2 Corintios 6:16 - Nuevo Testamento Toba Maskoy

¹⁶ Mangkavanke nkolhnangkok qaselha akiokha la alanemmalhka akieto Eniapom Neten apnemakha, ketlhengkap na malha pa'at apnemakha Eniapom Neten apto memaskengvaiam. Lhnak nanek aptemak Eniapom Neten: «Aloka ta, aiaihama ta nhan apieseksek ma'a, ko'o ta atnek Apveske pankok, etnangkok hata nhan askennemolhema».

2 Corintios 6:16 ပူးပေါင်းရင်းမြစ်များ

Lucas 5:36

Lhna aptemak na mokhom Jesús apietkeskama: —Mangkolatsema aniaqtemenek napokha apketkok ietamopai'a aphalhnankok la'a, angelapama nentalhnema aphapak. Ngkanek antevaksek hata aphalhnankok lhek nentalhnema, melhehek hata po'ok ietamopai'a.

Juan 14:23

Ka apkatemmongka lhta mokhom Jesús: —Enenlhet apto la heiasekhai'o, apkeliahakhek na aspaioma, ko'o Tata apkamelakmek na enenlhet anak ma'a. Tata ka nhan ko'o angelloka ta lhemek ma'a.

Juan 6:56

Aptavengko la enenlhet ehepetek anak, apienangko la nhan ema ehenkok anak, nelpasmommalhko nentangkok ma'a.

Romanos 8:11

Apno la apvalho'ok ketlhengkap Espíritu apankok Eniapom Neten apto lhta nhan aptemeskasekha aphalhnankok Cristo Jesús, ellangkok hata m'a alhnankok apkeliokha aniem'o m'a Espíritu apankok Eniapom Neten apno apvalho'ok ketlhengkap, koka apkeliokha nak akmovana nkomaskengvomok.

Romanos 8:9

Ketlhengkap koka melieplavkasak aliaspongkomakha nak apvalho'ok, apkelieplavkaskek koka m'a aptemakha Espíritu apankok Eniapom Neten. Koka metko la apvalho'ok Espíritu apankok Cristo, have nhan apkennemolhema m'a.

Romanos 9:26

Ka ntemak na aktalhesammalhka mo'ok: «Akieto nak ma'a, lhna nnema aktemo have askennemolhema ketlhengkap, koka akieto nak ma'a hata nhan etlhenakpok apketkak Eniapom Neten apto menietsepma».

1 Corintios 10:21

¡Mankoietok ketlhengkap einangkok nohaikok ankok anak kasekapok av'alho'ok kanhan nohaikok apankok anak Apveske! Mankoietok na etavangkok nentoma aktaqmanma Apveske nak apankok ka nhan keliaqhameio' nentoma ankok.

1 Corintios 6:19

Apkeliavek ketlhengkap apkeliokha nak malha pa'at apnemakha Espíritu Santo apkellaikamo lhta Eniapom Neten, have apanko'ok apankavek apkeliokha nak ketlhengkap, koka apto apanko'ok ma'a Eniapom Neten,

Efesios 2:20

Ketlhengkap malha pa'at la akiavai'a alanemmalhka takhalhet avhok aliennakteskamahka nak akvesai'a apketlhekmosekamok nema allapaskamo kakpota nhan apkeleltennasemmap ania'a, Jesucristo koka apto malha metaimong aktaqmanma aktaqheskamakha avhak pa'at alanemmalhka.

Efesios 2:22

Apiepetkasekhek po'ok Cristo kakpota ngkovomok aptaikamok malha pa'at akiavai'a Eniapom Neten la apnemakha aniem'o Espíritu apankok ma'a.

Efesios 3:17

Askenmalhneskaskek na eltehek meliaskeiam ketlhengkap Cristo kakpota elhek apvalho'ok ketlhengkap ma'a, kakpota eltemeskesek apkeliennaktema aniem'o apkellasekhammakpo.

2 Timoteo 1:14

Etaqmelkes hata aktemakha aktaqmanma hengetlhekmoskama aplhevai'a lhta lheiap, Espíritu Santo apkakhangkek apvalho'ok aplhamakho Jesucristo apkennemolhema epasmok hata nhan lheiap ma'a.

Hebreos 3:6

Cristo koka apto Apketka, apiamolhma apkeltakmelkeskamo mota pa'at apanko'ok Eniapom Neten, ennengko'o m'a malha pa'at netlhengkaso la mota nentaikamok mongeliaskeiam metka nengelvateskaiam, kanhan nkolel·halhnama engelvalho'ok qaselha altaqmelo nkolvak hata.

Hebreos 8:10

Koka alanak hata mokhom alhnankok annemo mo'ok engvalho'ok nenmak'akha ta antangkok enenlhet'avok ko Israel, apekkenek hata ley ehenkok apqatko'ok, kanhan malha asnaktalheskeskama la ley apvalho'ok. Alleltok hata heleltangkok Eniapom Neten apanko'ok, aleltangkok hata nhan askennemolhema m'a.

Santiago 4:5

Ka ngkanek akietnemo nak Eniapom Neten apaivoma aklheianma, ntemak hengke'e: «Avanhek ankek apkamelaiam Eniapom Neten akieplomo apkenmeiavekama engelvalho'ok anak ennengko'o hengellaikamok», ntemak ma'a.

1 Pedro 2:5

Ketlhengkap na malha apkellelto metaimong aliennaktema kakpota enmama Eniapom Neten elanak na lhema pa'at akiavai'a nemakha' la alletsevaskesaiangkolha apvesai'a m'a aniem'o nhan apvalho'ok ma'a. Ketlhengkap na apkellelto sacerdotes apkelpokkenammap kakpota ellangkok malha qaselha nengaikamok anak aniem'o apvalho'ok anak, akleklemelha la apvalhok Eniapom Neten, apvanka'ak etnangkok ketlhengkap ma'a aniem'o m'a Jesucristo.

1 Juan 4:12

Mamma enenlhet apvetai'o Eniapom Neten, koka nellasekhalhko la ennengko'o, eloka nhan nenieseksa ennengko'o, nkovenke pankok na hengasekhai'o m'a akvakmo aktakha nnelha akvanekamok.

1 Juan 4:15

Apto la enenlhet aplheianma napaqtavek enenlhet'avok Jesús apto Eniapom Neten apketka, apasmekha nhan Eniapom Neten ma'a, Eniapom Neten na apasmekha m'a enenlhet anak.

Apocalipsis 2:1

—Etalhes no lheiap ania'a nak kakpota eniapaskesek ma'a ángel apno m'a iglesia akieto Efeso, ka ntak ania'a hengke'e: Apto nak apkenmaikama 7 iav'a akiennakha nak apoktong, apiaihema m'a aiseksek 7 alhvo'ok oro alapommatkeskama, ka aptak nan ma'a:

Apocalipsis 21:3

Asleng'o lhta nhan nema aliatekama akiennaktema nkek aniem'o m'a neten, lhta ntak: —Ka natemma apankok Eniapom Neten ham, elloka ta lhemek enenlhet'avok ma'a, etnek hata nhan Apveske apanko'ok ma'a, etnangkok hata nhan apkennemolhema.

Apocalipsis 21:7

Enenlhet apiephongveiakmo la'a, angvangkok hata lhamakho qaselha aktaqmanma, hetnek hata nhan Eniapom Neten apankok, atnek hata nhan eietka.