2 Corintios 5:14 - Nuevo Testamento Toba Maskoy

¹⁴ Hai, avanhek ankek na hengeliephesekama angellasekhekhok ketlhengkap aniem'o Cristo m'a, ampai'o lhta nhan neliangveiakmo apketsepmo lhta lhema enenlhet apkeliaqmoiekha aplhamakho enenlhet lhmankek ham, ka nkeniemai'ak ma'a malha apkeletsepmo lhemek ma'a.

2 Corintios 5:14 ပူးပေါင်းရင်းမြစ်များ

Lucas 15:24

Ngkanek apvaktaniek eietka malha apketsepma lhta aptemak, kolhva koka aphalhnankok mokhom, malha aplheneiam alhta nhan aptemak, kolhva koka asvetakhek mokhom", lhnak aptemak apiapom ma'a. Ka apkelempai'o lhnak apkellanekhak apkeltakha aktaqmelaikama lhma' ankok ma'a.

Lucas 15:32

Koka ntasek na angellanak aktaqmelaikama lhma, nkolpaihekhak na engvalho'ok apvaktaniek apialheng. Malha lhta apketsepma aptemak ma'a, aphalhnankok koka nelvetakhak mokhom, malha alhta aplheneiam na aptemak, koka nelvetakhek mokhom" lhna aptemak apiapom ma'a.

Lucas 24:29

koka apkelleltemavek nak elhnekhak apketlhelhma'ak ma'a, lhnak aptaiangkok: —Eniaio nhan lheiap hengke'e, ienaqteske —lhnak aptaiangkok ma'a. Ka aphaivomo lhnak na Jesús ma'a natemma nak, apnemo nhan lhemek ma'a.

Juan 1:29

Lhema aknem alhta ntak akiekai'a m'a, apvet'o lhta Juan aplhekmo Jesús ma'a, lhta aptak apkellano enenlhet'avok: —Ellammelhono ha'e, aplhekmek apto Nepkesek Apketkok apkapaskama Eniapom Neten, apto apkel·hatsoskama ta malha akientalhnema apkelpatmekama enenlhet lhmankek ham aniem'o meleliehekho apkellaskamakha Eniapom Neten.

Juan 11:25

Ka apkatemmongka lhta mokhom Jesús, lhta aptak: —Ko'o asto nak asnaklhatekhaskeiam enenlhet apieseksek apkenmaskengvaiakmo, askellaikamok na aliennaktema apnenio'ok. Apkellelto la mangheliaskeiam enenlhet, nkaqhok eletsepok, elloka koka mokhom ma'a.

Juan 5:25

Have niapak ankek astakha nak, ngva'ak aknem kolhvave nak apkellelto nak apkeletsepma elleng'ak hata apaivoma Eniapom Neten Apketka, ngkoitek hata nhan aptaikamok aphalhnanko'ok.

Hechos 18:5

Ka apkelvekho lhnak ma'a Silas kakpota nhan Timoteo, iokhalhma Macedonia lhnak apkeleniektak ma'a. Ka apkempai'akha lhnak Pablo akiokho nkek aplheianma mota ania'a aktaqmanma, apmahai'a elvetaskesek judios aptemakha Jesús apto Cristo.

Romanos 2:2

Koka nengeliavek ennengko'o vanlha Eniapom Neten apvankek elhenek aktaqmanma nlho ka la ngkolatsekama apkelanai'a enenlhet, akietemo nkek koka aptema m'a.

Romanos 5:15

Akvai'o akientalhnema nak aniemai'o Adan, koka mo'ok aktema Eniapom Neten hengellaiangko metka akianmoma. Akvai'o nak apkeletsepma lhamakho enenlhet lhmankek ham aniem'o meliehekho lhema aphapak enenlhet, Adan apvesai'a m'a. Koka Eniapom Neten na hengellaiangko qaselha metka akianmoma altakmelkeskamo nak nengellaniemhaikama nenlhamakho aniem'o koka nhan lhema enenlhet apvesai'a Jesucristo.

Romanos 6:13

Mellankehek na mokhom apkeliokha nak nkollaneskasangkok ngkollatsekama, ngkanek malha apkeletsepmo lhemek Cristo, mmaskek na anmangka maniamolhma nak. Kolhva koka nnangkok ketlhengkap alhnankok apkellangiemhaikama, ntasek ellangkok apkeliokha m'a Eniapom Neten kakpota nkoliennak apiempeiok ellanangkok qaselha altaqmelo.

Romanos 6:6

Neliavek ennengko'o alvaneiam alhta engelvalho'ok nketsepmek lhemek ma'a Cristo akieto neten iamet aktenneskama, mmaskek na hengenmangka ngkollatsekama nak.

1 Corintios 16:22

Apno la enenlhet meniasekhai'o Apveske, nema akiematkeskama ta ma'. ¡Apkelhiakmek Apveske!

1 Corintios 2:14

Koka mangkollapvankek eliangvomhok ma'a apkellelto nak metka Espíritu apankok Eniapom ngkanek aktaikama ankek apkellanemak ma'a, vanlha koka apvankek iehangvomhok ma'a apietno la Espíritu apankok anak Eniapom Neten.

2 Corintios 3:7

Aktaqmanma nkek apommatma annemo mo'ok apvalho'ok lhennenga akto nak altema ngkolhek hengaqhaqho, nema aktalheskama koka metaimong nekha m'a, mang nak nanek na nkonmopvanka'ak enenlhet ellanhok napa'at Moises aniem'o apommatma m'a, koka ntaqmelkeskamavek nak na aksepanei'o m'a.

2 Corintios 3:9

Aktaqmanma aknem nak apketlhevaiangko lhnak nanek lhennenga annemo mo'ok apvalho'ok ma'a altema nak ammatong, koka akto nhan neten ankek aktaqmanma aplheianmo Eniapom Neten hengeltemeskesek hata nengelpeivomo.

Galatas 2:20

kolhva koka alhelhma mota Cristo, have ehenkok ehenkek askaniemhaikama nak, ka lhamakho qaselha nak askelanai'a neksa askaniemhaikama aniem'o m'a moi'askeiam Eniapom Neten Apketka, heiasekhai'o nhan, apkaiangko akvakmo apmatno aniem'o ko'o.

Efesios 6:24

Askeltavek na Eniapom Neten eltaqmelkeskesek akiavai'a nkek apkellaniemhaikama apkellelto nak apkellasekhai'o metka nnelha Apveske engankok Jesucristo. Amen.

Colosenses 2:13

Lhennenga lhta nhan ketlhengkap malha apkeletsepma lhta ntemak aniem'o meliamolhma, aniem'o nhan metka nhan nema aliaqtemanma nekhatkok apiempeiok meliamolhma nak, kolhva koka apkellangkek Eniapom Neten aliennaktema apnenio'ok lheme Cristo, kakpota nhan etneskesama apankek lhamakho apkeltemakha ngkollatsekama aniem'o apkelpasmekha Cristo.

Colosenses 3:3

Malha lhta ntema niekhe apkeletsepma ketlhengkap, apkelpokkenke lhta Eniapom Neten ketlhengkap kakpota elloka lhemek Cristo.

1 Timoteo 2:6

apkaiangkave lhta nhan apmatnamo kakpota hengel·hatsoskakhak neksa hengenmaikamok maniamolhma nenlhamakho. Ka ania'a nak akvetammalhko m'a, apkelientemongkeskeskamo lhta nhan aplheianma Eniapom Neten ngkotnek hata aktaqmanma aknem aklheianmakha nhan apvalhok ma'a etnehek.

1 Timoteo 5:6

Koka lhentampe la aklhengkeskama akiaspongkomakha nkek av'alhok ankek, malha nha ntak atsepma la m'a.

Tito 3:3

Ennengko'o lhta nhan malha nengelelto metka enqatko'ok la'a, mangeleliehekho nhan ma'a, malha lhta nhan neltaiangko netlheneiam la'a, hengenmaikama lhta nhan lhamakho aktemakha aletsepma ennenio'ok anak, nkelleklemave lhta nhan engelvalho'ok nellanengko la qaselha ngkollatsekama. Neten anke lhta mongeliamolhma, neliasepkeskama nhan, neltaqnongvekhe lhta emmo'ok engankave nenieseksa m'a, kanhan hengeltaknongkongke lhta nhan enenlhet.

Hebreos 2:9

Nne lhta nhan aktepkeso Jesús hengke'e ketse lhtoka nhan koneng apientalhnemo melhnemok ángeles, iakvatakho lhtoka m'a. Kolhva koka neliavek ma'a nlanei'avek apientalhnemo kanhan nemo ai'o aniem'o lhta apketsepma. Hai, apkeliekieskek Eniapom Neten kakpota enietsepok ennengko'o hengeliaqmoiekha aniem'o aktaqmanma nkek hengellanei'o.

Hebreos 6:10

Ngkanek Eniapom Neten apto apeivomo panke', melelvangkamek na ketlhengkap ma'a apkelpasmomo lhta, apkellasekhai'o lhta nhan apkelpokkanma nak akvakmo nenvanlha nak.

1 Pedro 1:8

Melvetai'ok ketlhengkap Jesucristo, apkellasekhai'o koka m'a, mang na eliaskeiakmok nahan, avanhek ankek na alpaihekha apvalho'ok aliekangveiakmo

1 Juan 5:19

Nengeliavek na ennengko'o nelleniem'o Eniapom Neten, koka apkellelto nak meleliehekhok malha aknaktetema m'a maniamolhma ngken anak.