2 Tesalonicenses 1:3 - Nuevo Testamento Toba Maskoy

³ Ketlhengkap Elialheng'a, nietavek antangko mota gracias Eniapom Neten ngkanek ngvaneniek meliaskeiam anak ketlhengkap lhamakho aknem, ngvaneniek na apkellasekhammakpo apieseksek anak ketlhengkap ham.

2 Tesalonicenses 1:3 ပူးပေါင်းရင်းမြစ်များ

Lucas 15:32

Koka ntasek na angellanak aktaqmelaikama lhma, nkolpaihekhak na engvalho'ok apvaktaniek apialheng. Malha lhta apketsepma aptemak ma'a, aphalhnankok koka nelvetakhak mokhom, malha alhta aplheneiam na aptemak, koka nelvetakhek mokhom" lhna aptemak apiapom ma'a.

Lucas 17:5

Lhnak aptaiangkok apkellanemo apkelapaskamo Apveske: —Apveske, hengeliavenkeskasamok hata mongeliaskeiam anak —lhna aptaiangkok.

Juan 15:2

Apkeliaqtemenke mota aktengok metkelha la akielhna m'a, apkelalhnaskaskek na aktengok ngkeskama la akielhna kakpota nkoielhnangkok ma'a.

Romanos 1:8

Gracias ko stak Eniapom Neten aniem'o Jesucristo ngkanek apketlhenammakpe lhma nkek ham meliaskeiakmo ketlhengkap Jesucristo.

1 Corintios 1:4

Astek ko mota gracias Eniapom Neten ngkanek apkellaiangke lhta ketlhengkap qaselha altaqmelo ma'a aniem'o Cristo Jesús.

2 Corintios 10:15

Askeleltennaskek lhek mangeleltemo angellalhkok angetlhenek nenmakmekama, po'ok enenlhet la apmakmekama, mankoietok antek ma'a. Vanlha toka angelleltok hata ngkeskama la nenmakmekama apieseksek anak ketlhengkap akvengke panko ta aptaikamok meliaskeiam ketlhengkap ham, metka koka neliekai'a apkenmakmekama po'ok enenlhet la'a.

Efesios 5:20

Etnamok hata mota gracias Eniapom Neten apto Eniapom aniem'o nhan apvesai'a Apveske engankok Jesucristo, aniem'o nhan ma'a apkelvetaskeskama lhamakho qaselha altaqmelo.

Filipenses 1:7

Nietavek atnek aklheianma evalhok ketlhengkap akieplomo akpaihekha evalhok ngkanek helpasmoma mota neska asmakmekama aniem'o Eniapom Neten aktaqmanma nkek helanei'o. Hai, niekhe asnema konne nengaqlhengkasemmalhkelha kanhan napaqtavek apkelveskai'e kakpota angvasennalhko ehenke aniem'o askanemmalhka moiekaksek aspaieskama ania'a aktaqmanma, helpasmongke mota nhan ketlhengkap ma'a.

Filipenses 1:9

Askenmalhnema nhan Eniapom Neten elvanengkeskesek apkellasekhammakpo apieseksek anak ketlhengkap, kakpota nhan ellangko aknema apkeliamo kakpota eliangvomhok na

1 Tesalonicenses 3:12

Nengeltavek na Apveske engankok elvanengkeskesek meliaskeiam lhamakho aknem ketlhengkap, eliavenkasangkok na apkellasekhammakpo apieseksek anak ham, kakpota nhan ellasekhok po'ok enenlhet, ka nentaiangkolha nak na ennengko'o nellasekhai'avek na ketlhengkap.

1 Tesalonicenses 3:6

Apvaktame lhta Timoteo hengke'e apkeniaktamo ham Tesalonica, apsantanie lhta ania'a aktaqmanma, avanhek na lhta akietnema meliaskeiam ketlhengkap, nengasekhai'o, avanhek nak na apkenmahai'a hengelvetekhak ketlhengkap ennengko'o, ennengko'o nhan ntak ma'a avanhek nemmahai'a angelvetekhak ketlhengkap.

1 Tesalonicenses 3:9

¡Nketlhengkaskek mamma nelpaqmeiasma antangkok gracias Eniapom Neten aniem'o hengeliekangveiakmo apkelpaiesekha engelvalho'ok ketlhengkap!

1 Tesalonicenses 4:1

Ketlhengkap elialheng'a, neleltennaskek lhema nempaivoma akieplomo apvesai'a apveske engankok Jesús, eltaqmelkasakpo ta lhamakho aknem ngkanek apiaspongkomakha Eniapom Neten ma'a, ka nentaiangkolha lhta nhan nengetlhekmoseiangko ketlhengkap ma'a, kolhva apkelleliahakhavek na ketlhengkap ma'a.

2 Tesalonicenses 2:1

Ketlhengkap elialheng'a, nengeleltavek angellapiosama angelleltennaksek aktemakha nak ma'a apvaktamo ta apveske engankok Jesucristo kakpota hengankesekhak ennengko'o m'a,

2 Tesalonicenses 2:13

Ketlhengkap elialheng'a apkellamelaiakmek Apveske, vanlha mota ennengko'o nentaikamok gracias Eniapom ngkanek apkeliekiesaiangkek tep nak nanek apmaniaie apankavek ma'a kakpota elvongkesek tep aniem'o Espíritu apkeltemeskeskamo nhan apkelpokkenammap ma'a aniem'o lhta meliaskeiam ketlhengkap ma'a ania'a akto have niapak.

1 Pedro 1:22

Kolhva koka ketlhengkap malha alalhnai'o apvalho'ok aniem'o apkeleliehekho ania'a akto have niapak anke, apvanka'ak na ellasekhok apkelialheng'a iokhalhmek ankek. Hai, ellasekhakpo mota apankavek ketlhengkap

2 Pedro 1:13

nkaqhok koka askeltakhengveskakhek askellanemakha etnangkok neksa askaniemhaikama mokhom henke'e.

2 Pedro 3:18

Ntasek koka elvanengkesek lhamakho aknem nengamelaiam anak kanhan nenianveiakmo apkellaikamo lhta apveske engankok kanhan apto henvonkeskama tep Jesucristo. ¡Angeltakneskasangko toka apvesai'a m'a nenvanlha nak kanhan emanie nak metka nnelha! Amen.