2 Corintios 13:11 - Nuevo Testamento Toba Maskoy

¹¹ Hai, ka m'a, askeltavek ko'o nkolpaihekha mota apvalho'ok ketlhengkap elialheng'a ham, elienlhanmamok hata mota apkenmahai'a eletsavhongvomhok apkeliangveiakmo, eliatamo ta mota po'ok, elloka ta lhemek aknemo mo'ok apvalho'ok kanhan metka akmaska nak apieseksek anak ketlhengkap ham. Eniapom Neten apto niapom aktaqmelaikama engvalho'ok anak kanhan nengamelaiam, etnangkok apketlhelhma'ak amota ham.

2 Corintios 13:11 ပူးပေါင်းရင်းမြစ်များ

Marcos 10:49

Ka apkenengvaiakmo lhnak Jesús ma'a, lhnak aptemak: —¡Ellavamanoho! —lhna aptemak. Ka apkellaveiangka lhnak enenlhet Bartimeo m'a, lhna aptaiangkok: —¡Elheng nak, meniaga, Jesús apkavemaha! —lhna aptaiangkok ma'a.

Marcos 9:50

Iasek akto aktaqmanma nenmaikama, koka akmasko la akmaska m'a, mmaskek na nemmangka m'a, nelhakkek nahan. Nnavek na ketlhengkap, etnamok hata nema anmaikama malha akto nak iasek. Ellanamok hata aktaqmanma, elloka ta panko ie' metka apkennapommap —lhna aptemak Jesús.

Lucas 9:61

Lhna aptemak na mokhom apkanemo po'ok enenlhet: —Apveske, asmak'a niekhe nhan ko lha aieploma lheiap, koka smak'ak sekhek atnek akpaiveskekha' askelanei'o askennemolhema —lhna aptemak.

Juan 17:23

Askelpasmakhek ko'o m'a, lheiap na apto hepasmekha ko'o, askeltavek na etnangkok apketsavhommakpo apankavek apkelpasmommakpo m'a kakpota elvetak enenlhet'avok akiavai'a apkellamelaiam lheiap ma'a. Nnavek na heiamelaiam ko'o, eliangvomhok hata nhan apto heiapaskama lheiap.

Hechos 15:29

metavankek nentoskama nak nengaqhema nengaikamok anak qaselha akiokha alanemmalhka ankok. Metavankek na ema, metavankek na nentoskama akvaivekamok atsepma nak, kakpota nhan metnangkek na apkenmensangveiam alhma manganemmalhkelha nak antangkok. Ka apkelleliahakho la ketlhengkap nema alaskamakha nak etnangkok, ngkotnek hata akpeivomo apkellanekamok ma'a. Hai, ntase ta ngkotnek ma'a.

Hechos 18:21

Lhna aptemak Pablo: —Staqhakhek ko'o, avatak hata mokhom apkelto la Eniapom Neten —lhna aptemak. Ka apkanetvekho mokhom loma nemmen, apteiapmo m'a Efeso,

Hechos 23:30

Asleng'ak lhek na ania'a apkenmahai'a ennapok Pablo m'a moklhem'a judios, ka ngkanek askapaso nak apnakha lheiap kakpota elanhok qaselha akvetammalhka. Askeleltennaskek lhek na judios apkellelto apketlheianma ngkolatsekama apkelanai'a Pablo, enmeiantak nahan napaqtek lheiap kakpota elpaqmetkesek ham. ¡Hai, ntasek hata ngkotnek apnema lheiap ham!

Romanos 12:16

Elienlhanmamok hata nhan ellanangkok metka akmaska apieseksek ketlhengkap, metnamo nkek apkellammakpo eltemeskasentak koneng metka nak apkelletsekama, ntasek koka elpasmekhak ma'a, metnamo nkek apketlhenammakpo apankavek nema apkeliangveiakmo.

Romanos 12:18

Apkellapvankelha la'a, eteniamok hata apiempeiok ellanangkok metka akmaska napaqtavek aplhamakho enenlhet'avok.

Romanos 14:19

Hai', angellanangkok hata lhamakho nke nak kakpota nkovak altaqmelaikama engelvalho'ok kakpota nkovanamok lhemek aliennaktema engelvalho'ok aniem'o nelpasmommalhko.

Romanos 15:13

Hai, Eniapom Neten apto niapom al·halhnekama engvalho'ok angvetak aktaqmanma, ellangkok hata alpaihekha apvalho'ok kakpota nhan altaqmelaikama apvalho'ok apkellelto nak meliaskeiam apvesai'a m'a, ellaneskasangkok hata nhan apvalho'ok alel·halhnekama elvetak hata aktaqmanma aniem'o Espíritu Santo apmopvana.

Romanos 15:33

Hai, askeltavek ko'o Eniapom Neten apto niapom aktaqmelaikama engvalho'ok, etnangkok hata mota nhan apketlhelhma'ak moklhem'a ketlhengkap ham. Amen.

Romanos 16:20

Ketse nkaimelhka Eniapom Neten apto aktaqmelaikama engvalho'ok aniapom apteiokmek apaieskamo Satanas, epekkanvetak hata nhan koneng apmangkok ketlhengkap ham. Hai', askeltavek ko'o Apveske engankok Jesucristo eltaqmelkeskesek apkellaniemhaikama ketlhengkap ham.

1 Corintios 1:10

Ketlhengkap elialheng'a, askelelmalhneskaskek akieplomo apvesai'a apveske engankok Jesucristo ntasek etnangko mota aknemo mo'ok apvalho'ok apieseksek anak ketlhengkap ham. Metka nhan apkelhpaknaikama, vanlha etnangkok apkelpasmekha ham. Etnamok hata aknemo mo'ok apvalho'ok atlhenaikama kanhan aknemo mo'ok apvalho'ok apkenmak'akha la etnangkok.

2 Corintios 1:4

Hai, apaieskakmek engelvalho'ok neksa akvai'a la akientalhnema m'a kakpota nhan envanka'ak ennengko'o angelpaieskamok apvalho'ok emmo'ok la'a neksa akientalhnema, ka aktemo lhta nhan ennengko'o alpaihengvaiakmo engvalho'ok aniem'o Eniapom Neten.

2 Corintios 13:9

Hai, niekhe mongeliennaktema, nkaqhok koka nkelpaihakhek engelvalho'ok ngkanek melleiha songkek ketlhengkap, nengelmalhneskaskek na lhamakho aknem kakpota nkanantangkok apketsavhongvaiakmo apkeliangveiakmo.

Efesios 4:12

Apketsavheskeskakme lhta nhan apkeliangveskeskaiakmo m'a apkellelto apkelpokkenammap kakpota etnangkok apkellasennaikama, kakpota enmakmesama elvanengkeskesek malha apiokha m'a Cristo,

Efesios 4:3

Elienlhanmamok hata mota aptaikamok apkelpasmommakpo aniem'o Espíritu aniem'o nhan altaqmeliakama apvalho'ok anak.

Efesios 6:23

Hai, ntase', avanhek askeltemo Eniapom Neten kakpota nhan Jesucristo evaivesentak altaqmelaikama envalhok anak, nengasekhai'o kakpota nhan moniaskeiam takhaplhet'ok engelialheng'a ham.

Filipenses 1:27

Vanlha askeltavek allangkok lhema aspaioma askellanemakha etnangkok ketlhengkap, ellanamo mota qaselha akpeivomo nkoie aktemakha nak hengetlhekmoskama ania'a aktaqmanma aniem'o Cristo, nkaqhok moniakhe' nlho ka la aniakhak ham askeltavek koka aiho ehenke nheklhek kelha aliennaktema meliaskeiam, aknemo nhan mo'ok apvalho'ok apkellammelhma la nhan akientalhnema akvai'a la'a aniem'o m'a meliaskeiam ania'a aktaqmanma.

Filipenses 3:16

Ntasek angelloka mota aktakha la akietnema mongiaskeiam.

Filipenses 4:2

Askeltavek ko'o angvapiosama alanhok Evodia kakpota nhan Sintique nkotnangkokhak aknemo mo'ok atlheianma av'alho'ok ngkanek engelialheng'a aniem'o Apveske.

Filipenses 4:4

¡Kolpaihekha ta mota apvalho'ok aniem'o apkelpasmekha Apveske, hai, kolpaihekha ta mota apvalho'ok!

Filipenses 4:9

Ellanamok hata mota lhamakho astemakha lhta mota asketlhekmoskama apkelvetai'o lhta askellanai'a, elvanamok hata mota astemakha nak, netamen Eniapom Neten apto nak aktaqmelaikama envalhok aniapom etnangkok hata mota apketlhelhma'ak ma'a.

1 Tesalonicenses 3:10

Nengelmalhnekama nengasnekama nhan Eniapom Neten lhamakho aknem kakpota angelvetekhak mokhom, ampasmok etsavhongvomho' meliaskeiam alaimommalhka ketlhengkap.

1 Tesalonicenses 4:1

Ketlhengkap elialheng'a, neleltennaskek lhema nempaivoma akieplomo apvesai'a apveske engankok Jesús, eltaqmelkasakpo ta lhamakho aknem ngkanek apiaspongkomakha Eniapom Neten ma'a, ka nentaiangkolha lhta nhan nengetlhekmoseiangko ketlhengkap ma'a, kolhva apkelleliahakhavek na ketlhengkap ma'a.

1 Tesalonicenses 4:18

¡Ntasek elpaqmetkesakpok apankavek apieseksek anak ketlhengkap ham ania'a nak kakpota nkoliennekho mota apvalho'ok!

1 Tesalonicenses 5:13

Ellaho mota malha apkelpetma la'a, ellasekho ta nhan ngkanek apkelpasme mota ketlhengkap ma'a, elloka ta nhan metka akmaska apieseksek anak ketlhengkap ham.

1 Tesalonicenses 5:16

Kolpaihekha koka mota apvalho'ok,

1 Tesalonicenses 5:23

Nengeleltavek na Eniapom Neten apto aktaqmelaikama engvalhok etnek na apkelpokkanma ketlhengkap, eltaqmelkesek apvalho'ok, apkelvanmongkoma kanhan apkeliokha kakpota etnangkok metka apkeltemengveiakmo lhma akvakmo apvaktamo ta apveske engankok Jesucristo.

2 Tesalonicenses 2:16

Jesucristo apto apveske engankok, Eniapom Neten apto eniapma'ak apto nhan hengellamelaiam, apkelpaieskaiam amota engelvalho'ok, hengellaiangko nhan aktaqmanma nkoie' alel·halhnekama engelvalho'ok qaselha nkovak hata.

2 Tesalonicenses 3:1

Engelialheng'a, nengeleltavek na ennengko'o hengellelmalhneskesek kakpota envanka'ak angelpaiaksek ania'a aplhenammap Apveske lhmankek ham kakpota ngkotnek na aktaqmanma apkenmaikamok takha enenlhet'avok ka aktemo lhta ketlhengkap ham apieseksek anak.

2 Tesalonicenses 3:16

Hai, askeltavek Apveske apto aktaqmelaikama engvalhok aniapom ellangkok metka altaikama apvalho'ok neska akvai'a lhamakho aktemakha akientalhnema, etnangkok hata mota apketlhelhma'ak ma'a.

2 Timoteo 2:22

Koka enienieta lheiap neksa akvai'a apvalhok atsepma apneniek aniem'o apketkok, etenia toka mota akpeivomo qaselhaha, mangiaskeiam anak, nengasekhai'o nhan. Etne ta nhan metka akmaska apkelpasmakho la aplhamakho apkellelto nak apkellasennaikama Apveske akieplomo nhan alalhnai'o apvalho'ok.

Hebreos 12:14

Ellasekhakpo mota aplhamakho, ellanamok hata nha mota qaselha altaqmelo ngkanek vanlha apkellelto la apkeliamolhma apankave nak apvanka'ak hata m'a elvetangvomok Apveske.

Hebreos 13:20

Eniapom Neten apto aktaqmelaikama envalhok aniapom, apto lhta nhan aplhatekhaskeiam apieseksek apkenmaskengvaiakmo apveske engankok Jesucristo, apto aptaqmanma apkellanekama nepkesek, aniem'o ema apankok aiangko nhan ma'a akiennaktema annemo mo'ok anak apvalho'ok apkenmahai'akha ta etnangkok ma'a mangkotnengvaiam annelha.

Santiago 1:4

Koka nkaimelhkak elvaskapok akvakmo aktakha nnelha akientalhnema apkelvetai'a, netamen hata m'a nkovak aptaikamok apketsavhongvaiakmo apkeliangveiakmo m'a, nkolhnangkok hata nhan lhamakho aktemakha apkeltaqmanma.

1 Pedro 3:11

Eieniekhak na qaselha ngkolatsekama, elanak na qaselha altaqmelo, etenia mota nhan metka akmaska.

1 Pedro 3:8

Hai', ka m'a, ¡mellaskesap ankek ame' apieseksek anak ketlhengkap! Elhneso ta mota nhan atlhenaikama apvalho'ok po'ok la'a, ellasekhakpo malha apkelialheng'a apankavek la'a, etnamok hata nhan apkeliamolhma kanhan nalhep'avek apvalho'ok.

1 Pedro 5:10

Koka apkelvaskapo la akiakvatakho nkek apkellengaiangko akientalhnema, eltemeskesek hata nhan apkelpeivomo Eniapom neten ma'a, eliennakteksek hata nhan, elteniaskesek hata nhan apiempeiok, ellangkok hata nhan apkeliangveiakmo aktemakha apkelvetai'a. Hai, etnek hata Eniapom Neten ma'a ngkanek avanhek apkellamelaiam ketlhengkap ma'a, apkeliekieskek na kakpota elpasengvomok aktakmelakha nkek nkotnengvaiam annelha apkelpasmekha Jesucristo.

Apocalipsis 22:21

Hai', ka m'a, askeltavek ko'o Apveske Jesús eltaqmelkeskesek apkellaniemhaikama aplhamakho ketlhengkap ham.