2 Corintios 11:29 - Nuevo Testamento Toba Maskoy

²⁹ Asleng'o la lhema enialheng akmaska apiempek ma'a, ko'o nhan malha akmaska eiempek na stahak, asleng'o la nhan lhema enialheng apiepkonammap m'a, avanhe ntak na sloma m'a.

2 Corintios 11:29 ပူးပေါင်းရင်းမြစ်များ

Juan 2:17

Neksa apkelvetai'a lhta apkeltamesaikamok ma'a, atlheianvakho lhta apvalho'ok aktalhesammalhka Vakkahak Eniapom Neten apaivoma, lhna ntemak: «Nietnokhasavek evalhok asvetangvaktamo apkellanengko qaselha ngkolatsekama apnemakha lheiap», ntemak ma'a.

Romanos 12:15

Kolpaihekho ta lhemek apvalho'ok apkellelto la alpaihekha apvalho'ok, eliapqalh hata nhan lheme' apkellelto la apiapqalhema.

Romanos 15:1

Nengelelto nak aliennaktema mongeliaskeiam Eniapom Neten mangkolatsema mota anteniangkok nenmak'akha la antangkok. Ntasek koka enmankok takha apkenmak'akha la nhan etnangkok nkoliennaktema nak meliaskeiam Eniapom Neten.

1 Corintios 11:22

¡Apkeliekai'ak ketlhengkap aktemakha nak aklhengama iglesia apankok Eniapom Neten kanhan metka nak apkelletsekama ham! Koka apkenmak'o la mellaksek etavokha aptekamok, einangkok nahan mankonmak'o la elpasmok po'ok aptekamok, motlhenama ta mota apkelvesai'a ketlhengkap apkeliamolhma ¡eniaqhamok hata apkakhaiangkolha apankave kakpota etavokhak ma'a!

1 Corintios 12:26

Ka aklengangko la akmaska lhema m'a aknaiangko nak neniokha, nsavhakhavek na anmaska aknaiangko nak ma'a neniokha. Koka aktakmelakho la m'a lhema aknaiangko nak neniokha lhkek, nsavhakhavek na alpaihekha av'alho'ok ma'a aknaiangko nak neniokha.

1 Corintios 15:36

koka meliangveiakmo moklhem'a ketlhengkap ma'a. Nkotnek hata malha aktonak aktek anak anammalhka, amanie angatonnek ma'a, malha atsepma la'a, netamen nkomaihekhak aiempek lhek, nkotektepok ma'a.

1 Corintios 8:13

Ka astengkeso la enialheng aniem'o astoma apetek monganemmalhkelha nak anto'ok napaqtek ma'a, ntasek na motvek ma'a kakpota motengkesek enialheng.

1 Corintios 8:9

Koka ellaho ta m'a aptavengko ta napaqtavek nkoliennaktema nak meliaskeiam ngkanek epalesemmak ma'a.

1 Corintios 9:22

Koka asnemo lhta apieseksek mankoliennaktema nak meliaskeiam Cristo, astemengkek na aptaiangkolha nak ma'a kakpota alpasmok meliaskamek na Cristo. Lhamakho apkellavakha lhma nkek ham asmangkelha la'a, astemengkek na aptaiangkolha m'a kakpota alpasmok elvongkasakpok na tep ma'a.

2 Corintios 13:9

Hai, niekhe mongeliennaktema, nkaqhok koka nkelpaihakhek engelvalho'ok ngkanek melleiha songkek ketlhengkap, nengelmalhneskaskek na lhamakho aknem kakpota nkanantangkok apketsavhongvaiakmo apkeliangveiakmo.

Galatas 2:14

Asiennave lhta nhan askellan'o napaqtavek enenlhet'avok ma'a ngkanek ma lhta eieplavkasak ania'a aktaqmanma akto nak haveniapak anke, lhta stak askano m'a: —Judio apanke lheiap, aptakhek koka malha metno judio ¿Se lha kto apkeliatengko nak lheiap metnangko nak judios etnangkokhak malha aptaiangkolha nak judios, he?

Galatas 6:2

Elpasmakpo ta pankavek elpatmekhak malha apkelpatama apieseksek anak ham, ka aptangko la ketlhengkap ma'a, apkelieplavkaskek ley apankok Cristo.

Apocalipsis 2:2

"Asiave ko lhamakho aptemakha apkelanai'a lheiap, asiavek na akientalhnema apmakmekama metka apiamasangveiam, asiavek na menmamo takha enenlhet meliamolhma, apkeliepkonke lhta nhan lheiap apkeltemakha enenlhet apkeleltammakpo apankave lhta nema allapaskamo, koka have ma'a, apkenmopvanka ania'a lhta m'a.

Apocalipsis 2:20

Koka mankoleklemok evalhok apmamo takha lheiap ngkelvana nak Jezabel, aklhenammalhka nke mota aktema altennasemmalhka ania'a, koka vanlha akteniaikama nkoliennenkesek askellasennaikama nak ko'o, aliateiangko nhan ntasek etavangkok apkennapekamok apnaqtoskama apkellaikamok qaselha akiokha alanemmalhka, kanhan apkellanaktema.