2 Corintios 11:3 - Nuevo Testamento Toba Maskoy

³ Nkak'avek ko eneniek nkoliennenkeskak menasma nkolienieskasekhak Cristo aptaikamok apkelleliehekho iokhalhmek ankek, akiennengkeskamo lhnak nanek na Eva m'a.

2 Corintios 11:3 ပူးပေါင်းရင်းမြစ်များ

Juan 8:44

¡Aveske keliaqhameio' atkak ketlhengkap! Vanlha mota apkelleliehekho m'a, nentekioma niapom ma'a tep nak nanek ampai'osekha lhmankek ham, kakpota nhan akmovana ania'a anko ie, ngken na nenmopvana ania'a nak.

Romanos 12:8

Enenlhet apto lhta nhan aplhevai'a apmopvana eiatekhok po'ok, ntasek na eieplavkesek ma'a. Enenlhet apto la hengaiangko niapom qaselha apankok, ntasek etnek metka apkenmeiavkesammakpo panke' qaselhaha. Enenlhet apto lhta nhan aplhevai'a apmopvana la malha apveske, ntasek etnek apiamo, aptaqmelkeskamo nhan. Apto lhta nhan aplhevai'a apmopvana epasmok apkellelto nak metka apkelletsekama, ntasek etnek akpaihekha mota apvalhok ma'a.

2 Corintios 1:12

Avanhek ennengko'o alammalhko engelvalho'ok ngkanek neltaqmelkaselhkek akietemo nkek, iokhalhmek ankek na nempaivoma nentangkok napaqtavek enenlhet'avok lhmankek ham, tep ankek na napaqtavek ketlhengkap. Have koka aniem'o nenianveiakmo enganko'ok engankave nak, aniem'o koka m'a aktaqmanma nke nak hengellanei'o Eniapom Neten.

2 Corintios 11:20

Kanhan apkelvaskapak enenlhet'avok anak apkeliateiangko nak ellasennama m'a, apkelianmongkeskangkek na ketsek kianmoma ngkeskama koka apkenmakmekamaha, apkeliennengkeskangkek nahan, koneng na apkeltemeskeskamak, apkeltekpoikama nhan napaqta'a, koka apkellaiangkavek ketlhengkap ma'a.

2 Corintios 11:29

Asleng'o la lhema enialheng akmaska apiempek ma'a, ko'o nhan malha akmaska eiempek na stahak, asleng'o la nhan lhema enialheng apiepkonammap m'a, avanhe ntak na sloma m'a.

2 Corintios 2:17

Moklhem'a enenlhet apkeleltennama ania'a aktaqmanma apkeleltema nkoltaqmelkeskesek apkellangiemhaikama apanko'ok apankavek, ennengko'o koka mantangkok ma'a. Eniapom Neten hengellapaskama, apiavek nahan metka nenteniaikamok enganko'ok engankavek qaselha altakmelkeskama la nellaniemhaikama, netlhenke mota qaselha have niapak ankek aniem'o nelpasmekha mota Cristo.

2 Corintios 4:2

Man na angellanengkok qaselha la nelielhaskeskamo henmankaskama nak, man na nteniangkok na neliennengkeskama la'a, mangeliaqmongkasekhak na mo'ok aktemakha ania'a aktaqmanma nak netlheianma hengellaikamo lhta nhan Eniapom Neten ma'a. Apiavek koka nhan Eniapom Neten akto netlheianma iokhalhmek, apkeliavek na enenlhet'avok ka ngkeniemai'ak manghengeliaskamek ma'a.

Galatas 1:6

Avanhek akiemaskama evalhok ketlhengkap aslengai'o ania'a apkelvatesaikamok kolhvavek ankek apkelieplavkeskama Eniapom Neten ham, apto lhta apkellavekama, apkelvetaskeskama lhta nhan apkellamelaiam aniem'o m'a apkellapaskeskama Cristo kakpota eltaqmelkeskesek apkellangiemhaikama ketlhengkap ma'a. ¡Koka apkelvatesaiangkek na lhta ania'a aktaqmanma apkelieplavkeskama ketlhengkap, apkelieplekho lhna lhta m'a mo'ok ania'a iama aktaqmanma!

Galatas 2:4

Hengelpalhakva'a lhta nhan apkelleltammakpo engelialheng'a, koka have lhta niekhe m'a vanlha lhta apkenmahai'a ellanama nentangkolha metka hengenmaikama nak henganemakha aniem'o Cristo Jesús, koka apkenmahai'a lhta henteskesangkok mokhom malha hengellasennaikama nema nelianmoma henganemakha ankok.

Galatas 3:1

Asketlhekmoske lhta ko'o alhnakho nke aktemakha lhta apketsepma Jesucristo neten iamet aktenneskama kakpota antangkokhak nengelpeivomo napaqtek Eniapom Neten ma'a, koka ketlhengkap apkelvatesaiangkek ania'a aktaqmanma nak. ¡Malha apiolhma meihamolhma ntemak apnaqtevaskama apqatko'ok anak ketlhengkap Galatas, mamma apqatko'ok!

Galatas 4:11

¡Ntaikama evalhok malha aqhemo ntemak akientalhnema alhta asketlhekmosekamok ham!

Efesios 4:14

Nkomaskok ma'a nentangko malha nematka nak mankoliennaktema apvalho'ok kolhvavek anke nak akiaqmoiekha mo'ok alketamekama apvalho'ok. Kolhvavek ankek na eiaqmonkasangkok mo'ok nematlhekmoskama ngkolatsekama apketsokmo la enenlhet apkenmopvanka'a nak heniennengkesek, koka malha al·hanemmalhka m'a.

Efesios 4:22

Ka nkeniemai'ak na ketlhengkap ntasek elvatesangkok ngkollatsekama apkellaneiangko lhta mota lhennenga, etnangkok malha apkel·hatsosaikamok lhennenga apvalho'ok alpaisengkeskama aniem'o aliaspongkomakha nak apvalho'ok akmovana nak hengiennenkesek.

Efesios 6:24

Askeltavek na Eniapom Neten eltaqmelkeskesek akiavai'a nkek apkellaniemhaikama apkellelto nak apkellasekhai'o metka nnelha Apveske engankok Jesucristo. Amen.

Colosenses 2:18

Mellailho nkek enenlhet apkeliematkesaikama la'a ngkanek apkeliavenkaskesama mota apkelvesai'a ángeles ma'a, aptangke niekhe nalhep'avek apvalho'ok ma'a, apkenmopvanka ania'a koka, apketlheno alvetai'a apaqto'ok koka apkeltaikama apankek ma'a, nkeliephesekama mota apkellammakpo atlhenaikama apvalho'ok apanko'ok apankavek ma'a.

Colosenses 2:4

Ka astakha lhkek alheianma lhamakho qaselha nak kakpota mangkolhek aliennengkesko'o, ka enenlhet la'a malha nak altakmanma apkelpakmetekamaha, apkenmopvanka'a ania'a koka.

Colosenses 2:8

Ellaho ta enenlhet apkenmahai'a la eliennengkesek aniem'o apkeliangveiakmo apanko'ok apankave, apkelelpeiveskasekha nhan qaselha nak apkenmopvanka'a ania'a kanhan henganemakha apanko'ok apankavek, koka have aniem'o Cristo m'a.

1 Tesalonicenses 3:5

Nlhenaikama evalhok nketlhengkaske lhta mankolianmolhkek asleng'o ania'a apkellengaiangko akientalhnema ketlhengkap ham, ka nkeniemai'ak askapaskamo lhta Timoteo kakpota hesantengkesek ania'a, asmahai'a aihok ania'a aktemakha meliaskeiam ketlhengkap ham. Avanhe lhta ko askai'a hengel·hanmo ngken anak nkolpalesemma ketlhengkap ham, lhta akto la m'a, akhemo lhta ngkotnek nengetlhekmosekamok ketlhengkap ham.

1 Timoteo 1:3

Askeltavek mokhom altakhengveskakhak astakha lhta askano lheiap ma'a akieto ham Efeso neksa asmahai'a aniakha lhta m'a Macedonia, lheiap hato ka ntasek elhek kakpota ennavaksek mankolietemo nak apketlhekmosekamok, lhta stahak.

1 Timoteo 2:14

have lhta nhan apmanie Adan nema akiennengkeskama, vanlha lhta ngkelvana nemo akiennengkeskamo m'a, netamen akiekai'o lhta apaivoma Eniapom Neten ma'a.

2 Timoteo 3:13

koka apkellelto nak meliamolhma kanhan apkeliennengkeskama nak po'ok, nkovenke pankok hata apkellanekamok qaselha ngkollatsekama nak, aplhaniek hata etnangkok apkeliennengkeskama enenlhet'avok, koka ngkolhek hata nhan aliennengkasakho m'a.

Tito 1:10

Nkanek aplhaniek meleliehekho ka nkeniemai'ak ma'a apieseksek anak aknaikamok anak nema aliaqtemenkeskama nekhatko'ok apkellammelhakha, vanlha mota apkelpakmetekama aktaikama nkek, aptengiaikama mota eliennengkesek enenlhet'avok ma'a.

Hebreos 13:9

Ka ngkanek na ntasek ketlhengkap meliaqmongkasekhek mo'ok aktemakha hengetlhekmoskama la'a, ngkanek lhamakho henganemakha nak alleskama mota etavangkok lhamakho nentoma la'a ketlhengkap man koka nkoliennakteskasak apvalho'ok ketlhengkap ma'a. Vanlha koka m'a nengamelaiam anak aniem'o m'a Eniapom Neten avankek nkoliennakteskesek apvalho'ok ma'a.

2 Pedro 3:17

Ketlhengkap elialheng'a askellamelaiam, askelientemongkasavek askellaskama amanie apkenmahai'a elvak ma'a, ¡ellaho ta enenlhet'avok anak meliamolhma apkenmahai'a mota eliennengkesek kanhan meliennakteskesek meliaskeiam anak!

2 Pedro 3:3

Eltaqmelkaso ta apkellailhemo asmak'akha atnek alheianma, hata aimelhko ta ketsek aktemongvanlha nnelha aknem elvak hata enenlhet anmaikama aliaspongkomakha nak apvalho'ok meliamolhma, eliematkesama ta ketlhengkap ma'a,

1 Juan 2:18

Ketlhengkap eietkak apketkok, ketse nkaimelhkak aktemongvaianlha nnelha aknem lhma nkek ham, apkellengai'ak ketlhengkap aplheiam apto apkammelhma Cristo, kolhva koka apkeliephongvak aplhamakma apkellammelhma Cristo, ka ngkanek nengeliavek ennengko'o kanketva'ak aktemongvanlha nnelha aknem alhma nkek ham.

1 Juan 4:1

Ketlhengkap apkellelto nak askellamelaiam, menmamonkek takha aptakha la aplhenammakpo pankek la enenlhet apietnema Eniapom Neten Apvalhok ma'a. Koka eltaqmelkaso ta sekhek apkellailheiangko apketlhekmoskama apankok aptakha la m'a, kakpota nkotlhenek apvalho'ok apkeniemo m'a Eniapom Neten nlho ka la mma'. Ngkanek aplhaniek lhmankek ham apkeleltennasemmap ania'a apkenmopvanka ania'a.

Judas 1:4

¡Ellaho toka m'a enenlhet'avok meliamolhma nak apkelvai'o lhna lhta mota ham apieseksek anak ketlhengkap! Apkelpasmekhek na lhta ketlhengkap ma'a, apkeliennengkeskamo lhna lhta nhan. Apkellaneiangkek na lhta lhamakho aktemakha qaselha ngkollatsekama atlheianmo apvalho'ok metka apiaqmongkasekha Eniapom Neten aniem'o aktaqmanma nke nak aptemakha, menmaiangkok na takha m'a apto lhema aphapak Apveske engankok Jesucristo. Tep nak nanek nlheianmek Eniapom Neten apaivoma etlhevangkok hata nema aliaqmongkaskesekha apkeltemakha m'a.

Apocalipsis 12:15

Koka ntepkaske lhta iemmen atong menasma akiavai'a nak malha lhta ntakhak alvata akiavai'a la'a kakpota nkosvo niekhe iemmen aniema ngkelvana.

Apocalipsis 12:9

Nne lhta nhan akieniantamo koneng menasma akiavai'a kanhan ángeles atlhelhma'ak akieto takhalhet lhepop. Tep nak nanek akietnemo m'a menasma nak, akvesai'a nhan aveske keliaqhameiok, mo'ok akvesai'a Satanas, aliennengkaseiangka mota enenlhet'avok alhmankek ham.

Apocalipsis 20:2

Apathetke lhta m'a menasma akiavai'a lhta akvaneiam akvesai'a aveske keliaqhameio', mo'ok nema ltema Satanas. Apkelpelhketo lhta nhan cadena aliavai'a lhta, apienievo nhan malhek konne kankek. Ka aptaqmelkaso lhta nhan apkapekha atong ma'a akvaiakmo ta m'a 1.000 anio kakpota mankoliennenkasama enenlhet'avok lhmankek ham. Netamen hato ka m'a ngkolhek hata akpaqnemakho mokhom ma'a, akiakvatakho nkek hato ka m'a.