2 Corintios 12:19 - Nuevo Testamento Toba Maskoy

¹⁹ Ketlhengkap elialheng'a askellamelaiam, nkotlhenek hatelha apvalho'ok nellasennammalhka engankoie napaqtavek ketlhengkap, mankaimelhkak antangkok ma'a ngkanek vanlha mota nenteniankok angeltakmelkeskesek apkellangiemhaikama ketlhengkap ham aniem'o nengelelto nengeliamolhma nellasennaikama Cristo, apiavek Eniapom Neten akto have niapak ankek alheianma nak.

2 Corintios 12:19 ပူးပေါင်းရင်းမြစ်များ

Romanos 12:19

Ketlhengkap elialheng'a, meliaqmongkasekha nkek meliamolhma apkellanei'o po'ok, Eniapom Neten hato ka eliaqmongkaskesekhak aptaiangkolha meliamolhma m'a. Lhnak nanek aptemak Eniapom neten: «Ko'o ta aietkeskesek apkeltemakha meliamolhma, aiaqmongkasekhak hata nhan aptakha m'a», lhna aptemak Apveske.

Romanos 14:19

Hai', angellanangkok hata lhamakho nke nak kakpota nkovak altaqmelaikama engelvalho'ok kakpota nkovanamok lhemek aliennaktema engelvalho'ok aniem'o nelpasmommalhko.

Romanos 15:2

Ntasek koka anteniangkok nkollekok na apvalho'ok emmo'ok, angellanak na aktaqmelo qaselha kakpota nhan ngkotnek nempasmekha nenlhamakho akvanekamok.

Romanos 9:1

Have niapak ankek asmak'akha nak atnek alheianma, metka asmopvana ania'a ngkanek moi'askeiam Cristo, kanhan Espíritu Santo apmaikama mota aklhenaikama nak evalhok.

1 Corintios 10:14

Ka nkanek ma'a elialheng'a askellamelaiam, ntasek enieniangkok ma'a naqtek qaselha akiokha alanemmalhka.

1 Corintios 10:33

Askelienlhanakmek ko mota nkollekkasama apvalho'ok aplhamakho enenlhet'avok astemakha, metka asteniai'a ehenkok ehenke', asteniak koka kakpota altakmelkeskesek apkellangiemhaikama emmo'ok la'a kakpota nhan ngkolhek alvongkaso tep.

1 Corintios 14:26

Elialheng'a, hata apkaknakho ta nempaivoma alhankok ketlhengkap, ntasek ma'a napokha ennekmasangkok salmos, napokha ta nhan etlhekmosangkok, napokha ta nhan etlhenek Eniapom Neten apaivoma, napokha nhan elpaqmetama mo'ok nempaivoma melioho nak, napokha nhan apkelpeivesekha m'a. Elienlhanmamok hata apkeltakmelkeskeskama la apkellangiemhaikama po'ok.

2 Corintios 10:8

Ka nkanek smak'ak atnek mokhom allanak ketlhengkap, Eniapom Neten hengellangkek nelientalhnemo kakpota angeleltennasangkok ketlhengkap etnangkok na m'a, have niapak ankek ma'a, askeliatema metka askammalhko, metka nhan asmangkaktema. Mankonmahai'ak na annaqtevaksek ketlhengkap, vanlha koka nengeleltemavek angeltakmelkeskesek apkellaniemhaikamaha.

2 Corintios 11:10

Hai, nkalhkek ko evalhok ehenkok ehenkek ma'a, apkeliavek ketlhengkap have niapak ankek ma'a astakha nak, meltemo Cristo atnama asmopvana ania'a.

2 Corintios 11:31

Eniapom Neten apto apiapom Apveske engankok Jesús, nietavek aniavenkaskesama apvesai'a m'a, apiavek na motnema asmopvana ania'a alheno lhkek.

2 Corintios 12:15

Nnavek na ko'o ntasek ankek aietepok lhamakho qaselha ehenkok anak kakpota nkoltaqmelkeskesek apkellangiemhaikama ketlhengkap, ntasek na nkovaiventak asmakmose aniem'o hellasennaikama ketlhengkap. Niekhe akvanekamok askellasekhai'o ketlhengkap, aselhtek koka nhan hellasekhai'o ketlhengkap.

2 Corintios 13:10

Asnaktalheskaskek vakkahak anak astalheskama akiennaktema aspaioma amanie akvaiam hata ngkotnek ham, kakpota moliennahek askellanei'o asvaktamo ta ham, ngkanek heiangkek Eniapom Neten asientalhnemo kakpota alvanengkeskesek meliaskeiam, have asmahai'a anaktevaksek nahan.

2 Corintios 2:17

Moklhem'a enenlhet apkeleltennama ania'a aktaqmanma apkeleltema nkoltaqmelkeskesek apkellangiemhaikama apanko'ok apankavek, ennengko'o koka mantangkok ma'a. Eniapom Neten hengellapaskama, apiavek nahan metka nenteniaikamok enganko'ok engankavek qaselha altakmelkeskama la nellaniemhaikama, netlhenke mota qaselha have niapak ankek aniem'o nelpasmekha mota Cristo.

2 Corintios 3:1

Nentangkolha lhta ennengko'o netlhenammalhko engankavek nengeliamolhma, man koka nkomahai'ak angetlhenalhkok enganko'ok engankavek ma'a, apkeliavek na enenlhet'avok nenmangkolha la'a nentaiangkolha nak. Mankaimelhkak angelletsoma vakkahak nema aktalheskama la aktemakha akvetammalhka neliamolhma kakpota angelvetaskeske ketlhengkap, nlho ka la mo'ok iokhalhma nenmak'akha la angenmangkok, mankaimelhkak angelletsoma vakkahak anak nema aktalheskama ngkanek hengeliekpelkavek enenlhet'avok ma'a.

2 Corintios 7:1

Elialheng'a askellamelaiam, ka nkeniemai'ak ma'a apneskamo aplheianma hengellangkok hata Eniapom Neten, ntasek hengellalhnaskesek neliokha kanhan engvalho'ok aniem'o altamekha ngkollatsekama, antangkok neliokho engankavek nelalhnai'o aniem'o nellai'o Eniapom Neten.

Filipenses 4:1

Ka m'a astakha lhkek askellano, ntasek etlhengkesek akiennaktema nkek apkelleliehekho Apveske ketlhengkap elialheng'a askellasekhai'o, heliepvaiakmek nahan, apkelpaiesekha mota evalhok, malha akianmoma la alhevai'a asnaksepma askelhanma epatek ketlhengkap.

1 Tesalonicenses 5:11

Ka ngkanek ntasek eleliatekhok po'ok, eleliennakteskasekhok na apvalho'ok po'ok lhamakho aknem.

Hebreos 6:9

Ketlhengkap elialheng'a askellamelaiam, nkoihek ania'a asietkeskama lhkek, koka asiavek ko'o etlhevangkok hata ketlhengkap qaselha altaqmelo aniem'o m'a nengelvongkasemmalhka nak tep.