2 Corintios 12:21 - Nuevo Testamento Toba Maskoy

²¹ Nkak'avek enenniek na astanta mota amaika'a ham hetneskesek Eniapom Neten asmangkaktema napaqtavek ketlhengkap akvakmo ta asveno aniem'o askelvetangvekta apkellanekamok ngkollatsekama mokhom, melieniekha mokhom qaselha akpaisengkeskama nak engvalho'ok, ka aktonak lhamakho qaselha nak apkenmensangveiam alhma kanhan qaselha aknemo nak ma'a henmankaskama.

2 Corintios 12:21 ပူးပေါင်းရင်းမြစ်များ

Romanos 13:13

Koka elloka m'a malha atsak'elha lhma nak, ellanamok qaselha altaqmelo. Melpasengvom ankek melleskama etavangkok aptekamok, melleskama nak einangkok anmen, menmensangvomanke lhma, mellanamo nkek na qaselha ngkollatsekama, metka apkennapommap nahan, metka nhan apiasepkeskaiam qaselha apanko'ok la po'ok.

Romanos 9:2

Avanhek ankek akmaiose evalhok, aslengaiangko nhan

1 Corintios 5:1

Nlengammalhkek ania'a lhema aphapak apieseksek ketlhengkap apmensavekha iama ngken ham, koka akto ngkolatsekama nkek ma'a, mamma nhan akvetai'o qaselha nak ngkolatsekama apieseksek anak melioho nak mokhom Eniapom Neten.

2 Corintios 10:6

Nellanakhek ennengko'o nentangkolha kakpota angeliaqmongkaskesekhak hata m'a aptaiangkolha apkellelto nak meleliehekhok, koka amanie nkek sekhek nkaimelhkek ketlhengkap eleliehekhok akiokho nkoie.

2 Corintios 12:7

Akvai'o lhta mota nhan apaskama Satanas kakpota hetvaksek ko'o, malha helielhaqlhema lhta mota ntemak ketama eiempehek kakpota mankovhek askammalhko aniem'o asvetai'a akvetai'a ehaqtek.

2 Corintios 13:2

Askeleltennaske lhta sekhe lhta astaiento lhta amaika'a ham aktemo hanet asvekta ham, atnek hata akiennaktema aspaioma askellanei'o apkellelto apkellanekamok anak ngkollatsekama, alhenekhok hata mokhom kolhvave nak, atnek hata askeliennai'o askellanei'o asto ta amaika'a mokhom ham.

2 Corintios 8:24

¡Ellasekho ta apkelvaktamo ta ham! Kakpota elvetak aplhamakho apkellelto iglesias nkoietok na alammalhko engvalho'ok aniem'o ketlhengkap.

Galatas 5:19

Alhnakho nkek nenvetai'a qaselha aniem'o akiaspongkomakha nak engvalhok, ka kto nak nelanaktema, nenmensangveiam alhma', nelanai'a qaselha ngkolatsekama lhamakho.

Colosenses 3:5

Ennapekha' ngkollatsekama anmahai'o apvalho'ok, elvatesamok apkenmensangveiam alhma, mellanamok qaselha malha alpaisengkeskama nak apvalho'ok, mellanko nkek nkoliatangkok apvalho'ok allapelhkasekama apnenio'ok ellanangkok qaselha ngkollatsekama, meleliehekho nkek na aliaspongkomakha nak apvalho'ok, metnamo nkek na apkenmeiavkesammakpo qaselhaha ngkanek malha apkeltakneskasekamok qaselha akiokha la alanemmalhka m'a.

Hebreos 13:4

Eleliehekho ta mota apnaqteiangka'a, etlhengkes hata mota aktaqmanma nkek apkelpathetaikamo mota apnaqteiangka'a ngkanek eiekpelkok hata apkeltemakha Eniapom Neten apkellelto la apkellanaktema kanhan aptevaskama la aliemhapma.

2 Pedro 2:18

Etlhenakpo apankavek apkelammakpo, koka aqhemo m'a, apkenmopvanka'a ania'a, apkeliennengkaskek ma'a atlhenkeskama nak apkelvatesaikamok meliamolhma kakpota etnokhak mokhom alleniem'o nak ma'a aliaspongkomakha nak apvalho'ok.

Judas 1:23

elvongkes hata nhan tep eleiveskakhak apkellelto nak apkakhaikamo nak aiseksek talha, ellapioso ta nhan ellanhok ma'a meliamolhma nak. ¡Koka ellaho'! Melpasengvom ankek ma'a apkellanengko la ngkollatsekama ngkanek akvakho apkelentalhnema malha aliepetkai'a la meliamolhma m'a.

Judas 1:7

Apkellengaiangkek nak nek na akientalhnema enenlhet'avok ma'a ko Sodoma kanhan Gomorra kanhan mo'ok apkellavakha nekhav'ak apkennemolhema. Apkellaneiangko lhnak na ne mota apkellanaktema manganemmalhkelha nak antangkok, apkenmekho lhnak nanek na apkenno lhemek ma'a. Lhnak na nek na nkeniemai'ak ma'a apketlhevaiangko nema aliaqmongkasekha aptaiangkolha akieplomo talha metka aksepanai'a kakpota nhan ngkotnek nema allaskama aplhamakho enenlhet'avok ellanangkok aktemo nak ma'a.

Apocalipsis 21:8

Koka enenlhet la ai'a apvalhok, apiaskeiam, aposkama qaselha, apkaqhema po'ok, apkenmensangveiam alhma, aptema apiolhma melatsekama, apiavenkaskesaikama akvesai'a qaselha akiokha alanemmalhka kakpota nhan apmopvana ania'a, ngkolhek hata akiantemakho akieto m'a sanga akietnemakha alaivomakha talha kanhan azufre, koka akvesai'a m'a hanet aktaiekho nengetsepma —lhta aptak heiano m'a.

Apocalipsis 22:15

Koka melentelhek hata m'a malha aptangko nak semheng, apkellelto nak na apkeliatmekama la apkeliolhma mellatsekama, apkenmensangveiam alhma, ntekioma niapma'ak, kanhan apkellelto nak apkelteklheikamok aptapno'ok naqtek qaselha akiokha alanemmalhka, alleklemo mota nhan apvalho'ok eliennengkesek po'ok.

Apocalipsis 22:20

Apto lhkek hepaqmetkeskama, lhke aptak: —¡Kolhvavek hata avatak ham, have niapak ankek! —¡Amen, ntase', elheng apveske Jesús!