2 Corintios 3:12 - Nuevo Testamento Toba Maskoy

¹² Ka nkanek alel·halhnekama engelvalho'ok angelvetak hata aktaqmanma, angetlhenek na qaselha nak metka nellai'a napaqtavek ketlhengkap ham.

2 Corintios 3:12 ပူးပေါင်းရင်းမြစ်များ

Juan 10:24

Ka apkelvakhengvo'o lhta apkelemhama apmaniaie judios ma'a, lhta aptangkok apkellano: —¿Se lha aknem angeliangvomhok se lha enenlhet lheiap ke, he? Apto la lheiap Cristo, hengeleltennes kolhvave nak, meilhakpo koka —lhta aptangkok.

Juan 16:25

Asietkaske ko'o mota aptemakha Eniapom, koka nkotnengvomok hata alhnakho nkek asketlhekmoskama nak, molhenek hata mokhom asietkeskama la'a.

Juan 16:29

Koka lhta aptangkok apkellano apkeltamesaikamok: —¡Kolhva nak neliavek aptakha nak apaivoma lheiap, melhe nak apietkeskama!

Hechos 14:3

Koka nheklhek nak apkakhaikamok Pablo ka nhan Bernabe m'a akieto Iconio, apkeleltennaseiangka lhnak na ania'a hengamelaiam Apveske enenlhet'avok ma'a metka apkellai'a, ngkanek apkeliamavek nak apkeltakmelkeskamo m'a. Apkellaiangkek nak na m'a apkenmopvanka'a kakpota ellanangkok qaselha mongenatkeskama kakpota nhan qaselha hempelapkeskama.

Hechos 4:13

Nkelpelapkeskangkek nak apkelemhama apmaniaie apkellengai'o m'a apkeleltennaikama apkelteniai'o apiempeiok Pedro kakpota nhan Juan, ngkanek apkeliamavek nak metsavhongvaiakmo apnaqtalhesaikamok ma'a kanhan enenlhet apkellomakha apankavek ma'a. Ka atlheianvekho lhnak na apvalho'ok apkellelto apkeltamesaikamok Jesús ma'a.

Hechos 9:27

Koka Bernabe lhnak apiantemekhak Saulo napaqtavek nema allapaskamo m'a, ka apkeleltennaseiangka lhnak aktemakha apvetai'a Saulo Apveske neksa apmeiekha lhnak amai akieto Damasco. Apaqmetkeskamo lhna lhta Apveske Saulo m'a, netamen ma'a apkeltennaiangka nhan Saulo ania'a aktemakha aplhenammap Jesús metka apkenmenai'a akieto m'a Damasco.

Hechos 9:29

Metka apkai'akha lhnak na aplheianma apvesai'a Apveske m'a, Apkellatemmommakpek nak na m'a griegos, apkellanekhek nak na niekhe apkenmahai'a ennapok ma'a.

1 Corintios 14:19

Koka asvakho la iglesia, ntasek aliekiaksek aliatamaha akiakvatema nempaivoma nke nak, have akto nak ma'a akvenaktema mo'ok nempaivoma nak mangioho.

2 Corintios 10:1

Moklhem'a ketlhengkap apnaqtevaskangkek asvesai'a, apketlheianmo lhnak ngkolatsekama astemakha, lhnak asno la ham apieseksek anak ketlhengkap askeliatekama lhnak nkoiennaktema aspaioma, koka lhnak askapaso la astalheskeskama vakkahak ketlhengkap ham, nkoihek nak aspaioma astalheskama. Hata apketlhengkaso la apkellentepkasekama asvesai'a ham, metka asiekaskama ta aknem alammelhek ma'a apkellelto nak mok apatno'ok. Askelasnema askeltema elvatesangkok apkelentepkasekama asvesai'a, askeltavek na akieplomo apvesai'a Jesús, apto apiamolhma, hengellamelaiam nahan.

2 Corintios 3:11

Aktaqmanma nhan ma'a qaselha lhennenga akmak'o ta nkomaskengvomok, koka neten ankek aktaqmanma qaselha alhnankok metka akmaskengvaiam hata.

2 Corintios 4:13

Nellan'ak ma'a aktemakha lhnak nanek aklheianma Eniapom Neten apaivoma: «Moi'askakmok ko'o m'a, ka nkanek alheianmo nhan», lhnak nane ntemak. Ennengko'o nhan mongeliaskeiakmok Eniapom Neten, ka netlheianmo nak na apvesai'a m'a.

2 Corintios 7:4

Iokhalhmek ankek alheianma nak avanhek ankek ammalhko evalhok askellan'o ketlhengkap ammelhanto evalhok ham. Niekhe nellengaiangko akiavai'a akientalhnema, avanhek ankek koka nhan asvaskapekho kanhan akpaihekha evalhok.

Filipenses 1:14

Neksa apkellengai'a lhnak lhta engelialheng'a asnema nengaqlhengkasemmalhkelha nak, avanhek na lhta apkelvaskapekho apkelpaieskama ania'a aktaqmanma metka apkellai'a akieplomo nhan meliaskeiam Apveske.

Filipenses 1:20

Hai', nkel·halhnema evalhok manghenmangkaksek hata enenlhet'avok, have niapak ankek, elvetak hata aplhamakho akietnema asmopvana aniem'o Cristo, niekhe astema ehalhnankok mokhom nlho ka la angvetsepok hatelhaha.

Colosenses 4:4

Helelmalhneskes hata nhan Eniapom Neten kakpota heiangkok asmopvana altennama ania'a nak ma'a, nietavek ko atnek ma'a.

1 Timoteo 3:13

Ka aktaqmelo la apmakmekama, nkovak hata aknem apkellai'o lhamakho enenlhet'avok ma'a, enietsevasama ta nhan aktaqmanma apnema aniem'o mei'askeiam Cristo Jesús.

Filemon 1:8

Ka ngkanek angvapiosalhkok altok almalhnama lheiap lhema qaselha, evanke niekhe aiennahok alanhok lheiap ngkanek heietave niekhe atnek aniem'o alhelhma mota Jesucristo, koka angvapiosalhkok hata ehenkek alanhok lheiap, vanlha koka askeltavek heiasekho la'a aniem'o heiamelaiam lheiap ngkanek ko'o Pablo asvaneiam, askaklhengkasemmalhkek nahan aniem'o heiasennaikama Cristo Jesús.