2 Tesalonicenses 1:11 - Nuevo Testamento Toba Maskoy

¹¹ Eniapom Neten apto apkellavekama ketlhengkap ka ngkanek ntasek eltaqmelkasakpok akietemo nkek, nengelelmalhneskaske mota Eniapom Neten elpasmok eleliehekhok ma'a, ellangkok na apkenmopvanka'a kakpota ellanangkok lhamakho qaselha altaqmelo apkenmak'akha la ellanangkok aniem'o alpekhesaikama meliaskeiam.

2 Tesalonicenses 1:11 ပူးပေါင်းရင်းမြစ်များ

Marcos 4:28

Lhepop akto aktepkeskama nkek nenganma, amanie sekhe nkotiepok alhkapok, netamen alhvaseksek kakpota nhan mokhom akielhna m'a.

Lucas 12:32

—Mankoliet ankek apkellai'a ketlhengkap apkellelto nak helieplekama, apkanet apanke niekhe ketlhengkap, koka Apkeliapom anak hata eltemeskesek apkelveskai'e apkelpasmekha m'a aniem'o apiamolhma m'a.

Romanos 1:9

Eniapom Neten apto apveske ehenkok, askasennaikama mota asteniai'o nak eiempehek aspaieskamo nak ania'a aplhenammap Apketka, apiavek na m'a atlheianmo mota evalhok ketlhengkap ham.

Romanos 11:29

apkellaveiangka lhta nhan, apkellaiangko nhan metka akianmoma qaselhaha, metka apkenmasvekha nhan, melvankakmok na apkellelto lhta apkellavekama.

Romanos 15:14

Ketlhengkap elialheng'a, asiave ko'o apkeliamolhma apankavek ketlhengkap, apvanka'ak na eleltennasangkok po'ok.

Romanos 8:30

Hai', lhennenga apkeliekieskama Eniapom Neten ma'a, netamen apkellaveiangka nhan, apkeltemeskeskamo nhan apkelpeivomo, apkeltemeskeso nhan neten apankavek apkeliaspommap ma'a.

1 Corintios 1:8

Eniapom Neten hata etneskesangkok aliennaktema meliaskeiam ketlhengkap akvakmo aktakha nnelha kakpota metlhenek enenlhet apnaqtevaskama mota po'ok napaqtek apveske engankok Jesucristo apteiapvo'o ta m'a.

Efesios 1:16

ka nkeniemai'ak astemo gracias Eniapom Neten neksa askelelmalhneskeskama mota ketlhengkap ham.

Efesios 1:5

ka nkeniemai'ak na hengeltemeskeskamo apketkak aniem'o Jesucristo. Hai, aptema apankek ma'a nkanek avanhek hengellasekhai'o.

Efesios 1:9

kakpota angeliangvomhok ma'a apeneskamo lhnak nanek apmak'akha ta etnek aniem'o apiamolhma hengellanei'o, malha aposkama la qaselha apmahai'akha etneskesek apkelanei'o Cristo.

Filipenses 1:6

Ampai'osekha lhta apkelanai'a Eniapom Neten qaselha altaqmanma apieseksek anak ketlhengkap, have niapak ankek ngkovomok hata aknem apeneskama m'a akvakmo apvaktamo ta Jesucristo hengke'e.

Filipenses 2:13

Eniapom Neten hata elpekhesama ellanangkok qaselha altaqmelo, elpasmok hata nhan kakpota ellanangkok ma'a aniem'o apiamolhma.

Filipenses 3:14

kakpota avomok aktakha la nnelha malha akiensasemmalhka la'a kakpota alhkak akiavai'a akianmoma Eniapom Neten apmahai'a heiangkok, heiavema lhta m'a aniem'o nhan Cristo Jesús.

1 Tesalonicenses 1:3

Neksa nelelmalhnongkoma Eniapom Neten nketlheianvekhe mota engvalho'ok aknaikamo lhta aliennaktema meliaskeiam ketlhengkap nkeltemeskeskangke lhta akiavai'a apkenmakmekama, apkellasennaiangka lhta nhan po'ok akieplomo apkellasekhai'o, nnaianke lhta nhan alel·halhnekamok apvalho'ok nkovak ma'a apkelpasmoma Apveske engankok Jesucristo.

2 Tesalonicenses 1:5

Ka ngkanek Eniapom Neten apkeliekpelkek akietemo nkek ketlhengkap aniem'o apkelvetai'a apkellengaiangko akientalhnema aniem'o nhan aptemakha nak Apveske Eniapom Neten, nietavek na elentelhek ketlhengkap ma'a.

2 Tesalonicenses 2:14

Apkellavekama lhta Eniapom Neten aniem'o nhan ania'a aktaqmanma neleltennaskama sekhe lhta kakpota elpasengvomok ma'a apientalhnemo apveske engankok Jesucristo.

Hebreos 12:2

Ntasek antangkok malha nengammelhmo apnakha Jesús apto hengellaikamok nentaikamok mongeliaskeiam ma'a, apto nhan apsavheskeskaiakmo akvanekamok mongiaskeiam anak. Apvaskapme lhta m'a neksa akientalhnema neten iamet aktenneskama, niekhe qaselha henmankaskama m'a, koka apvaskapme lhta aniem'o nietnek akietnaikama apaqtek akpaihekha ta apvalhok apmanie, netamen koka m'a apnekho napokha akiennakha aptanema Eniapom Neten.

Hebreos 3:1

Ketlhengkap elialheng'a, apkelpokkanma, apkellavekama lhta nhan Eniapom Neten, ka nkeniemai'ak ntasek nkolietnama apaqto'ok amota aptemakha lhta Cristo Jesús. Netlheianmo na mota ennengko'o apto apkapaskama Eniapom Neten kakpota nhan apto apiav'akha sacerdote m'a.

1 Pedro 5:10

Koka apkelvaskapo la akiakvatakho nkek apkellengaiangko akientalhnema, eltemeskesek hata nhan apkelpeivomo Eniapom neten ma'a, eliennakteksek hata nhan, elteniaskesek hata nhan apiempeiok, ellangkok hata nhan apkeliangveiakmo aktemakha apkelvetai'a. Hai, etnek hata Eniapom Neten ma'a ngkanek avanhek apkellamelaiam ketlhengkap ma'a, apkeliekieskek na kakpota elpasengvomok aktakmelakha nkek nkotnengvaiam annelha apkelpasmekha Jesucristo.

Apocalipsis 3:4

Koka asiavek na ko ham Sardis apkakhangkek enenlhet mellanekamok qaselha ngkolatsekama, malha nhan melpaisengkeskama la apkelentalhnema. Koka enenlhet'avok anak nkelietemavek ankek hetnangko ta apketlhelhma'ak ma'a, apkenmopai'a apankek hata nhan apkelentalhnema m'a.

Apocalipsis 5:10

Hengeltemeskesaiangko lhta nhan apkelveskaie ka nhan sacerdotes apankok Eniapom Neten, antangkok hata nhan apkelveskai'e takhaplhet'ok enenlhet'avok lhmankek ham —lhta aptangkok apkennekmasekamok ma'a.