2 Pedro 1:1 - Nuevo Testamento Toba Maskoy

¹ Ko'o Simon Pedro asto heiapaskama kanhan heiasennaikama Jesucristo, nlhenkek evalhok aplhamakho apketlhevai'a nak mangiaskeiam aktaqmanma nke', ka kto nak ennengko'o aniem'o nak Eniapom Neten kanhan Jesucristo apto apeivomo kanhan hengelvongkeskama tep.

2 Pedro 1:1 ပူးပေါင်းရင်းမြစ်များ

Lucas 1:47

Mpaihakhek evalhok aniem'o Eniapom Neten apto hevongkeskama tep.

Lucas 11:49

Apiamavek nak nanoka Eniapom Neten apmak'akha ngkotnek, lhnak na nek aptemak ma'a: "Allapaksek hata askeleltennaskama ania'a ehenkok kakpota nhan askelapaskamo, moklhem'a ta ngkolhek annapakho, po'ok hata nhan ngkolhek akmenlhenangka", lhnak na ne aptemak Eniapom Neten ma'a.

Juan 1:42

Ka apiantemakho lhta Andres Simon apnakha Jesús ma'a, lhta aptak Jesús apkano Simon: —Lheiap anak Simon Juan apketka, koka kolhvave nak etnekhak hata apvesai'a Cefas, mo'ok nemaltema toka Pedro —lhta aptak Jesús.

Juan 12:26

Apkenmak'ak hata nkek etnangkok askellasennaikama, nkaimelhkek helieploma asmangkelha la'a, alhelhma koka motaha. Ko'o Tata ta nhan eltemeskasangkok neten apankavek ma'a.

Juan 20:21

Lhta aptak mokhom Jesús apkellano: —¡Altaqmelaikama apvalho'ok hata ketlhengkap hengke'e! Allapaksek hata ketlhengkap ka kto nak ko'o heiapaskama Eniapom —lhta aptak.

Hechos 15:14

Hengelleltennasema lhta ania'a Simon aptemo amaika'a ampakhasekha nkek Eniapom Neten ma'a metnangko nak judios, apkeliekieskangkek na lhta kakpota etnangkok apkennemolhema apankek na m'a.

Romanos 1:1

Ko'o Pablo, heiasennaikama Cristo Jesús, nketlhenkek evalhok ketlhengkap ham. Heliekieskama lhta Eniapom Neten kakpota atnek heiapaskama mota apaiaksek ania'a aktaqmanma apankok ma'a.

Romanos 1:12

Hata asvaktamo ta ham, angeliatalhkak hata aniem'o mongeliaskeiam anak.

Romanos 1:17

Ania'a aktaqmanma nak hengeleltennaskek vanlha Eniapom Neten apvankek henteskesangkok nelpeivomo aniem'o mongeliaskeiam Jesucristo, ka ktemo nak aktalhesammalhka nhan Vakkahak Eniapom Neten apaivoma hengke'e: «Enenlhet apto la apeivomo, eloka ta akvanqakhoho» ka ntemak ma'a.

1 Corintios 1:30

Apkeliepetkasakhe lhta ketlhengkap Eniapom Neten Cristo, apto m'a malha apkeliangveiakmo apanko'ok, apkeltemeskeskamo nhan apkelpeivomo aniem'o m'a. Apkelpokkanmo nhan kakpota etnangkok Eniapom Neten apkennemolhema, apkel·hatsoskekho nhan neksa anmaikama moniamolhma.

1 Corintios 15:9

Hai, ko'o asto akmaselhte asiaspommalhka apieseksek anak ma'a nema allapaskamo nak, ngvannammalhkek evalhok atnek nema heiapaskamo ngkanek asmenlhenaikama lhta iglesia apankok Eniapom Neten.

1 Corintios 9:1

¡Apkeliavek niekhe ketlhengkap asto nema heiapaskamo ko'o ngkanek asvetai'avek Apveske engankok Jesús! Ka astemeskesaiangko lhta nhan ketlhengkap Jesucristo apkennemolhema aniem'o aktemeskesaikamok asmakmekama lhta heiasennaikama Apveske, nietavek na alhkak akianmoma asmakmekama ka aptaiangko nak aplhamakha nema allapaskamo.

2 Corintios 4:13

Nellan'ak ma'a aktemakha lhnak nanek aklheianma Eniapom Neten apaivoma: «Moi'askakmok ko'o m'a, ka nkanek alheianmo nhan», lhnak nane ntemak. Ennengko'o nhan mongeliaskeiakmok Eniapom Neten, ka netlheianmo nak na apvesai'a m'a.

2 Corintios 5:21

Metka nkek apkelanai'a qaselha ngkolatsekama Cristo, nkakhemavek koka m'a apatengkasekhek Eniapom Neten ngkollatsekama nellanekamok ennengko'o, apteskasekho malha ngkolatsekama apankok la m'a kakpota hengeltemeskesek nengelpeivomo napaqtek ma'a.

Galatas 2:8

Eniapom neten koka aptemeskeskama apkapaskamo mota Pedro kakpota etlhekmoksek apieseksek ma'a nema nak aliaqtemenkeskama nekhatko'ok apkellammelhakha, heiapaskamo nhan ko'o m'a atlhekmoksek metnangko nak judios.

Efesios 3:5

Enenlhet lhennenga meliamok ma'a, kolhva koka Eniapom Neten apkapaskangkek Espíritu kakpota eliangveskeskamhok ania'a nak akielhammalhka aplhamakho apkellelto apkelpokkanma nema allapaskamo kakpota nhan apkeleltennasemmap ania'a.

Efesios 4:11

Apkeltemeskeskamo lhta nhan apanke moklhem'a nema allapaskamo, po'ok na apkeleltennasemmap ania'a, po'ok na lhta nhan apkeltennaikama ania'a aktaqmanma, po'ok na pastores kakpota nhan hengetlhekmoskama.

Efesios 4:5

Apnek na lhema aphapak Apveske, nietnek na lhema aknemo mo'ok meliaskeiam, lhema nhan apkellavkesammap konne iemmen.

Filipenses 1:1

Ko'o Pablo kakpota nhan Timoteo, nengelelto hengellasennaikama Jesucristo, nketlhenkek engelvalho'ok apkellelto apkelpokkenammap apkakhangko ham akieto natemma Filipos, apkellelto apkelpasmekha Cristo Jesús. Ka nhan nketlhenak na engelvalho'ok ennengko'o apkelemhama apmaniaie ham kakpota nhan diaconos.

Filipenses 1:29

Eniapom Neten apkellaikamok ketlhengkap qaselha aktaqmanma nkek akvesai'a meliaskeiam Cristo, apkellaikamok na apkellengaiangko akientalhnema aniem'o apkelleliehekho Cristo.

Filipenses 3:9

aspasmekho nhan ma'a. Asieniekhek astema moi'askeiam askanemo lhta aspeivomo aniem'o lhta askeliehekho ley Moises, kolhva koka asiavek asto aspeivomo aniem'o moi'askeiam Cristo. Hai, hetneskaskek aspeivomo Eniapom Neten aniem'o m'a mongiaskeiam anak.

2 Timoteo 1:5

Nlheianvakhek na evalhok iokhalhme lhta mei'askeiam lheiap, amanie lhtoka lheiap apiama' Loida kanha ngken akvesai'a Eunice mankoliaskeiam alhta m'a, asiavek na ko'o lheiap nietnek mei'askeiam aktaiangkolha nak ma'a.

Tito 1:1

Ko'o nak Pablo asto heiasennaikama Eniapom Neten, asto nhan heiapaskamo lhta Jesucristo kakpota atlhekmoksek aktemakha mongiaskeiam apieseksek ma'a apkellelto nak apkeliekieskama Eniapom Neten kakpota nkovak apkeliangveiakmo m'a aktemakha akto have niapak ankek nenganiemhaikama aktaqmanma,

Tito 1:4

Asmak'ak angvapaskesek vakkahak anak astalheskama lheiap Tito, apto nhan malha eietka aniem'o nhan aknemo mo'ok mongeliaskeiam. Askeltavek Eniapom Neten kanhan Jesucristo apto hengelvonkeskama tep etaqmelkeskesek apkaniemhaikama, eniankok na aktaqmelaikama apvalhok lheiap.

Tito 2:13

anlhengkesek ma'a akvakmo ta aknem akvai'a alpaihengvaiam engvalho'ok akiavai'a, angvetangvomok hata ma'a alel·halhneiangka mota engelvalho'ok, nkotne ta aktaqmanma nke akvetammalhka malha apkelienmaiam apvaktamo ta aknema apmopvana apankek Eniapom Neten kanhan Jesucristo apto hengelvonkeskama tep,

Santiago 1:1

Ko'o Santiago asto heiasennaikama Eniapom Neten kanhan apveske Jesucristo nlhenkek evalhok apkellelto 12 apkelpasmekhak apketkak neptamen Israel, apkakhengveiakmo lhma nkek ham lhamakho apkellavakha.

1 Pedro 1:1

Ko'o Pedro asto heiapaskama Jesucristo, nlhenkek evalhok ketlhengkap apkellelto apkellenteiapma apkellavakha apanke, apkelhpanmo nhan apkenmaiangko apkeliav'akha temma Ponto, Galacia, Capadocia, Asia kanhan Bitinia.

1 Pedro 1:7

Koka aliepkonma nak akmahai'a nkotalhka aknangko nlho aliennaktema meliaskeiam, nlho ka la nkoliennaktema meliaskeiam. Malha talha nak akmahai'a nkoiekpelkok oro nke nlho ka la nhan have oro nke. Hai, apkelvaskapo la ketlhengkap neksa akvai'a aliepkonma, koka nnankek ketlhengkap meliaskeiam akto neten ankek akmennave nkoie' mangkolhnok ma'a oro nak akmovana nkomaskengvomok. Hata apvaktamo ta Jesucristo eliavenkeskasama ta apkelvesai'a ketlhengkap, eltemeskesek hata nhan neten apankavek, ellahok hata nhan ma'a.

1 Pedro 2:7

Ka metaimong anak akto akmennave nkek napaqtavek ketlhengkap meliaskeiakmo nak, koka apkeliaskeiakmo nak ma'a ngkotnek hata apkelvetai'a aktemo nak aktalhesammalhka vakkahak Eniapom Neten apaivoma m'a, ka ntemak heng: «Ka metaimong alhta apkeltakheskamo apkellanekamok pa'at, ntakhek mokhom nema akmaikama aniem'o neten ankek aktaqmanma anmama m'a,

1 Pedro 5:1

Kolhva asmak'ak aleltennaksek metno apketko'ok anak apketlhengkeskeskama na mota apkaqnekha apieseksek anak ketlhengkap, ko'o nhan asto motno apketkok, asvetaiangko lhta nhan aplengaiangko Cristo, alhkak hata nhan qaselha altaqmelo akmo'o ta nkovak emanie nak.

2 Pedro 1:4

Hengeleltennaskamo lhta nhan lhema apaivoma aktaqmanma nkek hengeltemeskesangkok hata nengelnemo Eniapom Neten, envanka'ak hata nhan hengelpaqnemekha qaselha ngkollatsekama nak hengke'e aniem'o aliaspongkomakha nak engelvalho'ok.

Judas 1:1

Ko'o Judas, Santiago nhan apialheng ko'o, asto nhan heiasennaikama Jesucristo. Nlhenkek evalhok apkellelto apkeliekieskama Eniapom Neten aniem'o apkellamelaiam, apkellelto nhan apkeltakmelkeskama m'a Jesucristo.