2 Pedro 3:10 - Nuevo Testamento Toba Maskoy

¹⁰ Koka nkotlapkesek hata apvekta m'a Apveske, malha ta etnek enenlhet la apmenielhma, nkotvasalhkak hata neten anak nkalhkak hata alpaklhaiam ma'a, ngkolhek hata nhan alvanlhakho qaselha aknaikamo nak neten, kakpota nhan lhamakho qaselha aknaikamo nak nalhepop.

2 Pedro 3:10 ပူးပေါင်းရင်းမြစ်များ

Marcos 13:31

Nalhepop kakpota nhan neten nkomaskok hata m'a, koka mankomaskengvomek hata aspaioma nak.

Lucas 12:39

Malha nha aktonak ma'a apiapma'ak anak nematkak, apioho la'a se lha hora evak apmenielhma apnemakha, el·halhnamaha kakpota meniangkek enmenielhkesek qaselha apanko'ok apnemakha.

Romanos 8:20

Ka nema nak aliennaiangkoho nkonaqtevasalhka lhamakho qaselha nema alentepkeskama, have aniem'o anko'ok ankavek, koka aniem'o m'a Eniapom Neten. Koka nietnengke mota nhan alel·halhanma m'a

1 Corintios 1:8

Eniapom Neten hata etneskesangkok aliennaktema meliaskeiam ketlhengkap akvakmo aktakha nnelha kakpota metlhenek enenlhet apnaqtevaskama mota po'ok napaqtek apveske engankok Jesucristo apteiapvo'o ta m'a.

1 Corintios 5:5

Ellamok hata enenlhet anak Satanas kakpota nkotvaksek apiokha nak, koka vanlha ta nkovongkasalhkak tep aphangok apvaktamo ta Apveske engankok Jesús.

1 Tesalonicenses 5:2

apkeliavek ketlhengkap ngkotnek hata akpelapkeskama apvaktamo ta Apveske hengke'e, malha enenlhet la apmenielhma akpelapkeskama apvai'a la pelhasep.

1 Tesalonicenses 5:4

Koka ketlhengkap mankolpelapkesek hata apkelvetai'a m'a malha enenlhet lhek apmenielhma, ngkanek ketlhengkap melloka mota ienaqtesakha lhma.

2 Pedro 3:11

Hai', lhamakho qaselha ta nkonaqtevasalhkak ma'a, ka ngkanek na ketlhengkap ntasek eltaqmelkasakpo mota, eleliehekhok na Eniapom Neten.

2 Pedro 3:12

Eliavenkaso ta apkelel·halhanma nkovak aknem apkeliekpelkemelha Eniapom Neten aplhamakho enenlhet'avok, nkonietek hata neten anak, nkolpaihekhak hata nhan qaselha aknaiangko nak ma'a aniem'o talha alpaiesekha'.

2 Pedro 3:7

Apkaiangko nhan apaivoma Eniapom Neten apkeltemo nkoietnama sekhek neten anak kanhan nalhepop anak nelvetai'o nak ennengko'o kakpota nhan nkonmetek ma'a akvo'o ta aknem aliekpelkammalhkelha ta nentaiangkolha, nema aknaqtevasekha nhan apkelelto apkellanekamok ngkollatsekama.

Judas 1:6

Apkakhaiangkek nak nanek na ángeles meleliehekho Eniapom Neten, melietemo lhnak nanek apkellanemmakpelha etnangkok ma'a, apkelieniekho lhnak nanek na apkellomakha. Ka ngkanek Eniapom Neten apkelhakhamo lhnak nanek aiseksek ienaqtesakha lhma apnaktamo. Apkakhangkek mokhom ma'a nenvanlha nak akvaiakmo ta nhan aknem akientalhnengvaiam aliekpelkammalhkelha nhan nentaiangkolha.

Apocalipsis 16:15

Koka lhta nnak akto mokhom ma'a: —¡Ellaho ta! Nkotlapkesek hata avatak ham, nnavek ma'a enenlhet la apmenielhma akpelapkeskama na mota apvai'a. Aktaqmelakho nke ta nkotnek enenlhet'avok apkellelto apkelpeneskamo helel·halhanma. Apkelpeneskamo nhan apkelentalhnekha apkelentalhnema kakpota metlhengek malha apkelalhnai'o, menmankek nahan —lhta nna akto m'a.

Apocalipsis 20:11

Netamen asvet'o lhta nhan akiavai'a aptanema apveske akmopai'a nke lhta m'a, apne lhta nhan apto aptanema m'a. Nketseponengvakme lhta nalhepop ka nhan neten napaqtek ma'a, mmaske lhta nelvet'o m'a.

Apocalipsis 21:1

Netamen asvet'o lhta alhnankok neten kakpota nhan alhnankok nalhepop nkanek mmaskengvakme lhtoka nenvetai'a m'a amanie lhta akteiapma lhepop kakpota nhan amanie lhta neten, mmaskengvakme lhta nhan alvata.

Apocalipsis 3:3

¡Eiaqmongkasekha mo'ok apvalhok, kolheianvakho no apvalhok nema atlhekmoskama alhta aplhevai'a lheiap, eliehekho ta mokhom, el·halhnama ta mota! Ka metno la m'a, kotlapkesek hata avatak ham malha akto nak enenlhet la apmenielhma maniamo nak aknem evak ma'a.

Apocalipsis 6:14

Mmaskengvakme lhta neten malha lhta nta kto nak vakkahak anak nema aliaqsasekha. Nkelhanke lhta nhan aknaiangkolha lhepop aliakiengveiam nemmen anak kakpota nhan nalhma akhaiam.