2 Corintios 5:9 - Nuevo Testamento Toba Maskoy

⁹ Ka nkeniemai'ak ma'a angelienlhanmangko mota anlekkeskasama mota apvalhok Apveske neksa mokhom nellaniemhaikama hengke'e neniokha nak, hata nhan angelienlhanmangkok angellekkeskasama apvalho'ok Apveske m'a nengaqhengvakmo ta m'a napaqtek ma'a.

2 Corintios 5:9 ပူးပေါင်းရင်းမြစ်များ

Juan 6:27

Moltama nkek apkelvalho'ok apteniaikamok aptekamok, nkosavhalhka mota m'a. Koka ntase eliavenkaso apkelketansema mo'ok aktemakha nentoma akto mankosavhommalhka, allaikamok na apkeliennaktema mankotnengveianlha nnelha apkellangiemhaikama. Koka Enenlhet Apketka nak apvankek ellangkok ma'a qaselha nak, ngkanek nietnek apmopvana m'a aniem'o Eniapom Neten —lhta aptak Jesús apkellano m'a.

Hechos 10:35

apto nhan ma'a apkellamelaiam enenlhet lhamakho apkellavakha apkellelto apkellai'o kakpota nhan apkellanai'a nak qaselha akpeivomo.

Romanos 14:18

Enenlhet apto la apkelanai'a lhamakho qaselha nak koka apto apiamolhma apkasennaikama Eniapom Neten, nlekavek apvalhok ma'a, enmankok na takha enenlhet'avok ma'a.

Romanos 14:8

Nentaikamok la enhalhnanko'ok anak mokhom ma'a, ankok ma'a nengai'o Apveske. Neletsepo la nhan, ankok na m'a nengai'o Apveske. Nentangko la enhalhnankok mokhom, nlho ka la neletsepo la'a, koka apto Apveske apanko'ok ennengko'o m'a.

Romanos 15:20

Vanlha lhta mota asmaiangko metkelha la nema akpaieskamakha ania'a aktaqmanma, ma lhta amahai'ak aipetkeskamok asmakmekama nemakha la akpaieskamakha ania'a aktaqmanma.

1 Corintios 15:58

Ka nkanek na ntasek ketlhengkap elialheng'a askellamelaiam, elienna ta metka apkelvatesaikamok na apkenmakmesaikama Apveske engankok anak, have aqhemo nhan apkenmakmesaikama ketlhengkap ma'a.

2 Corintios 5:6

Hai, neliavek ennengko'o ngkotnek hata m'a. Neksa nellaniemhaikama neliokha nak hengke'e nalhepop anak, taiepek ankek Apveske m'a.

2 Corintios 5:8

mongeliaskeiakmok ennengko'o m'a. Ka nkanek nenmak'a niekhe angelieniekhak neliokha nak kakpota angenmangkok ma'a angaqhengvomhok lheme Apveske m'a.

Efesios 1:6

Kakpota angeltakneskasangko mota apvesai'a m'a aniem'o aktaqmanma nkek hengellanei'o, altakmelkeskamo nhan nellaniemhaikama aniem'o nhan Apketka apkamelaiam.

Colosenses 1:10

Netamen hata m'a nkovak akietemo nkek aptaiangkolha apkanemakha nhan etnangkok Apveske, kakpota nhan ellanangkok metka nnelha qaselha akleklemelha la apvalhok ma'a, ngkeskama qaselha altaqmelo, akvakmo akvanemo lhamakho aknem apkeliekpelkangveiam Eniapom Neten.

Colosenses 1:29

Avanhek na askeliephaiekho asmakmekama akieplomo asiennaktema, asmopvana nhan aniem'o Cristo.

1 Tesalonicenses 4:1

Ketlhengkap elialheng'a, neleltennaskek lhema nempaivoma akieplomo apvesai'a apveske engankok Jesús, eltaqmelkasakpo ta lhamakho aknem ngkanek apiaspongkomakha Eniapom Neten ma'a, ka nentaiangkolha lhta nhan nengetlhekmoseiangko ketlhengkap ma'a, kolhva apkelleliahakhavek na ketlhengkap ma'a.

1 Tesalonicenses 4:11

Nenmak'ak angelleltennasekhok mokhom neleltennaso lhta, ¡elienlhanmamok metka apkeltemengvekho lhma'! ¡mevhanengvomankek aptakha la po'ok, ellanho toka apanko'ok apankavek aptangkolha la'a! ¡Enmakmama koka motaha

1 Timoteo 4:10

Ka ngkanek na ennengko'o nenteniaiangkavek eniempeiok nenmakmeiangka, nellammelhmek na hengellammelhmakha la'a ngkanek nietnek alel·halhnekama engelvalho'ok hengelpasmok hata Eniapom Neten apto metnenvaiam annelha, apto nhan hengelvonkeskama tep aplhamakho enenlhet'avok, tep ankek ma'a apkellelto la meliaskeiam.

Hebreos 12:28

Ennengko'o nhan netlhevaiangkok nema aktema nak Aveske mangkomovana nak ngkomaskengvomok ka ngkanek ntasek antangkok gracias Eniapom Neten, angellasennama nhan akieplomo nellai'o kakpota nkopaihekhak apvalhok ma'a,

Hebreos 4:11

Hai, ntasek koka mota anteniangkok eniempeiok kakpota angelentalhnengvomok ma'a neniamposammalhkelha, montangkek ma'a aptaiangkolha lhnak nanek enenlhet'avok apkeliaskeiakmek nak nanek ma'a.

2 Pedro 3:14

Ketlhengkap elialheng'a askellamelaiam, neksa apkelel·halhanma nkovak aknem anak ma'a, eteniamok hata apiempeiok elloka metka akmaska, kanhan metka apkeltemengveiakmo lhma kakpota elvetangvetak Eniapom Neten apvaktamo ta m'a.