2 Corintios 13:4 - Nuevo Testamento Toba Maskoy

⁴ Malha lhta niekhe meiennaktema la neksa nema aliaqlhaklhema apmeio'ok apmanko'ok neten iamet aktenneskama m'a, kolhva koka aploka mokhom aniem'o Eniapom Neten apmopvana. Ennengko'o nhan malha mongeliennaktema la'a ka aktemo lhta nhan Cristo, koka nelpasmekhak Cristo nkeniemai'ak neliennaktema nak, hata angenmama nenmopvanka'a kakpota eltaqmelkeskesek apkellangiemhaikama ketlhengkap ham.

2 Corintios 13:4 ပူးပေါင်းရင်းမြစ်များ

Juan 10:18

Astema ehenkek askaikamok asiennaktema, mamma enenlhet helekkesek ma'a, nietnek asientalhnemo kakpota allangkok, amekhok mokhom takha m'a, ngkanek Tata aptema m'a —lhta aptak Jesús ma'a.

Hechos 2:36

Ellailhono enenlhet ko Israel, have niapak anke ketlhengkap apkeliaqlhaiangke lhta apmeiok apmankok neten iamet aktenneskama Jesús alhta, Eniapom Neten alhto ka aptemeskasak Apveske kanhan Cristo —lhna aptemak Pedro apkellanemo enenlhet'avok ma'a.

Hechos 3:16

Aniem'o koka nhan mei'askeiam apvesai'a m'a aptaqmalvakmo lhkek enenlhet anak hengke'e apkeliekpelkemelha nak ketlhengkap.

Romanos 14:9

Ngkanek apketsepke lhta Cristo kakpota nhan aplhatekhangvakme lhta apieseksek apkenmaskengvaiakmo, aptaiekho nhan apveske takhaplhet'ok apkellelto nak apkeletsepma kakpota nhan aphalhnanko'ok anak.

Romanos 6:4

Neksa lhta nema hengellavkesaikamok konne iemmen, malha lhta nha ntemak nelkatonnammalhka lheme Cristo m'a, malha lhta nhan neletsepma lheme. Koka akmaskemakha lhta nhan hengenmaikama mongeliamolhma m'a, kolhva koka envanka'a mota angellanangkok qaselha altaqmelo, nnavek ma'a Cristo aplhatekhangveiakmo lhta apieseksek apkenmaskengvaiakmo aniem'o akiavai'a apmopvana Eniapom Neten.

1 Corintios 1:25

Niekhe moklhem'a enenlhet atlhenaikama apvalho'ok taikama nkek ania'a nak, koka akto neten ankek nema akiamo m'a, mamma enenlhet etnek ma'a aptemakha nak Eniapom Neten apkelanai'a. Niekhe moklhem'a enenlhet atlheianma apvalho'ok nkoiennaktema apiempek Eniapom Neten, koka have m'a, apiennaktema apankek ma'a, mamma enenlhet elhohok ma'a.

1 Corintios 15:43

qaselha atonnammalhka nak have akmamose m'a, mankoienna'ak ma'a. Koka aktekteiapma nak akto aktaqmanma nkek ma'a, nkoihek nahan.

1 Corintios 2:3

Asketlhekmoske lhta napaqtavek ketlhengkap nalhepek evalhok kanhan ai'o enneniek anvapsongkesek asmakmekama.

1 Corintios 6:14

Aptemakha lhta Eniapom Neten aptemeskasekho lhta aphalhnankok apieseksek apkenmaskengvaiakmo Apveske, hata nha ngkotnek ennengko'o m'a aniem'o apmopvana.

2 Corintios 10:10

Moklhem'a lhna mota hetlheianmak aliennai'o astalheskama, akiennaktema nhan, lhnoka napaqtavek la'a moiennaktema lhnak, moientalhnemo lhnak na.

2 Corintios 12:10

Avanhek na akpaihekha evalhok neksa moiennaktema la'a, neksa aimommalhka nhan qaselhaha, nema heiaqmasekama, neksa akvai'a akientalhnema aniem'o enenlhet apkenmahai'a henaqtevaksek aniem'o nhan moi'askeiam Cristo. Neksa moiennaktema apankek la'a, malha asiennaktema pankek ntakhak ma'a.

2 Corintios 13:9

Hai, niekhe mongeliennaktema, nkaqhok koka nkelpaihakhek engelvalho'ok ngkanek melleiha songkek ketlhengkap, nengelmalhneskaskek na lhamakho aknem kakpota nkanantangkok apketsavhongvaiakmo apkeliangveiakmo.

Filipenses 3:10

Asmak'ak aiavenkasangkok mokhom asiangveiakmo Cristo, asmak'ak na annangkoho nema akmovana aklhatekhaskeiakmo lhnak Cristo apieseksek apkenmaskengvaiakmo, ntasek na annangkok akientalhnema akvakmo asketsepo aptemo lhta nhan apkaniemhaikama m'a Cristo,

Hebreos 5:7

Neksa apkaniemhaikama lhta Cristo hengke'e nalhepop anak apkenmalhnongkomo lhta akieplomo akiennaktema apkeleklhangvekama apkeltemo eiekakse' niekhe apketsepma. Ka aplengai'o lhta nhan Eniapom Neten ma'a aniem'o apkeliehekho mota m'a.

1 Pedro 3:18

Ka ktemo lhta nhan Cristo aplengaiangko aniem'o nellanekamok ngkollatsekama, apmesemmakpo lhta apankek ma'a lhema aktema nhan ma'a, mankaimelhkak mokhom enietsepok ma'a. Mamma lhta niekhe nhan aptemengveiakmo la lhma Cristo, koka aplengaiangke lhta m'a aniem'o hengelpasmoma nengelelto nak nellanekamok ngkollatsekama, apmahai'a nhan henlaqlakhak napaqtek Eniapom Neten ma'a. Apketsepme lhta nhan aptemo nak enenlhet enietsepok hengke'e, koka netamen nnengke lhta aklhatekhaskeiakmo m'a, ka aniemhaiangka lhta nhan apiempek ma'a.

1 Pedro 3:22

apmeiekho lhta neten, apnekho akiennakha apoktong Eniapom Neten, aptemengvekho nhan apveske apieseksek ángeles kanhan enghangok aknema anmovanka'a, alientalhnemo nhan ma'a.