2 Corintios 6:6 - Nuevo Testamento Toba Maskoy

⁶ Apkeliave mota ketlhengkap neltaqmelkasemmalhkoho, neliave na akto have niapak anke iokhalhme, apkeliavek na ketlhengkap metka nelpekheskama kakpota nhan nalhep'avek engelvalho'ok angellanhok emmo'ok, apkeliavek na ketlhengkap apnaikamok engelvalho'ok Espíritu Santo, nengellasekhai'o nhan emmo'ok iokhalhmek engelvalho'ok.

2 Corintios 6:6 ပူးပေါင်းရင်းမြစ်များ

Romanos 12:9

Ellasekhakpo metka apkeliennengkeskama po'ok, eltakneva' qaselha ngkolatsekama, elelieplavkes koka mota ellanangkok qaselha altaqmelo.

Romanos 15:19

hempelapkeskama, qaselha mongenatkeskama nhan aniem'o Espíritu Eniapom Neten apankok. Aspaieske lhta ania'a aktaqmanma lhamakho apkellavakha askempai'o lhta Jerusalen akvakmo iokhalhma Iliria.

1 Corintios 12:8

Napokha nhan apketlhevangkok apkenmopvanka'a kakpota elpaqmetek nema apkeliamo aniem'o m'a vanlha lhema Espíritu, napokha nhan apketlhevangkok apkenmopvanka'a kakpota elpaqmetek ngkeskama apkeliangveiakmo m'a aniem'o koka nhan nheklhek ma'a Espíritu.

1 Corintios 13:4

Enenlhet akietno la apkasekhai'o po'ok, emankok apvalhok aptevasekpo la m'a, apiamo lhma apankek nahan, metka apiasepkeskama po'ok, metka aplhenaikama aktemakha apiangveiakmo kakpota nhan metka akiephesekama apkammakpo.

1 Corintios 2:16

Ka aktemo nak na aktalhesammalhka Eniapom Neten apaivoma hengke'e: «Mamma enenlhet eliohok akietnaikama apaqtek Eniapom Neten, mangkollapvankek na enenlhet etlhekmosangkok ma'a», ntemak ma'a. Ennengko'o koka atlhenaikama engelvalho'ok nnavek na aklhenaikama nak apvalhok Cristo.

1 Corintios 2:4

Astenia lhtoka nkoliakvomok apankavek aniem'o Espíritu apmopvana, have aniem'o asiangveiakmo ehenkok ehenke nak.

2 Corintios 1:23

Kolhva nhan asmak'ak alleltennaksek ketlhengkap se kla ktemo ko'o moniekho lhta ham Corinto sekhe lhta, ngkanek nkoihe lhta ngkotnek aspaioma askellaikamok asvakho la ko'o ham, have niapak ankek astakha nak, Eniapom Neten kelha heiaqhek asto la asmopvana ania'a.

2 Corintios 11:11

Nkotlhenek hatelha apvalho'ok ketlhengkap mollasekhai'o ngkanek molelmalhnekama qaselha alaimommalhkelha la ko'o, koka apiavek Eniapom Neten avanhek askellasekhai'o ketlhengkap.

2 Corintios 11:4

Asleng'a lhta nhan ko'o ania'a ketlhengkap apkenmaiangko lhna lhta takha alleklemo nkek apvalho'ok nema aleltennaskama ania'a mok aktemakha koka netlheianmo na mota apvesai'a Jesús. Hai, apkenmaiangko lhna lhta takha ania'a mok aktemakha nkek ania'a aktaqmanma, apkenmaiangko lhna lhta nhan takha lhema espíritu, have koka m'a Espíritu apketlhevaiangko lhta sekhe lhta.

2 Corintios 11:6

Niekhe moliatekama aktaqmanma ko'o, nietnek koka asiangveiakmo akiokho nkoie, apkeliavek ketlhengkap helvetai'ak na askelanei'o lhamakho qaselha

2 Corintios 12:15

Nnavek na ko'o ntasek ankek aietepok lhamakho qaselha ehenkok anak kakpota nkoltaqmelkeskesek apkellangiemhaikama ketlhengkap, ntasek na nkovaiventak asmakmose aniem'o hellasennaikama ketlhengkap. Niekhe akvanekamok askellasekhai'o ketlhengkap, aselhtek koka nhan hellasekhai'o ketlhengkap.

2 Corintios 13:10

Asnaktalheskaskek vakkahak anak astalheskama akiennaktema aspaioma amanie akvaiam hata ngkotnek ham, kakpota moliennahek askellanei'o asvaktamo ta ham, ngkanek heiangkek Eniapom Neten asientalhnemo kakpota alvanengkeskesek meliaskeiam, have asmahai'a anaktevaksek nahan.

2 Corintios 2:10

Koka apkeltangka la apankavek ketlhengkap qaselha ngkolatsekama lhta apkelaneskasekamok enenlhet alhta, ko'o ta nhan atneskesama ehenkek ma'a, malha napaqtek na Cristo, kakpota nkovak na aktaqmanma apkellangiemhaikama aplhamakho pankavek ketlhengkap ham.

2 Corintios 2:4

Neksa astalheskama lhta vakkahak alhta avanhe lhta aktaikama evalhok akvakmo asveno nhan ngkanek ma lhta nkomak'ak allaioseskesek apvalho'ok ketlhengkap aniem'o askeliennai'o aspaioma astalheskama vakkahak, vanlha koka askeltemo allelpeiveskasekhak kakpota ellapvanak etnangkok apkelpeivomo aniem'o nhan ko'o askellasekhai'o ketlhengkap.

2 Corintios 3:3

Hai, ketlhengkap malha vakkahak la aptalheskama Cristo kakpota angellankongvomo mota enenlhet'avok. Ka vakkahak anak have aktonak aimenek anak alanemmalhka kakpota ngkolhek aktalheso, vanlha koka niekhe Espíritu apankok Eniapom Neten mangkotnengvaiam annelha apkaniemhaikama, ka malha nema aktalheskama m'a, have nhan nema aktalheskama la metaimong nema alanai'a la'a, vanlha koka nema aknaktalheskamo m'a apvalho'ok anak enenlhet'avok.

2 Corintios 4:6

Aptepkeskangkek nak nanek Eniapom Neten apommatema neksa ienaqtesakha lhma, aptepkeskangkek na apommatema engelvalho'ok anak kakpota nkoltetkesek enenlhet'avok netlheno la'a ania'a aktemakha aplhenammap Cristo, netamen hata nkotlhene ta apvalho'ok Eniapom Neten apto akietnema akiavai'a apmopvana m'a.

2 Corintios 7:2

Elialheng'a, hengenmekho ta takha mokhom ketlhengkap ennengko'o, mongellaneiangkok ennengko'o nkoietemo napaqtavek ketlhengkap, man na annaktevaskamak ma'a, monnaqtevaskamok na angenmakmesamaha.

Galatas 3:2

¡Kolketamama koka apvalho'ok ketlhengkap! ¿Apketlhevai'a nke nlho Espíritu aniem'o ley, he? ¡Mma'! Vanlha apketlhevaiangko Espíritu aniem'o meliaskeiam ania'a aplhenammap Cristo.

Galatas 3:5

Apkellaiangke lhta Espíritu apanke Eniapom Neten ma'a, apkelanai'a lhta nhan qaselha hempelapkeskama apieseksek ham ngkanek ma lhta eliaskeiakmok Cristo, have aniem'o m'a apkelleliehekho nak ley Moises.

Galatas 5:22

Koka qaselha aptepkeskama Espíritu alvesai'a nengasekhai'o, akpaihekha engvalhok, aktaqmelaikama engvalhok, have nav'a envahek nelloma, antangkok akmomhape engvalhok, neniamolhma, mongiaskeiam,

Efesios 3:4

Ka apkelietsatengko ta ketlhengkap elvetak hata have niapak ankek aktakha nak alheianma, asiamo ko'o aktakha lhta akietnaikama apaqtek etnek hata Eniapom Neten aniem'o nhan Cristo.

Efesios 4:2

Etnamok hata nhan koneng apankavek ketlhengkap, anmomhapak'a apvalho'ok ellanhok po'ok, mellammelho apnaqtevasemmap metka apkelpekheskama nhan aniem'o apkellasekhammakpo.

Efesios 4:32

Ellanamok koka altaqmelo qaselha, elietnaho napaqta'a po'ok, eltemeskesama ta nhan apankavek aptevasko la po'ok apieseksek anak ketlhengkap, ka aptemakha lhta Eniapom Neten aptemeskesaiangka lhta apankek meliamolhma lhta ketlhengkap aniem'o apkelpasmekha Cristo.

Colosenses 1:27

Hai, apmahai'o lhta nhan elvetaskesek qaselha akielhammalhka akiavai'a nkek apeneskamo lhnak nanek apmak'akha ta etnek kakpota eltaqmelkeskesek apkellangiemhaikama aplhamakho apkellavakha lhmankek ham, Cristo apvesai'a m'a, apmahai'a lhta Eniapaksek Eniapom Neten hengke'e, apsoiakmo lhta nhan alel·halhnekama nak apvalho'ok ketlhengkap kakpota elloka mota lhemek ma'a.

Colosenses 2:3

apto akietnema m'a akiavai'a nak nenianveiakmoho, neniekpelkemo nhan kakpota hengellangkok ma'a.

Colosenses 3:12

Apkellamelaiam Eniapom Neten ketlhengkap kakpota nhan apkeliekieskangkek kakpota etneskesangkok na apkelpokkanma, ka ngkanek na ntasek elietnaho mota napaqta'a po'ok, etnangkok na apkeliamolhma, anmomhapak'a apvalho'ok, metka apkelloma, metka apkelpekheskama nhan.

1 Tesalonicenses 2:10

Apkelvetai'a lhta ketlhengkap kanhan Eniapom Neten aktaqmanma akpeivomo nentaiangkolha apieseksek ketlhengkap meliaskeiam anak, nellanengke lhta nhan qaselha akpeivomo, mankollapvanke lhta nhan hengetlhenek enenlhet.

1 Timoteo 4:12

Meniangko nkek na ngkolhek aktemeskesantamo koneng lheiap aniem'o apketkok mokhom lheiap, eliatama toka akietemo nkek aplheianma, eltaqmelkasakpo ta nhan, elto ta nhan nkalhnok apvalhok anak, koiet hata nhan mei'askeiam kanhan apkasekhai'o po'ok kakpota aplhamakho enenlhet'avok elvanangkok aptemakha lheiap.

1 Timoteo 5:2

Eltaqmelkes hata nhan alvaneiam malha aktonak ngken apankek la'a. Eltaqmelkes hata nhan ngkelvana atko'ok malha aktonak apkelialheng'a apankek la'a, mankotsep ankek na apneniek ma'a.

2 Timoteo 3:10

Koka lheiap Timoteo, have aptonak lheiap ma'a ngkanek apieplavkeskangke asketlhekmoskama lhta, heieplongkek na amai, apiavek na lheiap asmak'akha la atnehek, apiavek na moi'askeiam, metka aspekheskama, askasekhai'o, kakpota nhan asiennaktema asvaskapma neksa asvetai'a mota akientalhnema.

2 Timoteo 4:2

askeltavek na ko'o eltennaksek ania'a metka apkelvateskaiam lheiap ma'a, niekhe apvetai'a ngkolatsekama, aktaqmanma, nheklhek hato ka etnek aplhengkeskama m'a. Etneskes hata nhan malha apkeliangveskeskekho meliamolhma m'a, ennaves hata nhan, eleliatekho ta nhan etlhekmosangkok metka apkelpekheskama lheiap ma'a.

Tito 2:7

elvetaskes na aptemakha apanke nak lheiap kakpota elvanangkok ma'a, eieplavkes hata nhan aktemakha nak apketlhekmoskama apankok, etaqmelkasakpo pankek nahan kakpota meliaskamek enenlhet lheiap,

Santiago 3:17

Koka enenlhet la akietnema aknema apiamo aniem'o m'a Eniapom Neten, apto malha alhnai'o apvalhok, apto nhan metka akmaska niapom apkaniemhaikama, apiamolhma, hengamelaiakmo mota, apietnai'o nhan napa'at po'ok, apneskamo po'ok apkellanei'o enenlhet apieseksek la'a, iokhalhmek na aplheianma, apkelanai'a nha mota qaselha altaqmelo.

1 Pedro 1:12

nkelvetaskeskangkek nak nanek ma'a mang koka elvetaiangkok ma'a, ennengko'o koka nenvanlha nak nelvet'a ie ania'a aktaqmanma nengvaiam tep anak. Hai, apkellengai'o nak ketlhengkap ania'a nak apkeleltennaikama aknema apkenmopvanka'a aniem'o Espíritu Santo nema apaskama aniem'o neten. ¡Ka nenvanlha nak akto aktaqmanma nkoie qaselha apkelvetaiangko nak ketlhengkap, akvakho niekhe nhan ángeles apkenmahai'a elpalhakvak ma'a!

1 Pedro 1:22

Kolhva koka ketlhengkap malha alalhnai'o apvalho'ok aniem'o apkeleliehekho ania'a akto have niapak anke, apvanka'ak na ellasekhok apkelialheng'a iokhalhmek ankek. Hai, ellasekhakpo mota apankavek ketlhengkap

1 Juan 3:18

Eietkak apketko'ok, mangkolatsema etnangkok mok apatno'ok apkellasekhai'o po'ok, ntasek koka elpasmok ma'a.