2 Corintios 3:1 - Nuevo Testamento Toba Maskoy

¹ Nentangkolha lhta ennengko'o netlhenammalhko engankavek nengeliamolhma, man koka nkomahai'ak angetlhenalhkok enganko'ok engankavek ma'a, apkeliavek na enenlhet'avok nenmangkolha la'a nentaiangkolha nak. Mankaimelhkak angelletsoma vakkahak nema aktalheskama la aktemakha akvetammalhka neliamolhma kakpota angelvetaskeske ketlhengkap, nlho ka la mo'ok iokhalhma nenmak'akha la angenmangkok, mankaimelhkak angelletsoma vakkahak anak nema aktalheskama ngkanek hengeliekpelkavek enenlhet'avok ma'a.

2 Corintios 3:1 ပူးပေါင်းရင်းမြစ်များ

Hechos 18:27

Netamen ma'a Apolo apmahai'o lhnak eniakhak iokhalhma Acaya, nkelleklemavek nak apvalho'ok apkelialheng'a m'a akieto Efeso. Ka apkellaiangko lhnak lhema vakkahak apnaqtalheskama kakpota elletsakhesek ma'a nema altamesaikamok akieto Acaya, apkeleltemo eltaqmelkaso apkenmama takha Apolo m'a. Apvaiakmo lhnak Apolo m'a, avanhek nak apkelpasmoma apkellelto meliaskeiam aniem'o aktaqmanma apkellanei'o Eniapom Neten.

Romanos 16:1

Asmak'ak aleltennaksek lhema aspaioma, enmamok hata takha enialheng Febe akto diaconisa iglesia akieto natemma Cencreas.

1 Corintios 10:33

Askelienlhanakmek ko mota nkollekkasama apvalho'ok aplhamakho enenlhet'avok astemakha, metka asteniai'a ehenkok ehenke', asteniak koka kakpota altakmelkeskesek apkellangiemhaikama emmo'ok la'a kakpota nhan ngkolhek alvongkaso tep.

1 Corintios 16:3

Eliekiesamo ta apankavek na ketlhengkap enenlhet apieseksek anak ham kakpota etsakhak patakkom anak kanha vakkahak aktalhesammalhka akieto m'a Jerusalen.

1 Corintios 3:10

Hetaqmelkeskaskek ko'o askaniemhaikama Eniapom Neten heliekieskama kakpota atnek pa'at aniapom, askellan'ak ko'o akiennakteskama avhak pa'at, po'ok koka apto apkakheskama ietaphaimakko'ok. ¡Ellaho ta m'a eltaqmelkaso ta apkellanai'a pa'at!

1 Corintios 4:15

Tokha m'a mantek apkellelto apketlhekmosekamok apanko'ok ketlhengkap ham, koka ko'o malha lhema asto apiapma'ak apankavek, alheianvai'a lhta ania'a aktaqmanma apieseksek anak ham, ka aptaiangko lhta nhan apkennemolhema apankave nak Cristo,

2 Corintios 10:12

Moklhem'a ketlhengkap apkelietkesakpek po'ok melhnemo, apketlhenkek na aptangko neten apankavek, koka malha metka apqatko'ok la ketlhengkap ma'a, ennengko'o koka manghengeliaqvakmok antangkok ma'a.

2 Corintios 10:18

Koka akhemo m'a angelalhkok enganko'ok engankavek, ntasek koka Apveske nak nkalhkok apvalhok aniem'o nenmakmesaikama m'a.

2 Corintios 10:8

Ka nkanek smak'ak atnek mokhom allanak ketlhengkap, Eniapom Neten hengellangkek nelientalhnemo kakpota angeleltennasangkok ketlhengkap etnangkok na m'a, have niapak ankek ma'a, askeliatema metka askammalhko, metka nhan asmangkaktema. Mankonmahai'ak na annaqtevaksek ketlhengkap, vanlha koka nengeleltemavek angeltakmelkeskesek apkellaniemhaikamaha.

2 Corintios 12:11

Astek ko malha la anema aniem'o anmalhko evalhok ehenkok ehenke, have nhan asto neten ehenke, ketlhengkap koka nkelleniemai'ak mankollekkasekama apvalho'ok hellanhoho, ka nkeniemai'ak na nkalhkok evalhok ehenkok ehenkek aniem'o asmakmekama apieseksek anak ketlhengkap. Snavek na ko'o m'a nema allapaskamo lhta apkellelto lhta neten apankavek apkenmakmeiangka lhta nhan apieseksek anak ketlhengkap.

2 Corintios 12:19

Ketlhengkap elialheng'a askellamelaiam, nkotlhenek hatelha apvalho'ok nellasennammalhka engankoie napaqtavek ketlhengkap, mankaimelhkak antangkok ma'a ngkanek vanlha mota nenteniankok angeltakmelkeskesek apkellangiemhaikama ketlhengkap ham aniem'o nengelelto nengeliamolhma nellasennaikama Cristo, apiavek Eniapom Neten akto have niapak ankek alheianma nak.

2 Corintios 2:17

Moklhem'a enenlhet apkeleltennama ania'a aktaqmanma apkeleltema nkoltaqmelkeskesek apkellangiemhaikama apanko'ok apankavek, ennengko'o koka mantangkok ma'a. Eniapom Neten hengellapaskama, apiavek nahan metka nenteniaikamok enganko'ok engankavek qaselha altakmelkeskama la nellaniemhaikama, netlhenke mota qaselha have niapak ankek aniem'o nelpasmekha mota Cristo.

2 Corintios 5:12

Have nhan neleltemo eltaqmelkasama nelvesai'a hengetlhenek, vanlha koka nengeleltemo angetlhengkeskakhok apvalho'ok aktaqmanma nentaiangkolha ennengko'o kakpota nkolalhkok apvalho'ok ketlhengkap ham hengellanhok ennengko'o. Etlhenek hata nhan nelvesai'a m'a napaqtavek enenlhet'avok apketlhenammakpo nak apankavek apkeliamolhma aniem'o apkelammakpo m'a, mok apatno'ok koka m'a, moka ngkollatsema nhan apvalho'ok.