2 Corintios 13:5 - Nuevo Testamento Toba Maskoy

⁵ Ellanho ta apvalho'ok apankave ketlhengkap nnangke kelha niekhe aliennaktema meliaskeiam, nkotlheianvakhok hatelha nhan apvalho'ok mankolhnaikamok meliaskeiam Jesucristo.

2 Corintios 13:5 ပူးပေါင်းရင်းမြစ်များ

Juan 14:23

Ka apkatemmongka lhta mokhom Jesús: —Enenlhet apto la heiasekhai'o, apkeliahakhek na aspaioma, ko'o Tata apkamelakmek na enenlhet anak ma'a. Tata ka nhan ko'o angelloka ta lhemek ma'a.

Juan 15:4

Etlhengkes aktemakha nelpasmommalhko nak, lhema aktong la iamet mankoielhnema, nkoiaqtemenalhkak ma'a. Nnavek na ketlhengkap ma'a, mankotiepek na apkellanekamok altaqmelo qaselha helieniakho la nentaikamok nelpasmekha.

Juan 17:23

Askelpasmakhek ko'o m'a, lheiap na apto hepasmekha ko'o, askeltavek na etnangkok apketsavhommakpo apankavek apkelpasmommakpo m'a kakpota elvetak enenlhet'avok akiavai'a apkellamelaiam lheiap ma'a. Nnavek na heiamelaiam ko'o, eliangvomhok hata nhan apto heiapaskama lheiap.

Juan 17:26

Asketlhekmoskek ko'o mota aptemakha lheiap, alhenkesek hata mokhom asketlhekmoskama kakpota etlhengkesek na helpasmekha ko'o m'a, kakpota nhan ellasekhakpok apieseksek ma'a, malha akto nak ennengko'o nellasekhammalhko mota —lhta aptak Jesús apkenmalhno Eniapom.

Juan 6:56

Aptavengko la enenlhet ehepetek anak, apienangko la nhan ema ehenkok anak, nelpasmommalhko nentangkok ma'a.

Juan 6:6

Apkenmalhnema lhta apankek Jesús Felipe eniatemmoma kelhaha, koka apiave lhta niekhe Jesús apmak'akha etnehek.

Romanos 1:28

Mankonmahai'ak enmok takha Eniapom Neten, ka ngkanek etlhekhak kakpota elieplavkesek apankavek ngkollatsekama alketansema apvalho'ok, ellanangkok ngkollatsekama.

Romanos 8:10

Apno la Cristo apvalho'ok ketlhengkap, nietnek na apvalho'ok alhnankok aniem'o Eniapom Neten apkeltemeskeskama apkelpeivomo, koka apkeliokha nak malha aletsepma aniem'o qaselha ngkollatsekama apkellanekamok.

1 Corintios 11:28

Ka ngkeniem'ak nkaimelhkek elanhok sekhe apvalhok apanke, ntase ie nlho ka la mankolatsema, amanie apmahai'a etvok pan kakpota nhan einek vino,

1 Corintios 11:31

Koka nelan'o la sekhek engvalhok ntase ie nlho ka la mangkolatsema amanie nemmahai'a anto'ok, manlhokiek hata nhan nema akiaqmongkasekha nentemakha.

1 Corintios 3:16

Kotlhen hata apvalho'ok ketlhengkap elialheng'a, malha Eniapom Neten apnemakha ketlhengkap, apnek Espíritu apankok Eniapom Neten apvalho'ok ketlhengkap.

1 Corintios 6:15

Askeltavek eliangvomhok ketlhengkap apkeliokha nak malha nhan Cristo apiokha. ¿Ntase nlho nkoipetkak apkeliokha nak, aliokha ngkelvana'ak allanaktema, he? ¡Ma, mangkolatsema m'a!

1 Corintios 6:19

Apkeliavek ketlhengkap apkeliokha nak malha pa'at apnemakha Espíritu Santo apkellaikamo lhta Eniapom Neten, have apanko'ok apankavek apkeliokha nak ketlhengkap, koka apto apanko'ok ma'a Eniapom Neten,

1 Corintios 6:2

¡Ketlhengkap hata nhan etnangkok apkeliekpelkemo apkellanekamok ngkollatsekama nlho ka la aktaqmanma aplhamakho enenlhet'avok alhma nkek ham! ¡Nkelietavek na eliekpelkok ketsek la apkellammelhammap apieseksek anak ketlhengkap ham!

1 Corintios 9:24

Apkeliavek ketlhengkap aktonak nelpaivasemmalhka nak aplhaniek apkeniaikamok ma'a, koka lhema aphapak enaksepok akianmoma. ¡Eltaqmelkaso ta malha aptaikamok apkelpaivasemmap kakpota etlhevangkok akianmoma!

1 Corintios 9:27

Malha astekpoikama koka stak asiokha nak kakpota heliehekho, kakpota nhan mankolhek hetepkeso nhan malha nelpaivasemmalhka nak neksa askeleltennasekamok ko'o.

2 Corintios 6:16

Mangkavanke nkolhnangkok qaselha akiokha la alanemmalhka akieto Eniapom Neten apnemakha, ketlhengkap na malha pa'at apnemakha Eniapom Neten apto memaskengvaiam. Lhnak nanek aptemak Eniapom Neten: «Aloka ta, aiaihama ta nhan apieseksek ma'a, ko'o ta atnek Apveske pankok, etnangkok hata nhan askennemolhema».

Galatas 2:20

kolhva koka alhelhma mota Cristo, have ehenkok ehenkek askaniemhaikama nak, ka lhamakho qaselha nak askelanai'a neksa askaniemhaikama aniem'o m'a moi'askeiam Eniapom Neten Apketka, heiasekhai'o nhan, apkaiangko akvakmo apmatno aniem'o ko'o.

Galatas 4:19

Ketlhengkap eietkak, mokhom aslengaiangko akientalhnema aniem'o ketlhengkap, malha kto nak engken la aklengaiangko akmaska av'alhok aniem'o apmahai'a etiemok atka. Hata nhan ngkotnek aslengaiangko akientalhnema akvakmo aknem etnangkok ketlhengkap malha Cristo.

Galatas 6:4

Ntasek koka moklhem'a nkotlhenalhko nkek apvalho'ok apkellanekamok kelha ngkolatsekama, aktaqmanma, netamen hata m'a nkollaqhama kelha apvalhok. Koka mangkolatsema m'a elietkeskamok aptakha la apkelanai'a po'ok,

Efesios 3:17

Askenmalhneskaskek na eltehek meliaskeiam ketlhengkap Cristo kakpota elhek apvalho'ok ketlhengkap ma'a, kakpota eltemeskesek apkeliennaktema aniem'o apkellasekhammakpo.

Colosenses 1:23

Nkaimelhkek eliennakteksek meliaskeiam anak, metka apkelieniekha m'a alel·halhnekama apvalho'ok elvetak hata aktaqmanma aniem'o ania'a aktaqmanma apkellengai'a lhta, nema aleltennaskamo mota lhmankek ham. Ko'o nhan askeleltennaskama ania'a nak aniem'o lhta heiapaskama Eniapom Neten.

Colosenses 1:27

Hai, apmahai'o lhta nhan elvetaskesek qaselha akielhammalhka akiavai'a nkek apeneskamo lhnak nanek apmak'akha ta etnek kakpota eltaqmelkeskesek apkellangiemhaikama aplhamakho apkellavakha lhmankek ham, Cristo apvesai'a m'a, apmahai'a lhta Eniapaksek Eniapom Neten hengke'e, apsoiakmo lhta nhan alel·halhnekama nak apvalho'ok ketlhengkap kakpota elloka mota lhemek ma'a.

Colosenses 2:19

Ka enenlhet'avok anak ma'a have apkellelto apkelpasmekha Cristo apto nak malha apqatek, apkellaikamok na aptekamok apiokha apkelvanengkeskama la'a, apkelelto nak apkennemolhema. Cristo apkelpasmekho nhan ma'a apkennemolhema apanke, malha aktonak apiokha nak lhema enenlhet nnankek alpasmekha alietetakha kanhan ahak kakpota nkovanamok ma'a apkeltemakha nhan ngkotnek Eniapom Neten.

Colosenses 2:7

Etnamok hata apkeliennaktema aniem'o Cristo, malha aktonak pa'at aliennakteskama avhok anak, eliennaktes hata nhan meliaskeiam anak ka aktemakha lhta mota nema atlhekmoskama, etnamo ta nha mota gracias Eniapom Neten.

1 Timoteo 2:15

Koka ngkelvana nkovongkasalhkak hata tep akvet'o la atka, aklhengkaso la nhan aktema nkoi'askeiam, asekhai'o la nhan mo'ok, alhnai'o la nhan av'alhok, alan'o la mota nhan aktemakha akpeivomo.

2 Timoteo 3:8

Ka enenlhet'avok anak meliamolhma alheno lhkek apkellammelhma hengetlhekmoskama akto nak have niapak ankek, ka aptaiangkolha lhnak nanek ma'a enenlhet apkelvesai'a Janes kakpota nhan Jambres, apkellammelhmo lhnak nanek apketlhekmoskama aplheianma Moises, nnavek na m'a enenlhet'avok anak nenvanlha nak aliaseiangko mota lhma alketamekamok apvalho'ok ngkollatsekama, apkeliaskeiakmek na Eniapom Neten.

Tito 1:13

Have niapak ankek ma'a aktemakha aplheianma m'a, ka ngkanek ntasek eliennahok lheiap aplhamakho apkellelto la apkelvanengvaiam ma'a kakpota eltaqmelkasekhok aptaikamok meliaskeiam ma'a,

Tito 1:16

apketlhengke pankek apkeliangveiakmo aptemakha Eniapom Neten koka apkellanengke mota qaselha apkammelhmakha antek Eniapom neten ma'a, neten ankek meliamolhma m'a kanhan meleliehekhok, mankonmahai'a nha mota ellanangkok qaselha altaqmelo.

Tito 2:2

Nkaimelhkek na metno apketko'ok anak ellapvanak ennavaksek apvalho'ok apankek la'a, etnangkok na apkellai'akha la enenlhet, nkaimelhkek na nkotlhenek apvalho'ok amanie apkenmak'akha la ellanangkok qaselhaha, etnangkok na meliaskeiam akto nak hengetlhekmoskama akpeivomo, ellasekhok na aplhamakho enenlhet'avok, etnangkok na apkeliennaktema apkelvaskapma neksa akvai'a la akientalhnema.

Hebreos 12:15

Elienlhanmamok hata nhan apkenmaikamok qaselha altaqmanma nke' metka akianmoma aniem'o Eniapom Neten kakpota metnangkek ma'a malha aktonak panaktema aikapmen'ok anak akmaska aktevaskama nak enenlhet, akmovana nhan nkovak ma'a.

Hebreos 4:1

Nheklhek mokhom aklhengama Eniapom Neten apeneskamo lhnak nanek apaivoma angelentelhek hata akieto iokhalhma m'a neniamposammalhkelha. ¡Koka ellaho ta m'a eltemengvakho lhma ngkanek melentelhek hatelha ketlhengkap m'a!

Hebreos 6:8

Koka aktepo la vanlha menevke kanhan iammeiak, mankolatsama ta m'a lhepop aktek anak. Ketsek hata nhan nkaimalhkak nema akiemetkeskama ta m'a, netamen ngkolhek hata nhan alvanlhakho m'a.

Santiago 4:4

¡Apnaqtevaskamavek ketlhengkap apkellanei'o Eniapom Neten! Apkeliangveianlha niekhe ketlhengkap apkellelto niekhe apkellasekhai'o ngkollatsekama nak, apkellammelhmek koka niekhe nhan Eniapom Neten, have niapak ankek ma'a.

1 Pedro 5:9

Elammelh hata nhan akieplomo akiennaktema meliaskeiam ma'a, ka aliepkonma nak ketlhengkap nnavek na apkelvetai'a m'a apkelialheng'a aplhamakho lhmankek ham.

Apocalipsis 2:5

Kolheianvakho no apvalhok sekhek anke lhta avanhek ankek lhta heiamelaiam, eniempangvakho ta mokhom lheiap ma'a, ¡eiaqmongkasekha ta mokhom mo'ok apvalhok lheiap! Koka metno ta heng, anianta ta ham annaktengvatak hata alhva nema apommatkeskamakha nak.