2 Corintios 12:10 - Nuevo Testamento Toba Maskoy

¹⁰ Avanhek na akpaihekha evalhok neksa moiennaktema la'a, neksa aimommalhka nhan qaselhaha, nema heiaqmasekama, neksa akvai'a akientalhnema aniem'o enenlhet apkenmahai'a henaqtevaksek aniem'o nhan moi'askeiam Cristo. Neksa moiennaktema apankek la'a, malha asiennaktema pankek ntakhak ma'a.

2 Corintios 12:10 ပူးပေါင်းရင်းမြစ်များ

Lucas 6:22

Aktaqmelakho nkek ketlhengkap apkeltaknommap anak, nema alvannaikama kakpota nhan nema alentepkeskama apkelvesai'a ketlhengkap aniem'o apkelieplekama m'a Enenlhet Apketka nak.

Juan 15:21

Nkotnek hata akvai'a m'a nema akmenlhenaikama nak ko'o songkek askeltamesaikamok ketlhengkap, enenlhet meliamolhma nak ma'a meliekpelkak apto heiapaskama ko'o.

Hechos 5:41

Ka apkellenteiapmo lhnak nema alapaskamo napaqtave apkelientalhnakha apkelveskaie, nkelpaihekhek nak apvalho'ok ngkanek apkellengaiangkek nak akmaska aniem'o apketlheianma Apvesai'a m'a.

Romanos 5:3

Nkelpaihakhek na engelvalho'ok ngkanek ntepkaskek na nenvaskapekho neksa akvai'a la akientalhnema.

1 Corintios 4:10

Netlhenalhkek na ennengko'o metka enqatko'ok aniem'o nellasennaikama Cristo, ketlhengkap koka apkeltemeskaskek Cristo nema apkeliamo. Netlhenalhkek na ennengko'o nengelelto mongeliennaktema, ketlhengkap koka apkeliennaktema. Manghengellak'ok na enenlhet'avok, ketlhengkap koka apkellak'ok ma'a.

2 Corintios 1:4

Hai, apaieskakmek engelvalho'ok neksa akvai'a la akientalhnema m'a kakpota nhan envanka'ak ennengko'o angelpaieskamok apvalho'ok emmo'ok la'a neksa akientalhnema, ka aktemo lhta nhan ennengko'o alpaihengvaiakmo engvalho'ok aniem'o Eniapom Neten.

2 Corintios 10:18

Koka akhemo m'a angelalhkok enganko'ok engankavek, ntasek koka Apveske nak nkalhkok apvalhok aniem'o nenmakmesaikama m'a.

2 Corintios 12:9

koka heiatemmoma lhta Apveske, lhta aptak: —¡Nietnek askameliam lheiap, vanlha ham! Nkanek asmopvana niennakteskek lheiap neksa meiennaktema la'a —lhta aptak Apveske heiano m'a. Ka nkanek anmalhko mota evalhok neksa moiennaktema nkanek Cristo heiangkok apmopvana kakpota aiephongvomhok neksa akvai'a la akientalhnema.

2 Corintios 13:4

Malha lhta niekhe meiennaktema la neksa nema aliaqlhaklhema apmeio'ok apmanko'ok neten iamet aktenneskama m'a, kolhva koka aploka mokhom aniem'o Eniapom Neten apmopvana. Ennengko'o nhan malha mongeliennaktema la'a ka aktemo lhta nhan Cristo, koka nelpasmekhak Cristo nkeniemai'ak neliennaktema nak, hata angenmama nenmopvanka'a kakpota eltaqmelkeskesek apkellangiemhaikama ketlhengkap ham.

2 Corintios 13:9

Hai, niekhe mongeliennaktema, nkaqhok koka nkelpaihakhek engelvalho'ok ngkanek melleiha songkek ketlhengkap, nengelmalhneskaskek na lhamakho aknem kakpota nkanantangkok apketsavhongvaiakmo apkeliangveiakmo.

2 Corintios 4:17

Nkomaskengvomok hata m'a nellengaiangko akientalhnema hengke'e nalhepop anak, nnek koka hengelpeneskaso kakpota ngkoitek akiennaktema enneniek akiav'akha nkek qaselha altakmanma m'a mankotnengvaianlha nnelha.

2 Corintios 4:5

Mangeleltennasengkok enganko'ok engankavek ennengko'o napaqtavek enenlhet la'a, neleltennaskek koka apvesai'a Jesucristo apto Apveske aniem'o nhan nengellamelaiam ma'a, ka ngkanek nentaiangko nhan malha apkellasennaikama apankok nema apkelianmoma nak ketlhengkap.

2 Corintios 5:15

Apketsepme lhta Cristo apkeliaqmoiekha aplhamakho enenlhet'avok, kolhva apkellava nak mokhom nenvanlha nak ntasek metenia nkek allekkasekama la apvalho'ok apanko'ok apankave, koka ellekkeskasama apvalhok ma'a apto lhta apketsepma, aplhatekhangveiakmo lhta nhan kakpota eltaqmelkeskesek apkellangiemhaikama aplhamakho enenlhet.

2 Corintios 5:20

Hai, ennengko'o hengellapaskama Cristo kakpota angelleltennaksek ania'a ketlhengkap, malha la nhan Eniapom Neten apkellasnekama napaqtavek ketlhengkap. Akieplomo apvesai'a nak Cristo nellasnema ketlhengkap neleltemo ellasekhekhok mokhom, eleliehekhok nahan Eniapom Neten.

2 Corintios 6:4

Ntasek nentaiangkolha, apvanka'ak elvetak enenlhet'avok nengelelto hengellasennaikama Eniapom Neten. Nelvaskapke lhta metka nempekheskama nelvetai'o akientalhnema, nelvaskapmek na neksa aimommalhka la qaselha enganko'ok, anmaiosak'a engelvalho'ok nahan.

2 Corintios 7:4

Iokhalhmek ankek alheianma nak avanhek ankek ammalhko evalhok askellan'o ketlhengkap ammelhanto evalhok ham. Niekhe nellengaiangko akiavai'a akientalhnema, avanhek ankek koka nhan asvaskapekho kanhan akpaihekha evalhok.

Efesios 6:10

Hai, ka m'a elialheng'a, eteniamok hata mota Apveske kakpota ellangkok apkeliennaktema m'a, nietnek akiavai'a nkek apmopvana m'a.

Filipenses 1:29

Eniapom Neten apkellaikamok ketlhengkap qaselha aktaqmanma nkek akvesai'a meliaskeiam Cristo, apkellaikamok na apkellengaiangko akientalhnema aniem'o apkelleliehekho Cristo.

Colosenses 1:24

Mpaihakhek ko evalhok aklengangko akmaska asiokha nak aniem'o hellasennaikama ketlhengkap, ngkanek asavhok hata aktemakha lhta aplengaiangko Cristo aniem'o nkotaqmelekha ta iglesia, ngkanek malha Cristo apiokha ntak ma'a iglesia.

2 Tesalonicenses 1:4

Vanlha mota netlhenaikama aktaqmanma apkelvesai'a ketlhengkap akieto mo'ok la iglesias apankok Eniapom Neten, ngkanek ketlhengkap nheklhek apketlhengkeskama aliennaktema apvalho'ok meliaskeiam neksa nema akmenlhenaikama kanhan apkellengaiangko akientalhnema.

2 Timoteo 3:11

Apiavek na lheiap aslengaiangko akientalhnema aniem'o nema heiaqmasekama lhta metka nnelha, ka aktemo lhta asvetai'a m'a apiav'akha temma Antioquia, Iconio kanhan Listra, koka Apveske lhtoka hevongkeskama mota tep ma'a.

Santiago 1:2

Ketlhengkap elialheng'a, nkolpaihekha ta apvalho'ok neksa akvai'a la akientalhnema koka akmahai'a nkoiepkonek

Apocalipsis 2:3

Metka lhta nhan apekheskama lheiap ka nhan apvaskapma neksa akientalhnema aniem'o heiasennaikama, ma lhtoka heiamasangvakmok heieplekama m'a.