nentaiangkolha, nema aknaqtevasekha nhan apkelelto apkellanekamok ngkollatsekama.

Judas 1:13

Apkellanengke mota nhan qaselha henmankaskama, malha kto nak akiaqmopai'a nak alakhaiam iemmen alvata akiennaktema nkek atsenta nak qaselha apavok alhammalhka la'a. Malha nha aptangko nak apiav'a la apkeliaqmongkasekha mo'ok amai apanko'ok apkenmeiekhelha la'a. Ngkolhek hata nhan altaknongvakho, ngkolhek na allapaso akiav'akha nkek ienaqtesakha lhma mangkotnengvaiam annelha.

Apocalipsis 20:11

Netamen asvet'o lhta nhan akiavai'a aptanema apveske akmopai'a nke lhta m'a, apne lhta nhan apto aptanema m'a. Nketseponengvakme lhta nalhepop ka nhan neten napaqtek ma'a, mmaske lhta nelvet'o m'a.

Apocalipsis 20:14

Netamen ngkolatsenkolha lhta apkeletsepma, nne lhta akienievo akieto sanga akietnemakha talha. Koka kto akvesai'a hanet netsepekha m'a.

Apocalipsis 21:8

Koka enenlhet la ai'a apvalhok, apiaskeiam, aposkama qaselha, apkaqhema po'ok, apkenmensangveiam alhma, aptema apiolhma melatsekama, apiavenkaskesaikama akvesai'a qaselha akiokha alanemmalhka kakpota nhan apmopvana ania'a, ngkolhek hata akiantemakho akieto m'a sanga akietnemakha alaivomakha talha kanhan azufre, koka akvesai'a m'a hanet aktaiekho nengetsepma —lhta aptak heiano m'a.

Apocalipsis 22:15

Koka melentelhek hata m'a malha aptangko nak semheng, apkellelto nak na apkeliatmekama la apkeliolhma mellatsekama, apkenmensangveiam alhma, ntekioma niapma'ak, kanhan apkellelto nak apkelteklheikamok aptapno'ok naqtek qaselha akiokha alanemmalhka, alleklemo mota nhan apvalho'ok eliennengkesek po'ok.