2 Corintios 12:14 - Nuevo Testamento Toba Maskoy

¹⁴ Aspenesavek askelanekha astakha kakpota atnentak amaika'a mokhom ham, hanetolhema ta ngkotnek astema amaika'a, moleltok na ketlhengkap hellangkok qaselha astoma la ham. Momak'ak na al·hatsoskasangkok qaselha apanko'ok, vanlha koka smak'ak alpasmok ketlhengkap ham. Malha aktonak eniapom la'a apkankeskasekamo mota qaselha kakpota ellangkok apketkak, have apketkak ellankeskasangkok qaselha apiapma'ak la'a.

2 Corintios 12:14 ပူးပေါင်းရင်းမြစ်များ

Hechos 20:33

Apkeliavek ketlhengkap metka askelelmalhnekama lhta askeleltalhnema la'a kakpota nhan patakkom.

1 Corintios 10:24

Mangkolatsema anteniangkok aktaqmanma nellaniemhaikama enganko'ok engankavek la'a, koka ntasek anteniangkok ma'a neltaqmelkeskeskama la apkellangiemhaikama emmo'ok.

1 Corintios 10:33

Askelienlhanakmek ko mota nkollekkasama apvalho'ok aplhamakho enenlhet'avok astemakha, metka asteniai'a ehenkok ehenke', asteniak koka kakpota altakmelkeskesek apkellangiemhaikama emmo'ok la'a kakpota nhan ngkolhek alvongkaso tep.

1 Corintios 11:34

Koka annapo la mek amanie la apkenmahai'a enmeiakhak nemaknekhelha, ntasek etavokha ma'a apkakhaiangkolha apankave nak kakpota mellanie qaselha ngkolatsekama m'a akieto nak nemaknekhelha, metlhokiek na nema akiaqmongkasekha la'a apkeltemakha. Hai', vanlha m'a, hata asvaktamo ta mokhom astaikama la amaika'a ham, anmaskeskatak hata lhamakho aktemakha akientalhnema apkakhaikamok ham.

1 Corintios 16:5

Koka amanie sekhek hata aniakhak ma'a iokhalhma Macedonia, netamen hata avatak ham Corinto.

1 Corintios 4:19

koka kolhvavek hata avatak ham apkelto la Apveske, alvetangvetak hata apkellelto nak aliephesekama apkellammakpo, vanlha koka mok apatno'ok niapma'ak ma'a, atengvatak hatelha apkenmopvanka la ellanangkok qaselha.

1 Corintios 9:12

Po'ok enenlhet apketlhevangkek na kolhvave nak akianmoma aniem'o apkelpasmoma ketlhengkap, tep ankek ennengko'o hengelietemo nhan angetlhevangkok akianmoma nenmakmekama apieseksek anak ketlhengkap, mang koka nkomak'ak angenmangkok takha m'a kakpota melpaqmetek hengellanho' ennengko'o, malha hennaqtevaskesekha ta nhan etnangkok ania'a aktaqmanma nellengaskama.

1 Corintios 9:18

Koka nema akpaiesekha na mota evalhok ka malha akianmoma asmakmekama, nietave niekhe anmok akianmoma asmakmekama, koka momak'ak ko'o anmok takha m'a.

1 Corintios 9:19

Have ko'o nema heiasennaikama nema apianmoma, astek koka malha nema heiasennaikama nema apianmoma kakpota alpasmok aplhamakho ketlhengkap nkolhnangkok na meliaskeiam Cristo alienlhanmok na alhamasekha la'a.

2 Corintios 1:15

Ka nkanek mankotnama evalhok astaienta la amaika'a mokhom ham kakpota nkotnek hanet aktaiekho altakmelekha apvalho'ok ketlhengkap ham.

2 Corintios 11:9

Neksa aimommalhka lhta nhan qaselha ko'o ham, ma lhta alelmalhnekama helpasmoma la ketlhengkap. Macedonia lhtoka apkeleniem'ak elialheng'a hellangkok qaselha alaimommalhkelha la ko'o m'a. Ma lhta alelmalhnekama helpasmoma la ketlhengkap, molelmalhnekhek hata mokhom qaselha alaimelhko la ko'o, mankonmak'ak na allapsongkeskesek apvalho'ok ketlhengkap ham.

2 Corintios 12:13

Ma lhtoka alelmalhnekama akianmoma la asmakmekama apieseksek anak ketlhengkap ham, koka mo'ok alhta iglesias hellaiangke lhta akianmoma asmakmekama apieseksek ma'a, ketlhengkap koka manghellaiangkok. ¡Eltemeskesama ta apankavek ketlhengkap hellanei'o aniem'o lhta malha akiavai'a asnaktevaskama ketlhengkap molelmalhneiangka lhta akianmoma asmakmekama ham!

Galatas 4:19

Ketlhengkap eietkak, mokhom aslengaiangko akientalhnema aniem'o ketlhengkap, malha kto nak engken la aklengaiangko akmaska av'alhok aniem'o apmahai'a etiemok atka. Hata nhan ngkotnek aslengaiangko akientalhnema akvakmo aknem etnangkok ketlhengkap malha Cristo.

Filipenses 4:1

Ka m'a astakha lhkek askellano, ntasek etlhengkesek akiennaktema nkek apkelleliehekho Apveske ketlhengkap elialheng'a askellasekhai'o, heliepvaiakmek nahan, apkelpaiesekha mota evalhok, malha akianmoma la alhevai'a asnaksepma askelhanma epatek ketlhengkap.

Filipenses 4:17

Have ko'o asteniai'a mokhom qaselha hepasmoma la'a, vanlha koka asteniak etlhevangkok nema akiaqmongkasekha ta aniem'o helpasmoma ko'o.

1 Tesalonicenses 2:11

Apkelvetai'a lhta nhan neliatekho ketlhengkap kanhan nelpaieskaiakmo apvalho'ok moklhem'a ketlhengkap malha apto nak lhema apiapom nematka aptaqmelkeskaiam la apvalhok apketka, nengeleltennaso lhta nhan etnangkok aptaiangkolha apkelpeivomo ngkanek apkellelto apkennemolhema Eniapom Neten, apto lhta nhan apkellavekama kakpota eltemengvomok ma'a apkelveskaie' kakpota nhan apkelientalhnemo.

1 Tesalonicenses 2:8

Avanhek anke lhta nellamelaiam ketlhengkap, nellankongvaiakmo ania'a aktaqmanma, niekhe lhta atlhenkeskama angelletsepok aniem'o hengellasennaikama ketlhengkap. ¡Ka m'a avanhek anke lhta aknaikamok nengellamelaiam ketlhengkap ma'a!