2 Corintios 2:3 - Nuevo Testamento Toba Maskoy

³ Vanlha lhta askellapaskaso vakkahak alhta ham astalheskama kakpota mellaioseskasek evalhok asvaktamo la ham. Ntasek koka elpaiesekha mota evalhok ketlhengkap, asiavek na ko'o alpaihekho mota apvalho'ok ketlhengkap helvet'o la akpaihekha evalhok asvaktamo la ko'o ham.

2 Corintios 2:3 ပူးပေါင်းရင်းမြစ်များ

1 Corintios 4:21

¿Ko la apkeleltakha atnek asvaktamo ta ham apieseksek anak ketlhengkap, he. Aliamenvata, nlho ka allasekho kanhan nalhepek evalhok, he?

2 Corintios 1:15

Ka nkanek mankotnama evalhok astaienta la amaika'a mokhom ham kakpota nkotnek hanet aktaiekho altakmelekha apvalho'ok ketlhengkap ham.

2 Corintios 1:23

Kolhva nhan asmak'ak alleltennaksek ketlhengkap se kla ktemo ko'o moniekho lhta ham Corinto sekhe lhta, ngkanek nkoihe lhta ngkotnek aspaioma askellaikamok asvakho la ko'o ham, have niapak ankek astakha nak, Eniapom Neten kelha heiaqhek asto la asmopvana ania'a.

2 Corintios 12:11

Astek ko malha la anema aniem'o anmalhko evalhok ehenkok ehenke, have nhan asto neten ehenke, ketlhengkap koka nkelleniemai'ak mankollekkasekama apvalho'ok hellanhoho, ka nkeniemai'ak na nkalhkok evalhok ehenkok ehenkek aniem'o asmakmekama apieseksek anak ketlhengkap. Snavek na ko'o m'a nema allapaskamo lhta apkellelto lhta neten apankavek apkenmakmeiangka lhta nhan apieseksek anak ketlhengkap.

2 Corintios 12:21

Nkak'avek enenniek na astanta mota amaika'a ham hetneskesek Eniapom Neten asmangkaktema napaqtavek ketlhengkap akvakmo ta asveno aniem'o askelvetangvekta apkellanekamok ngkollatsekama mokhom, melieniekha mokhom qaselha akpaisengkeskama nak engvalho'ok, ka aktonak lhamakho qaselha nak apkenmensangveiam alhma kanhan qaselha aknemo nak ma'a henmankaskama.

2 Corintios 13:10

Asnaktalheskaskek vakkahak anak astalheskama akiennaktema aspaioma amanie akvaiam hata ngkotnek ham, kakpota moliennahek askellanei'o asvaktamo ta ham, ngkanek heiangkek Eniapom Neten asientalhnemo kakpota alvanengkeskesek meliaskeiam, have asmahai'a anaktevaksek nahan.

2 Corintios 2:9

Ka vakkahak alhta astalheskeskama asmahai'a aliepkonek ketlhengkap apkelleliehekhavek kelhaha, nlho ka la mma'.

2 Corintios 7:12

Ka asnaktalheskaso lhta vakkahak have asmahai'a angvammelhek ma'a apto apkammelhma, have nhan asmahai'a anio'ok apto nema ammelhma. Asnaktalheskaske lhtoka kakpota elvetak ketlhengkap vanlha mota neleltema nkoltaqmelek apkellangiemhaikama ketlhengkap ham napaqtek Eniapom Neten.

2 Corintios 7:16

Avanhek ko'o nhan akpaihekha evalhok nkanek avanhek moliaskeiam ketlhengkap.

2 Corintios 7:6

Eniapom Neten koka apto hengiatekho niapom, apkapaskama Tito hengke'e kakpota antangkok netlhelhma'ak hengeliatekhok nahan.

2 Corintios 7:8

Asleng'a lhta anmaiosak'a apvalho'ok ketlhengkap aniem'o vakkahak alhta asnaktalheskeskama askellapaskeskama lhta ketlhengkap ham, hetneskaso lhta nhan ko'o akmaiose evalhok hengke'e. Kolhva koka nlheianvakhok evalhok ntasek askelapaskeskamo vakkahak alhta, amanie m'a altemeskeskamo lhna lhta anmaiosak'a apvalho'ok ma'a, koka iakvatakho lhna lhta ntemak ma'a.

2 Corintios 8:22

Asmak'ak na angvapaksek po'ok enialheng eltek na apketlhelhma'ak ham, apto nhan apmahai'o mota epasmok po'ok, avanhek na apmahai'a elpasmok ketlhengkap ham, mang na lhta eliaskeiakmok aptemakha ketlhengkap ham.

Galatas 5:10

Asiave ko'o Apveske ta elpasmok ketlhengkap kakpota mangkotnek mo'ok aktema aklhenaikama apvalho'ok astemakha ko'o. Koka apto la enenlhet apkeliasekamo mota lhma ketlhengkap, ngkolhek hata akiaqmongkaskesakho aptemakha m'a akmak'akha la nkoietoho.

2 Tesalonicenses 3:4

Nengeliavek ennengko'o ketlhengkap apkelleliahakhave mota nengetlhekmosekamo lhta, etlhengkesek hata nhan mokhom ma'a nengetlhekmosekamo lhta aniem'o Apveske engankok.

Filemon 1:21

Astalheskaskek ko'o lheiap asiavek heliehekhok hata, neten ankek hata etnek lheiap apkellanai'a qaselha askeltakha nak etnehek.