2 Corintios 4:18 - Nuevo Testamento Toba Maskoy

¹⁸ Ka nkanek mangelammelhek neksa nellengaiangko akientalhnema nalhepop anak ngkanek nkomaskengvomok hata m'a, ntasek koka aniavenkasok atlhenaikama engelvalho'ok qaselha mongelvet'o mokhom, koka neliavek have niapak ankek nkovak hata m'a, mankomaskengvomek hata nhan ma'a.

2 Corintios 4:18 ပူးပေါင်းရင်းမြစ်များ

2 Corintios 5:7

Mongapvankek angvetak ma'a, koka mongeliaskeiam anak hengellangkek neliennaktema kakpota angelloka mota,

2 Tesalonicenses 2:16

Jesucristo apto apveske engankok, Eniapom Neten apto eniapma'ak apto nhan hengellamelaiam, apkelpaieskaiam amota engelvalho'ok, hengellaiangko nhan aktaqmanma nkoie' alel·halhnekama engelvalho'ok qaselha nkovak hata.

Hebreos 11:1

Ka mongiaskeiam anak aktemeskeskama iokhalhmek ankek nkovak hata m'a qaselha alel·halhanmo mota engelvalho'ok, aktemeskeskama nhan have niapak ankek akietnema m'a qaselha mongelvet'o mokhom.

Hebreos 11:13

Apsavhommakpavek nak nanek apkeletsepma nelieihengka'a metlhevaiangkok na qaselha apeneskamo lhnak nanek apaivoma Eniapom Neten ellangkok hata m'a. Koka apkeliamavek nak nanoka nkovak hata m'a, malha koka ntemak apkelvetai'a mokhek ankek ma'a. Apketlhenammakpo lhnak nanek na apankavek malha amaika'a aptaikamok nkotnakha apkellavakha takhalhet lhepop anak ma'a.

Hebreos 9:11

Ngvai'ak koka aktema nnelha m'a nenvanlha nak aniem'o apvai'o m'a Cristo aptemo nhan apiav'akha sacerdote kakpota lhema aktema etsantak na lhamakho qaselha altaqmanma aksavhommalhko nkek ma'a, mankaimelhkak mokhom ma'a. Ka ngkanek aptalhnengvekhek konne malha niekhe akpaklhenammalhka nak kaselha aiempek akto nhan neten ankek aktaqmanma m'a, have enenlhet apankavek apkellanai'a m'a.

1 Juan 2:25

nkolhnangkok hata nhan aliennaktema apnenio'ok mankotnengvaianlha nnelha apeneskamo lhta aplheianma apkeleltennasekamok.