2 Corintios 7:8 - Nuevo Testamento Toba Maskoy

⁸ Asleng'a lhta anmaiosak'a apvalho'ok ketlhengkap aniem'o vakkahak alhta asnaktalheskeskama askellapaskeskama lhta ketlhengkap ham, hetneskaso lhta nhan ko'o akmaiose evalhok hengke'e. Kolhva koka nlheianvakhok evalhok ntasek askelapaskeskamo vakkahak alhta, amanie m'a altemeskeskamo lhna lhta anmaiosak'a apvalho'ok ma'a, koka iakvatakho lhna lhta ntemak ma'a.

2 Corintios 7:8 ပူးပေါင်းရင်းမြစ်များ

Juan 16:6

aiosak'a na ntak apvalho'ok ketlhengkap apkelleng'o aspaioma nak.

Juan 21:17

Hanetolhem'a lhta ntak apkenmalhnekho mokhom ma'a, lhta aptak: —Simon, Juan apketka, ¿heiasekhai'o nlho lheiap? Aiose lhta ntak apvalhok Pedro ngkanek hanetolhem'a lhta ntak apkenmalhnekama Jesús, lhta aptak mokhom apkatemmongka: —Apveske, apiavek lhamakho qaselha lheiap, apiavek na avanhek askasekhai'o lheiap —lhta aptak. Ka apkatemmongka lhta Jesús ma'a, lhta aptak: —Eltaqmelkes hata nepkesek ehenko'ok anak.

2 Corintios 7:11

Allaiosei'o lhna lhta apvalho'ok ketlhengkap neksa apkelietsatekamok vakkahak alhta astalheskama akiennaktema aspaioma askellaikamok, koka aniem'o nhan Eniapom Neten anmaiosak'a apvalho'ok ketlhengkap kakpota eliaqmongkasekhak mo'ok apvalho'ok neksa apnaqtevaskama asvesai'a hetlheianma ko'o, nketlheianvekhek na lhta nhan apvalho'ok asiamolhma ko'o, ka helatemmokkeskamo lhna lhta nhan alhenammalhka ko'o meleltemo alhenalhkak mokhom, apkellai'avek na lhta nhan ketlhengkap ma'a. Apkenmahai'avek nak helvet'ak, henmasmek nahan napokha, apkeliaqmongkaskesekho lhna lhta apkellelto apkenmahai'a henaqtevaksek. Kolhva koka nlheianvakhak evalhok melvanekhok ketlhengkap ma'a qaselha ngkolatsekama nak.

2 Corintios 7:12

Ka asnaktalheskaso lhta vakkahak have asmahai'a angvammelhek ma'a apto apkammelhma, have nhan asmahai'a anio'ok apto nema ammelhma. Asnaktalheskaske lhtoka kakpota elvetak ketlhengkap vanlha mota neleltema nkoltaqmelek apkellangiemhaikama ketlhengkap ham napaqtek Eniapom Neten.

2 Corintios 7:6

Eniapom Neten koka apto hengiatekho niapom, apkapaskama Tito hengke'e kakpota antangkok netlhelhma'ak hengeliatekhok nahan.

2 Corintios 7:7

Atse lhta apvalhok apvo'o Tito hengke'e, apsantamo ania'a apkelvesai'a ketlhengkap, apkenmahai'o lhna lhta hengelvetak ennengko'o. Nkellaioseskeskangkek na lhta apvalho'ok ketlhengkap aniem'o atlheianma mota apvalho'ok ko'o, avanhek na lhta nhan altaikama apvalho'ok aniem'o ko'o m'a. Koka avanhek na akpaihekha evalhok asleng'o ania'a apsenta Tito.

2 Corintios 7:9

Netamen atlheianvekho lhna lhta apvalho'ok mankolietemo aptaiangkolha, ka apkeliaqmongkasekho lhna lhta nhan mo'ok apvalho'ok ketlhengkap ham. Mpaiesakhe lhta nhan evalhok ko'o m'a anmaiosei'o lhna lhta apvalho'ok, aniemai'o koka m'a Eniapom Neten kakpota eliaqmongkasekhak na mo'ok apvalho'ok ketlhengkap ham, mannaqtevaskamak ennengko'o ketlhengkap.

Apocalipsis 3:19

Hai, nkoihek ehetong askellan'o kanhan askennaveske' aplhamakho apkellelto la askellamelaiam. ¡Eiaqmongkasekha ta mo'ok apvalhok, etenio ta apiempek heieplekama!