2 Corintios 5:13 - Nuevo Testamento Toba Maskoy

¹³ Malha lhnak ennengko'o alanema lhna aptaiangkok enenlhet hengetlheianmo aniem'o nhan hengellasennaikama Eniapom Neten, have koka niekhe ennengko'o alanema, vanlha koka nenmahai'o angeltakmelkeskesek apkellangiemhaikama ketlhengkap ham.

2 Corintios 5:13 ပူးပေါင်းရင်းမြစ်များ

Marcos 3:21

Allengai'o lhnak ania'a apkennemolhema apankek Jesús ma'a, aleltaiangko lhnak malha anema m'a. Ka anmeiekho lhnak apnakha kakpota nkolaqlosengvakhak ma'a.

Romanos 12:3

Heiamelaiakmek ko'o Eniapom neten, heiangke lhta asientalhnemo kakpota alleltennasangkok ketlhengkap. Motlhenama nkek apvalho'ok apkellelto neten apankavek melhnemo m'a po'ok, ntasek koka elhnesok mo'ok atlhenaikama apvalho'ok metka aliekammalhka, aknangkolha la akvanlha meliaskeiam aniem'o apkellaikamok alhta Eniapom Neten.

2 Corintios 11:1

Elvaskapekho hellanei'o ko mota, niekhe stema malha anema neksa askeliatekama mota. ¡Elvaskapekho ta!

2 Corintios 12:11

Astek ko malha la anema aniem'o anmalhko evalhok ehenkok ehenke, have nhan asto neten ehenke, ketlhengkap koka nkelleniemai'ak mankollekkasekama apvalho'ok hellanhoho, ka nkeniemai'ak na nkalhkok evalhok ehenkok ehenkek aniem'o asmakmekama apieseksek anak ketlhengkap. Snavek na ko'o m'a nema allapaskamo lhta apkellelto lhta neten apankavek apkenmakmeiangka lhta nhan apieseksek anak ketlhengkap.

2 Corintios 12:6

Have malha anema alhko la evalhok ko'o aniem'o qaselha hempelapkeskama asvetai'a, koka mankonmahai'ak atnek ko'o anmalhko evalhok ngkanek ellengak enenlhet nkotlhenek apvalho'ok asto neten ehenkek ko'o, koka moltak ko'o nkotlhenek apvalho'ok enenlhet'avok anak.

2 Corintios 7:12

Ka asnaktalheskaso lhta vakkahak have asmahai'a angvammelhek ma'a apto apkammelhma, have nhan asmahai'a anio'ok apto nema ammelhma. Asnaktalheskaske lhtoka kakpota elvetak ketlhengkap vanlha mota neleltema nkoltaqmelek apkellangiemhaikama ketlhengkap ham napaqtek Eniapom Neten.

Colosenses 1:24

Mpaihakhek ko evalhok aklengangko akmaska asiokha nak aniem'o hellasennaikama ketlhengkap, ngkanek asavhok hata aktemakha lhta aplengaiangko Cristo aniem'o nkotaqmelekha ta iglesia, ngkanek malha Cristo apiokha ntak ma'a iglesia.

1 Tesalonicenses 1:5

Have vanlha mo'ok engatno'ok alhta nentangkok neksa neleltennaskama lhta ania'a aktaqmanma apieseksek ketlhengkap ham, nellan'a lhta nhan qaselha hempelapkeskama aniem'o apmopvana Eniapom Neten kakpota nhan Espíritu Santo. Ka alpekhesangka lhta ketlhengkap metka apkaimommap akto have niapak ankek ania'a nengeltennaikama ennengko'o. Hai, apkeliavek ketlhengkap vanlha lhta mota nengeleltemo nkoltaqmelek apkakhaikamok neksa nengakhengveiam alhta ham.

2 Timoteo 2:10

Koka asvaskapmek neksa aslengaiangko akientalhnema kakpota nkoltaqmelek apkellangiemhaikama apkellelto nak apkeliekieskama Eniapom Neten, apkelvonkasemmap hata nhan tep, elvetak hata nhan qaselha altaqmelo m'a metka anmaskengvaiam aniem'o meliaskeiam Cristo Jesús.