2 Corintios 2:12 - Nuevo Testamento Toba Maskoy

¹² Smak'ak aleltennasama ketlhengkap asmeiakho lhta akieto natemma Troade kakpota altennama ania'a aktaqmanma aplhenammap Cristo apto Apveske, apkelpenesave lhtoka apkenmahai'a ellailhok askeltennaikama m'a.

2 Corintios 2:12 ပူးပေါင်းရင်းမြစ်များ

Hechos 14:27

Ka apkelvekho lhnak Antioquia m'a, apkellankesekho lhnak apkellelto iglesia m'a, ka apkeleltennaseiangka lhnak ania'a aktemakha Eniapom Neten apkelanai'a qaselha neksa apketlhengama m'a. Apketlheianmo nhan aktemakha apkelpasmoma mota Apveske kakpota eleltennasangkok na ania'a aktaqmanma metnangko nak judios kakpota meliaskamek na m'a.

Hechos 16:11

Ka nelkananto lhta loma nemmen akiavai'a m'a Troade, netlhengo nelpeivokho akiakiengveiam lhepop akhalhiengkaiam iemmen akvesai'a Samatrocia. Ka akto lhta mo'ok aknem nenmeiakho mokhom apiav'akha temma Neapolis.

Hechos 16:8

Ka apkeliekai'o lhnak iokhalhma Misia, apkelvaiakmo lhnak nekha iemmen aknaktetemmalhkelha loma nemmen akieto natemma Troade.

Romanos 1:1

Ko'o Pablo, heiasennaikama Cristo Jesús, nketlhenkek evalhok ketlhengkap ham. Heliekieskama lhta Eniapom Neten kakpota atnek heiapaskama mota apaiaksek ania'a aktaqmanma apankok ma'a.

1 Corintios 16:9

Mantek na enenlhet apkenmahai'a ellailhok askeltennaikama ania'a aktaqmanma hengke'e, koka apkakhangkek na helammelhaikama hengke'e.

1 Corintios 9:12

Po'ok enenlhet apketlhevangkek na kolhvave nak akianmoma aniem'o apkelpasmoma ketlhengkap, tep ankek ennengko'o hengelietemo nhan angetlhevangkok akianmoma nenmakmekama apieseksek anak ketlhengkap, mang koka nkomak'ak angenmangkok takha m'a kakpota melpaqmetek hengellanho' ennengko'o, malha hennaqtevaskesekha ta nhan etnangkok ania'a aktaqmanma nellengaskama.

1 Corintios 9:14

Apveske nhan apkeltemo etlhevangkok akianmoma apkellelto nak apkelpaieskama ania'a aktaqmanma.

1 Corintios 9:16

Have askammalhko aniem'o askeltennaikama ania'a aktaqmanma, askanemmalhka moiekaksek ma'a, ¡ko'o la ta laie motno la m'a!

2 Corintios 10:14

Lhta mongetlhekmosengko la ketlhengkap, akhemo lhta ngkotnek nelammalhko, koka netlhekmoseiangkek ma'a, emmaniaie lhta nhan nelletsavkeskama ania'a aktaqmanma aplhenammap Cristo.

2 Corintios 11:4

Asleng'a lhta nhan ko'o ania'a ketlhengkap apkenmaiangko lhna lhta takha alleklemo nkek apvalho'ok nema aleltennaskama ania'a mok aktemakha koka netlheianmo na mota apvesai'a Jesús. Hai, apkenmaiangko lhna lhta takha ania'a mok aktemakha nkek ania'a aktaqmanma, apkenmaiangko lhna lhta nhan takha lhema espíritu, have koka m'a Espíritu apketlhevaiangko lhta sekhe lhta.

2 Corintios 11:7

¿Ma nlho ka la ngkoietemo' askeleltennaskama ania'a aktaqmanma aniem'o Eniapom Neten monmamo akianmoma asmakmekama, he? Koneng apankek astaiekha kakpota etnangkok neten apankavek ketlhengkap.

2 Corintios 4:3

Koka ania'a aktaqmanma nak malha akposemmalhka napaqtavek enenlhet'avok apketlheneiam anak,

2 Corintios 4:4

apkeliaskakmek na m'a aniem'o aveske hengke'e nalhepop anak nkeltemeskaskek malha ienaqtesa lhma apaqto'ok. Mankonmak'ak elvetak apommatema akto neten anko ie aniem'o m'a ania'a aktaqmanma nak aplhenammap Cristo apto aknema apmopvana, apnemo nhan Eniapom Neten ma'a.

2 Corintios 8:18

Asmak'ak angvapaksek kolhvave nak Tito ham, aplhelhma nhan lhema enialheng apto aplhenammap amota aplhamakho iglesias apiamolhma m'a, aktaqmanma apmakmekama lhnak na m'a apaieskama ania'a aktaqmanma.

2 Corintios 9:13

Hata apkelvet'o ta m'a apkelpasmoma ketlhengkap ma'a, nkotlhenek hata nhan apvalho'ok ma'a ketlhengkap apkellelto apkelleliehekho ania'a aktaqmanma aniem'o Cristo apkellanemakha etnangkok. Netamen hata m'a eltakneskasangkok, ellahok nahan Eniapom Neten apvesai'a aniem'o metka apkenmeiavkesammakpo mota qaselha apanko'ok ketlhengkap apkellaikamok aplhamakho engelialheng'a m'a.

Colosenses 4:3

Elelmalhnama ta nhan Apveske kakpota hengellangkok ngkeskama nempaieskama ania'a aktaqmanma kakpota angeliekpelkeskeskamhok qaselha akielhammalhka aniem'o Cristo, asnek ko'o kolhvave nak hengke'e nengaqlhengkasemmalhkelha nak aniem'o aspaieskama ania'a aktaqmanma nak.

1 Tesalonicenses 3:2

Ka nellapaso lhta enialheng Timoteo ham apto nhan Eniapom Neten apkasennaikama, nenmakmekamo lhemek nahan nelpaieskama ania'a aktaqmanma aplhenammap Cristo, nellapaske lhta ham kakpota eliatekho, elpasmok nahan nkoliennak meliaskeiam ketlhengkap