2 Tesalonicenses 1:7 - Nuevo Testamento Toba Maskoy7 ellangkok hata nhan apkeliamposammap ketlhengkap apkellelto apkellengaiangko nak akientalhnema, ennengko'o ta nhan ma'a. Hata nkovak ma'a apkelhiakmo ta neten apveske engankok Jesús, apketlhelhma'ak ángeles aknema apkenmopvanka'a aiseksek talha aleivoma. အခန်းကိုကြည့်ပါ။ |
¡Ellailhono! Menmangkankek hetlhenek ko'o apkelvakho ta napaqtavek enenlhet apkellanekamok anak ngkollatsekama kanhan apkelleliasepkasekama nak. Koka apkenmangko la hetlhenek asvesai'a ko'o, Enenlhet Apketka nak emangkak hata nhan etlhenek apkelvesai'a ketlhengkap apvaktamo ta akieplomo apmopvana apkaikamok aniem'o Apiapom ma'a, ángeles apkelpokkanma hato ka apketlhelhma'ak ma'a —lhna aptemak.
Apmaiangka lhnak nanek na Eniapom Neten Cristo kakpota ellanak lhamakho qaselha aknaikamo nak ma'a neten kakpota nhan nalhepop, qaselha nelvetai'o nak kakpota nhan mangelvetai'o nak, qaselha av'alho'ok anak aveske nko'ok, aknema na alientalhnemo kakpota nhan aknema nak anmovanka'a, ka lhamakho qaselha nak Eniapom Neten apkellanai'a aniem'o apmaikama Cristo, aptemo nhan apanko'ok ma'a.
Kolhva koka ennengko'o nenvanlha nak nengelelto Eniapom Neten apkennemolhema akto iokhalhmek nengelel·halhanma' angelentelhek hata iokhalhma neniamposammalhkelha nak ma'a. Koka m'a hata angeliamposalhkak ma'a aniem'o nenmakmekama, ka aptemo lhnak nanek Eniapom Neten apiamposammakpo apeneskamo aktakha nnelha apmakmekama.
Nnavek na Cristo m'a, lhema aktema apkaiangko pankek apmatnama kakpota el·hatsoskasangkok apkellanekamok ngkollatsekama aplhamakma enenlhet'avok. Netamen ma'a evatak hata mokhom have apmahai'a elaneskasekhak apvalho'ok enenlhet'avok apkellanekamok ngkollatsekama, vanlha koka apmahai'a elvongkeskatak tep ma'a apkellelto la mota apkelel·halhanma.
Apkellengaiangkek nak nek na akientalhnema enenlhet'avok ma'a ko Sodoma kanhan Gomorra kanhan mo'ok apkellavakha nekhav'ak apkennemolhema. Apkellaneiangko lhnak na ne mota apkellanaktema manganemmalhkelha nak antangkok, apkenmekho lhnak nanek na apkenno lhemek ma'a. Lhnak na nek na nkeniemai'ak ma'a apketlhevaiangko nema aliaqmongkasekha aptaiangkolha akieplomo talha metka aksepanai'a kakpota nhan ngkotnek nema allaskama aplhamakho enenlhet'avok ellanangkok aktemo nak ma'a.
Netamen ma'a asleng'o lhta mokhom nema aliatekama neten, lhta ntak heiano: —Etalhes hata ham, aktakmelakho nke ta nkotnek apkellelto apkeletsepma nenvanlha nak ma'a kanhan emanie ta apkelpasmekha nak ma'a Apveske engankok. —Hai, ka aptemak na Espíritu m'a eliamposakpok hata m'a aniem'o apkenmakmekama ngkanek metka apkelvatesaikamo apkellanekamok qaselha altaqmelo neksa apkellangiemhaikama m'a nalhepop —lhta ntak ma'a.
Koka lhta aptak heiano ángel ma'a: —Koka iokhalhmek ankek ma'a astakha lhkek alheianma, nietavek ankek na mei'askamek lheiap ma'a. Eniapom Neten apkamnoma alenteiapvekta apatno'ok apkeleltennaskamo ania'a apankok ma'a, apkapaskek na ángel apankok kakpota elvetaskesek apkellasennaikama akmak'akha ta ngkotnek kolhvave nak —lhta aptak heiano ángel.
koka lhta aptak heiano ángel: —¡Metne ham, melteklhek aptapno'ok nehaqtek lheiap, koka ntasek elteklheiok aptapno'ok napaqtek ma'a Eniapom Neten! Ko'o nhan asto heiasennaikama Eniapom Neten, asnavek ko lheiap kakpota nhan apkelialheng'a nak apkeleltennasemmap ania'a, kakpota nhan apkellelto apkenmaikamok ania'a aktakha aktalhesammalhka vakkahak anak —lhta aptak heiano m'a.