2 Corintios 7:7 - Nuevo Testamento Toba Maskoy

⁷ Atse lhta apvalhok apvo'o Tito hengke'e, apsantamo ania'a apkelvesai'a ketlhengkap, apkenmahai'o lhna lhta hengelvetak ennengko'o. Nkellaioseskeskangkek na lhta apvalho'ok ketlhengkap aniem'o atlheianma mota apvalho'ok ko'o, avanhek na lhta nhan altaikama apvalho'ok aniem'o ko'o m'a. Koka avanhek na akpaihekha evalhok asleng'o ania'a apsenta Tito.

2 Corintios 7:7 ပူးပေါင်းရင်းမြစ်များ

Lucas 22:44

Avanhek ankek nak aplengaiangko akientalhnema m'a, koka niangveiakmek nak apkenmalhnonkoma Jesús ma'a, akteiapmo lhnak na apiemes ma'a malha ema lhna ntemak ma'a.

Hechos 11:23

Bernabe lhnoka apto enenlhet apiamolhma', aklanei'o lhnak na apvalhok Espíritu Santo m'a kakpota nhan mei'askeiam ma'a. Apvekhek nak Bernabe m'a akieto Antioquia, apvetangvekho lhnak Eniapom Neten apkeltakmelkeskama enenlhet'avok ma'a, avanhek ankek nak na akpaihekha apvalhok ma'a. Ka apkeliatekho lhnak ma'a enenlhet'avok kakpota melvatesankek apkelleliehekho Apveske. Aplhaniek nak enenlhet apkellailhemo Bernabe, ka aptaiangko nhan meliaskeiam Apveske m'a.

Romanos 1:12

Hata asvaktamo ta ham, angeliatalhkak hata aniem'o mongeliaskeiam anak.

1 Corintios 5:2

Apkelammakpe mota ketlhengkap apkelanei'o m'a enenlhet anak, koka nietavek nkolaioseskesek apvalho'ok, elentepkesek na m'a enenlhet anak aptevasekha iama ngken.

2 Corintios 1:4

Hai, apaieskakmek engelvalho'ok neksa akvai'a la akientalhnema m'a kakpota nhan envanka'ak ennengko'o angelpaieskamok apvalho'ok emmo'ok la'a neksa akientalhnema, ka aktemo lhta nhan ennengko'o alpaihengvaiakmo engvalho'ok aniem'o Eniapom Neten.

2 Corintios 2:9

Ka vakkahak alhta astalheskeskama asmahai'a aliepkonek ketlhengkap apkelleliehekhavek kelhaha, nlho ka la mma'.

2 Corintios 5:2

Neksa nelloma mokhom hengke'e nalhepop anak nlhengama enneniek ngkanek avanhek nemmahai'a angenmangkok ma'a malha nengakhaiangkolha mo'ok neniokha akieto m'a neten.

2 Corintios 7:6

Eniapom Neten koka apto hengiatekho niapom, apkapaskama Tito hengke'e kakpota antangkok netlhelhma'ak hengeliatekhok nahan.

2 Corintios 7:8

Asleng'a lhta anmaiosak'a apvalho'ok ketlhengkap aniem'o vakkahak alhta asnaktalheskeskama askellapaskeskama lhta ketlhengkap ham, hetneskaso lhta nhan ko'o akmaiose evalhok hengke'e. Kolhva koka nlheianvakhok evalhok ntasek askelapaskeskamo vakkahak alhta, amanie m'a altemeskeskamo lhna lhta anmaiosak'a apvalho'ok ma'a, koka iakvatakho lhna lhta ntemak ma'a.

2 Corintios 8:16

Gracias ko stemak Eniapom Neten aniem'o aptemeskeskama Tito aktaikama apvalhok apkellanei'o ketlhengkap ham ka aktemakha nak ko'o, avanhek apmahai'a elpasmok ketlhengkap ma'a.

Filipenses 1:20

Hai', nkel·halhnema evalhok manghenmangkaksek hata enenlhet'avok, have niapak ankek, elvetak hata aplhamakho akietnema asmopvana aniem'o Cristo, niekhe astema ehalhnankok mokhom nlho ka la angvetsepok hatelhaha.

Colosenses 2:5

Kolhva koka molhnemak apieseksek ketlhengkap ham, evalhok koka malha ntemak aknema ham, avanhek akpaihekha evalhok ngkanek avanhek apkeltakmelkeskamo apankavek apkakhaikamok ham, apketlhengkeskangkek na aliennaktema nkek meliaskeiam Cristo.

1 Tesalonicenses 3:6

Apvaktame lhta Timoteo hengke'e apkeniaktamo ham Tesalonica, apsantanie lhta ania'a aktaqmanma, avanhek na lhta akietnema meliaskeiam ketlhengkap, nengasekhai'o, avanhek nak na apkenmahai'a hengelvetekhak ketlhengkap ennengko'o, ennengko'o nhan ntak ma'a avanhek nemmahai'a angelvetekhak ketlhengkap.

1 Tesalonicenses 3:8

koka hengeliennaktesakhave lhta nelleng'o ania'a akiennaktema mokhom meliaskeiam Apveske ketlhengkap.

Hebreos 2:1

Nietnengkek nak nek akientalhnema henganemakha Eniapom Neten apkellaiangko lhnak nanek ángeles kakpota ellangkongvomok ma'a enenlhet'avok. Allelietaskesekho lhnak nanek na aliaqmongkaskesekha apkeltemakha apkellelto la meleliehekho kanhan apkellanekamok la qaselha ngkollatsekama. Ka nkeniemai'ak nkaimelhkek angeltakmelkaso nellailhemo ania'a nak nengelvongkasemmalhka nak tep ngkanek Apveske apankek aplheianma m'a, antakmelkesek nahan kakpota mangel·haivek malha amai la aktaqmanma ngkanek na ennengko'o angetlhevangkok hatelha nhan nema akiaqmongkasekha' mangeliahakho la'a. Hai', apmanie panke lhta aplheianma Apveske ania'a nengelvongkasemmalhka tep, apkellelto lhta nhan apmaniaie apkellengai'a m'a ania'a nak, hengelleltennasakho nhan ennengko'o nenvanlha nak aktema iokhalhmek ankek ma'a ania'a nak.

Santiago 5:17

Ka aktemo lhnak nanek na Elias annenga m'a, nennemo nhan ennengko'o enenlhet apanke, apteniai'o nhan apiempek neksa apkenmalhnonkoma apkenmalhneiangka Eniapom Neten meltemo mankonmakiek akvaiakmo nalhet hanetolhema iantelhkapa, ntemengkek nak nanek na m'a.

2 Juan 1:4

Avanhek ankek lhta akpaihekha evalhok askelvetangvaktamo lhta moklhem'a atkak ham apkellaneiangko akto have niapak anke, apkanemakha nhan antangkok ennengko'o Eniapom ma'a.

Judas 1:3

Ketlhengkap elialheng'a askellamelaiam, avanhe skeltema anaktalheskesek aktemakha m'a nengelvongkasemmalhka nak tep. Kolhva koka asmak'ak allasnama askeleltemo eliavenkasok apkeltakmelkeskama meliaskeiam anak nema allaikamok alhta aplhamakho apkellelto nak apkelpokkenammap.