2 Corintios 7:6 - Nuevo Testamento Toba Maskoy

⁶ Eniapom Neten koka apto hengiatekho niapom, apkapaskama Tito hengke'e kakpota antangkok netlhelhma'ak hengeliatekhok nahan.

2 Corintios 7:6 ပူးပေါင်းရင်းမြစ်များ

Juan 14:16

Ko'o ta anmalhnama Eniapom eniapaksek po'ok Hengiatekho niapom, Espíritu m'a kakpota elloka lhemo ie, apto have niapak anke niapom. Koka apkellelto la apkeliaskeiam metlhokiek hata ngkanek melvet'ak ma'a, meliekpelkak nahan. Ketlhengkap koka apkeliekpelkek ma'a, apnek na lhemek ketlhengkap ma'a, elhek hata nhan metka nnelha.

Romanos 15:5

Askeltavek ko'o Eniapom Neten apto niapom metka nenpekheskama nak kanhan ma'a akpaieskaiam engvalhok, elpasmok ketlhengkap kakpota elloka lhemek annemo mo'ok apvalho'ok, aptemakha lhta mota nhan Cristo Jesús.

2 Corintios 7:13

Kolhva koka nnek alpaieskakmo engelvalho'ok hengke'e aniem'o nhan nenlengai'a nema alpaieskeskaiam apvalho'ok ketlhengkap ham, nkelpaihakhek engelvalho'ok nelleng'o ania'a ketlhengkap apkelpaieskeskaiam apvalhok Tito neksa apnema ham.

2 Corintios 7:14

Askeltennaske lhta ko'o Tito akhaikama ko evalhok ketlhengkap, neksa apvekha lhna lhta nhan Tito ham apkelvetangvektamo lhna lhta have niapak ankek lhamakho aktemakha astakha lhta askeltennasekama ania'a asketlheianma ketlhengkap apkelvesai'a ham.

2 Corintios 7:7

Atse lhta apvalhok apvo'o Tito hengke'e, apsantamo ania'a apkelvesai'a ketlhengkap, apkenmahai'o lhna lhta hengelvetak ennengko'o. Nkellaioseskeskangkek na lhta apvalho'ok ketlhengkap aniem'o atlheianma mota apvalho'ok ko'o, avanhek na lhta nhan altaikama apvalho'ok aniem'o ko'o m'a. Koka avanhek na akpaihekha evalhok asleng'o ania'a apsenta Tito.

Filipenses 2:1

Koka apkellangko la Cristo ketlhengkap apkenmopvanka'a kakpota eliatekhok po'ok, alpekhesangka la nhan apkellasekhai'o kakpota elpaieskeskamok apvalho'ok po'ok, akno la nhan mo'ok apvalho'ok kakpota nhan akiavai'a nkek la apkelietnai'o napa'at po'ok,

1 Tesalonicenses 3:2

Ka nellapaso lhta enialheng Timoteo ham apto nhan Eniapom Neten apkasennaikama, nenmakmekamo lhemek nahan nelpaieskama ania'a aktaqmanma aplhenammap Cristo, nellapaske lhta ham kakpota eliatekho, elpasmok nahan nkoliennak meliaskeiam ketlhengkap